影片
食记 (69)
天后好多间食肆都试过，见到呢间好似新开d汤底都几吸引就入去试下 原来呢度一人火锅唔系定食，系半自助式，肉类就定左一份，可以拣黑豚肉/牛小排/小羊卷/鸡件，仲有写埋产地！食得靓d可以食龙虾/毛蟹/和牛添。最终叫左一个龙虾套餐，包一类肉+一罐台湾啤酒，另外叫左一碟日本松板猪肉，而丸类菜类乌冬/面类可以系出面自己任夹，饮完啤酒唔够可以任斟荔枝汁、冬瓜茶同其他热茶，望落都几多选择。松板猪肉唔错，waitress话肉质会爽d 类似猪颈肉咁既口感。 加$20叫左鲣鱼汤底，果然有惊喜，食得出熬到出晒味唔会好淡，渌完d肉汤底仲好清甜 龙虾同散叫既带子都好新鲜，尤其系龙虾，中等size都多肉，食埋台式黑墨鱼丸、鳕鱼豆腐、蟹籽丸果堆都饱到七彩，有个叫麻吉烧口感好特别大家要试下，系麻糬夹心即系小丸子咁。台湾啤酒系生果味都好好饮，哈哈饮完都唔会面红因为好少酒精成分。如果仲未食饱都仲有出前一丁不过真系食唔落喇事关仲有杯Haagen Dazs。其实我地坐左两个钟见无人赶我地坐多一个钟休息一阵再继续🙈每人大约$200-$300左右当然食和牛海鲜就贵d la要$400-$500, 其实本身一个餐都非常够食，惊食唔晒可以散叫其他，唔够食既话可以追加肉类都系$30-$50 100克。 2个人打边炉叫一个汤底都要$200左右又叫唔到好多款配料，呢度我觉得适三五知己/情侣黎食。
继续阅读
心机小店!!一入去唔够力开门原来呢到通风系统太强!打完边炉啲衫都冇一阵味坐低打开menu,汤底好多选择!!有蕃茄,咖哩,麻辣等等,而麻辣可以拣辣既程度!我同朋友拣左咖哩同麻辣(bb辣)仲有有几个set,有海鲜既,有2人餐又有1人餐。1人餐有牛或羊或猪拣。我地拣左美国肥牛同小牛排。另外加左个黑毛猪同(餐加$60)。仲有散叫响铃同炸枝竹黑毛猪好好味,美国肥牛索左咖哩汁好正,肥肥地有咬口。牛小排就比肥牛更有肉味!不得不提,除左主菜,呢到确实抵食。因为丸类,面,菜同汽水系任食。自助出去攞本身我唔太喜爱食丸类,但朋友话呢到款多,结果试左5,6款,好好食。特色既系芝心丸!有粟米汤加车打芝士粒入入面。另外墨鱼丸黑白花碌碌外表原来入面个馅装满墨鱼碎。比出面打边炉啲千篇一律既丸多左惊喜。睇相可以睇倒都几多选择。店员方面,店主店员都亲切友善,大大方方问客人食物质素如何。收碟快唔会逼住成枱野坐得舒服。值得赞系佢地加汤唔系加水,加左咖哩汤比我之后个锅系越食越浓味其间见有客人生日,仲同店主影相切蛋糕tim。食到最后卖单有雪糕送。店主仲送多两客自家制鸡蛋布甸好香牛奶味好surprise。我下次会再帮衬我想试佢地个鸡锅
继续阅读
成日一时冻一时热，今日见冻冻地去打个边炉！估唔到哩间边炉有咁cute又多款既汤底haha但奈何两个人只拣得两款，所以要左下面一个蕃茄汤底，一个好似系牛乳汤底～餐厅出面仲有唔同既配料，友人就不断食出面既金茹同豆腐仲要话好好食，不过我就钟意佢地既牛！食落唔会觉得好"漏"而且会想再食！另外因为我好钟意食牛柏叶，所以ORDER左一碟～一黎就个个厨师cut得好，因为食落去无平时咁难咬（我以为系个屋企人先做到XD）真系估佢唔到！而且食得出D牛柏叶好新鲜！！！牛柏叶close up~最后见隔离木台叫左好大只既龙虾，而且话好好食！！！梗系好试下XD食落果然几好，不过我比较欣赏佢D scallop. yummy!!!
继续阅读
天后系下一站要去食好嘢既地方同啊妈两个人成日想打边炉但一个食辣一个吾食好痛苦所以啊妈叫我同佢嚟天后食一人一锅佢呢度系半自助式甘，佢既餐都吾太多既差异，可以听下店员既介绍就可以知道有咩分别为左食得健康，我决定拣蕃茄汤，有蕃茄蓉系入面，汤浓，就算加汤都吾会好似任食既舖头越食越淡味啊妈食既系麻辣，啊妈食医院辣（第二辣），佢话都吾系好辣，但点知越滚越辣，终于食到近尾佢就放弃投靠我个边一落完单就好兴奋出去夹嘢，佢display 既都系任食任饮饮品有大爱既玻璃樽汽水，同埋荔枝汁颂有柠檬金桔饮，柠檬金桔饮落去都几去油腻同埋冇甘济公仔面，乌冬，粉丝都任拎，不如果一人一锅既话我会觉得份量分一半俾人拎好d，事关份量都会觉得好大丸类蔬菜都好多款，我中意比较特别小有既嘢食，佢个褔包同杂菜豆腐都好得意佢虽然有酱油蒜蓉拎，但汤底其实已经好够味，可以咩都吾点猪肉既脂肪比例都比较均匀，吾会太肥，滚耐小小就食得，一d都吾un，而且吾会好厚牛肉都好靓料，薄薄地一滚完即食好嫩口，令人好想再食牛肉冇得任食，要加钱，如果我地个餐冇甘多嘢食既话一定会加佢个二人餐有个小食，原本系海胆带子，但海胆甘岩冇货，所以店员话改左三文鱼籽，一啖食哂两样个感觉系劲新鲜，但望住生牛肉会有一种系米可以生食海鲜有龙虾，蚝同虾生蚝超肥美大只，直创妈子个胃虾放系蕃茄汤个感觉好新鲜同有蕃茄味会好中意甘既配搭龙虾都好大只，放系蕃茄汤到个鲜味更出而且连带个汤都有鲜味，肉都几弹一滚完拎出嚟揸住对筷子系度谂点食，吾知系米个店员见我筷子用到杀人甘佢就拎左叉俾我食食完会每人一杯雪糕，有好几种味总结睇佢汤底够浓食材选择多食物新鲜
继续阅读
昨晚天气转凉，想食火锅，天后区火锅店不多，我们两人便选择了比较特色的台湾一人一锅。点了北海道牛奶锅，味道不错据说这里的食物都来自台湾，包括丸类，啤酒等。奇怪的是，这里人手很不足，男服务生谷目不转睛去望住我的女性朋友，好像想要知我们的对话内容似的。女友人被注目得不耐烦，有冲动立刻结帐离开。可能他是想找机会跟我们聊聊，建立好与客人的关系吧。但这感觉就不是太好，吃饭本来就是我们两个人的事。牛丸墨鱼丸很不错，肉类算新鲜，价钱可以接受。环境方面，地面湿滑，有油光。若服务生的服务方式不改变，很难再来。在香港搞饮食业，卫生方面也应该注意点。
继续阅读