影片
招牌菜
📍一辉烧味小厨茶餐厅📮马鞍山鞍源街63-64号地下.住马鞍山嘅朋友应该唔会对呢间茶餐厅好陌生, 因为印象中呢间餐厅无10年都有8年历史😌.茶餐厅黎黎去去都系果几味, 除左肠蛋面, 餐蛋治, 沙嗲牛面之外, 呢间餐厅仲有烧味食.入到去左睇右睇, 侍应走埋黎推介是日精选「叉烧乳猪饭」, 本身已经想食叉烧但又怕乳猪多骨, 最后拣左另一个是日精选「叉烧烧鹅饭」.叉烧烧鹅饭 HKD49卖相又ok㖞, 企企理理, 分量十足, 叉烧肉质松化, 再肥少少就更加好🤭唔知行咩好运, 师傅竟然俾左只烧鹅脾我, 烧鹅脾皮香肉嫩啖啖肉, 美中不足系皮同肉中间既肥脂肪多左少少饮品·冻柠茶+3茶底唔错够浓, 柠檬足料, 冻柠茶就系应该饮返茶餐厅既味道😏呢样绝对系我觉得茶餐厅仲正过酒店既饮品.So far咁多年好似无真真正正入去呢间餐厅食过, 外卖就有, 印象唔错, 今次试过堂食, 绝对会再返去, 烧味既性价比无得输.整体环境💭💭💭好味道：🧑🏻🍳🧑🏻🍳🧑🏻🍳🧑🏻🍳服务态度🤵🏻🤵🏻🤵🏻🤵🏻性价比：🧐🧐🧐🧐🧐回头基率💫💫💫💫💫.#nonstopeatingdiaryhongkongstyle#nonstopeatingdiary港式味道#nonstopeatingdiarymaonshan #nonstopeatingdiary马鞍山
继续阅读
一辉，像我这一个年纪的人一定会联想起圣斗士。而部份的马鞍山居民，就会想起一间时好食，时唔好食，却又可以生存左几十年既烧味茶餐厅，《一辉烧味小厨茶餐厅》。对上两次来，的确是一次觉好食，一次觉难食。而就在疫情下的一个星期五，我接了家人的 order 买外卖回家，因为就脚，就决定来光顾下这间像极圣斗士故事的 "一辉" ，打不死、吃不死的老字号茶餐厅。疲情下的晚上，我买了两个饭盒。其中的一个，就是茶餐厅的主题食物，烧味饭了。来的当日，时间已经过左8点半，味部的东西已经所剩无几，但也斩得出一份足料、肉厚的叉烧烧肉饭。临收档的叉烧同烧肉，是没有期望过的。正因为没期望便没有失望，我觉得是日的叉烧同烧肉都几好，叉烧依然是半肥疫，烧肉六皮脆肉腍，不错。另外来了一份干炒牛河。用上了幼身的河粉，显然不是正碗。虽这样，这河粉炒得算是够入味，牛肉也味道浓郁兼嫩滑。外卖附有可爱的辣酱啊，加少少辣酱去食，味道升华了，直接令我觉得这炒河，可口。在期望不大的大前题下，这一餐算是好味道的了。地点算是方便就脚，有需要我话，纯买个外卖，或夜了想吃了才回家，都可以考虑。
继续阅读
系咪茶餐厅态度就一定系差嘅呢？本身呢间茶餐厅啲嘢都唔平 ，仲要受埋啲呀姐气！今日叫外卖，佢话有嘢饮送 冻饮或热饮。咁佢咁讲我就叫咗冻啡，佢话要加3$咁我就话「我要热啡啦咁唔该」，然后佢就话「到到食饭冻饮都要加钱㗎啦」咁佢就唔好话比人知送冻饮热饮，态度仲要讲到我问题咁。
继续阅读
沙田区如果要揾地道嘅茶餐厅选择都唔多，马鞍山嘅一辉好耐以前食过觉得好食，今次就专登揸车过去食。我去嘅时候系做紧晚市，成间铺坐满人而我就自己一个搭枱。我一心系想食炒粉面，所以冇留意到店内有冇私人晚餐嘅选择。炒粉面嘅选择非常多今日我就拣咗黑椒牛柳丝炒乌冬（转意粉）配冻奶茶。先来冻奶茶，见到个色淡淡地以为奶味好重。点知入口又唔系㖞，茶味好浓而奶味都好适中，好味！等咗10几分钟炒意粉先嚟，因为系即炒。热辣辣食得出好有镬气，味道好好又好香口，鼓油唔会多到浸死啲意粉，唔会太咸而黑椒味都好香又够辣。油嘅份量都系刚好，够炒到啲意粉每条分明但又唔会太多。意粉份量好大碟、牛柳丝份量都好够，食完成碟饱到上心口。乌冬转意粉要加$7，冻饮又加$2，最埋单$67。如果就咁乜都唔转其实只系$58，性价比真系超高！
继续阅读
今天又到吃饭时间，同事知我好少出现在马鞍山区，佢哋知我想吃烧味，就介绍我到一辉吃烧味饭。 一辉在行人马路灯位旁，远远也看见到。 入到去餐厅两旁有茶餐㕔必有四人卡位，中间也有几张圆枱。 墙壁四周也贴上餐牌，也有每日限定午餐。 今日午餐就有叉烧拼烧鸭饭，＄47包热饮。 反正想试烧味，午餐唔贵就要叉鸭饭。 烧味份量适中，不过叉烧肉质太瘦，只有其中两块有少少肥肉。 烧鸭肉质及味道就几好，但饭就反而一般，唔够热只是暖暖。
继续阅读