影片
以上资料只供参考，请与餐厅确认详情
头先同三五知己打横行去咗间餐厅试吓喇！高低手口讲，嘢食真系好过我想像中㗎👏首先嚟个牛筋饭，啲牛筋煮到啱啱好，又淋又嘟，啲味道渗晒入去筋到。淋过旧嘅牛筋，嚼落有口感，仲要份量多到摆满成碟。饭就够哂香，唔会湿笠笠，同牛筋夹埋，咬一啖，融入嘅咸香同牛味正到爆炸！再嚟讲讲个招牌咖喱吉列猪扒饭啦。外脆内嫩嘅猪扒，个咖喱香浓，中辣啱啱好，挛唔刮喉。加埋啲特制嘅咖喱汁，每一啖都暖笠笠，味道扑鼻，冬天食正！最后，唔试佢间铺头嘅云吞就等于白去！啲云吞肉馅鲜甜，汤底清甜，饮一啖好似㗎健康气息啲咁。啲云吞皮又薄又滑，好似食紧小棉被咁，实在太过瘾！🥢总结黎讲，𠮶午餐食得我心满意足。如果你一个钟头lunch break想食好一餐，呢度绝对系你嘅不二之选呀！下回见到我，记得问我下次又去食咩喇～👍😉
继续阅读
呢一间位处于大埔超级城中心既餐厅、佢嘅牛腩面好出名。分为：坑腩，爽腩、崩沙腩。亦有沙嗲捞面，仲有印度薄饼餐。午饭选择更加多样化和它嘅外卖出餐很快，佢另外一样最出名嘅系澳洲牛丸，啲牛肉丸啲汁锁晒喺里面，一食落去有种爆浆嘅感觉、肉质鲜美。我今日嘅早餐我都食澳洲牛丸公仔面，我叫佢走汤底多葱，当捞面咁食系我习惯、唔食过唔知、一食落口一试入魂。除左食嘢之外，建议大家可以睇下佢地嘅餐厅设计，个人觉得啲设计相当得意。
继续阅读
夜晚晚见无咩人就入左去食，坐低同店员讲叫个崩砂腩河粉，冻奶茶。黎果阵黎左碗牛坑腩河，都算，呀姐落错单我唔会怪佢，坑腩我平时其他地方都有食开，但食落口，d牛无牛味，但旧旧都好碎，好似切到一忽忽咁，但都算软身，再试埋d河粉，又系无咩味，好似食左一碗清汤煮牛咁。另外杯冻奶茶，以前饮都叫做好饮，会想返转头饮果种，但系今次，佢转左胶杯装，似落又唔够甜同无左奶茶果种味道，都系好淡味。今次另我有点失望，希望可以改善一下。
继续阅读
今日下午茶时间试咗呢间主打牛腩、咖哩同醉鸡嘅茶餐厅，不过我哋两个人三样都无叫，反而叫咗一个下昼两点之后开始供应嘅怀旧港式小食同埋一个全日套餐，怀旧小食叫咗足以碗仔翅，而全日套餐就要咗个鲜味走地鸡丝拌开胃四色凉面(即系鸡丝凉面)。个足料碗仔翅都真系几足料，平时啲碗仔似入面用猪肉丝但系呢度就用鸡肉丝，味道还可以啦，不过佢啲鸡丝真系比较韧。个鸡丝凉面就麻麻，首先鸡丝又系韧，而且个凉面比较湿，唔系好啱我口味。
继续阅读
同屋企人又出咗嚟大埔揾野食，本身就想食隔离嘅烧肉～但睇睇下个餐牌又觉得依间吸引啲㖞，就入咗嚟食啦～🌈花雕桂香杞子鲜醉鸡 $68入口好香酒味，甜甜地！最怕出面啲醉鸡酒味重到苦嘅～呢个食落一啲都唔苦，而且有淡淡桂香味🧡而且鸡嘅肉质好好，唔系𠮶啲急冻鸡，雪到啲肉粉嘅😋河粉份量都好足，呢个价钱呢个质素冇得弹了🌈咖喱牛三宝饭 $70牛三宝包括左牛腩，牛筋，牛肚💛讲下个咖喱先，佢唔似我哋普通食嘅咖喱好香椰汁味，反而系似落咗好多香草，巴基斯坦风味😆牛三宝都炆得好淋，好入味，最钟意就系食佢嘅牛腩！唔好睇佢上枱细细碟，里面都好足料😋不得不说老板对客人都好细心，我哋冇提出佢都主动俾杯水我哋洗餐具。走嘅时候都问我哋系咪第一次嚟，同我哋倾吓计😆
继续阅读