一豚豬手專門店

同媽媽落去附近店加料！估唔到大份又抵食啊！店員仲好nice問我要唔要埋其他野食，有優惠架喎哈哈～用紙盒裝住，唔會蓋上蓋子，等豬手可以透氣，保持表皮脆度招牌黑椒豬手 $98大大盒，豬手切得好細塊，1口size 好適合老人家食用，豬手入味又彈牙！黑椒味又唔會太辣，豬手皮膠質豐富，家中老人都好鐘意！大阪燒脆腩 $59/半磅新鮮熱辣食的時候，外皮超級脆卜卜，都要啲牙力咬開，而腩肉質超級香噴噴咬落軟腍！咸度剛剛好，估唔到呢個脆腩又幾抵食！…查看更多

經過荃灣南豐中心，見到有人排隊買外賣。原來是專門賣豬手、脆腩肉和滷水的外賣專門店，六點多已經差不多賣光，見到如此受歡迎!!晚餐時間，當然要買外賣回家加餸!!他們的外賣飯盒好抵食，豬手飯大大盒都只是$33，經濟之選!!我買了韓式滷水豬手和大雞髀加餸。豬手好大隻!!!店員會幫手把豬手切成一片片，方便食用~豬手皮質煙靭，淡淡的滷香味帶點甜!!裏面的肉好嫩滑，滷得入味，骨膠原滿滿!!下次要再試佢哋嘅招牌黑椒豬手~大雞髀份量驚人，第一次食咁大隻雞髀!!同手上一樣大!!外皮燒得有點香脆，裏面雞肉好滑，好多肉而且夠味，甜甜的~…查看更多

呢間豬手店真係好鬼吸引，平時放工路過見到，已經好想試下。今日有機會帶返屋企加餸，佢有好多選擇，包括：豬手、雞髀、豬頸肉、豬仔骨同燒腩仔，今次試咗兩款：大阪燒脆腩大阪燒脆腩嘅肉質好新鮮，燒得啱啱好，色澤紅亮，帶著微微焦香。肉質好嫩，加上佢哋嘅醬汁，味道好正，黑椒豬手賣相非常吸引，豬手好肥美，肉質嚟得好軟熟，而且黑椒醬汁嘅味道都好香濃。 價錢亦都好實惠，下次再經過呢度，一定會再入去買啲豬手同其他嘢試吓。…查看更多

難得返屋企食住家飯 就係同事介紹嘅豬手專門店買啲餸返去加料🩷 同事特別介紹呢度新出品嘅燒腩卷😮 一於買返佢嘅招牌菜豬手同埋新出品返去試吓🤩招牌黑椒豬手呢度嘅豬手有幾隻口味🍖 咁我就揀咗黑椒豬手 因為好似都幾出名 屋企人少少就冇買一隻啦🤣 豬手肉質幾實淨 而皮下脂肪唔厚 豬皮就幾爽口彈牙 特別鍾意佢嘅黑椒味 唔會太搶 但又可幫助解膩🥰 大阪脆腩卷呢個脆腩卷賣相似日式拉麵嘅叉燒 都係卷狀嘅 但當然味道同口感都係截然不同㗎啦🐷 呢個脆腩卷冇改錯名呀 真係外層嘅豬皮燒得好香脆 而且熱辣辣食 入面嘅肥瘦層次都啱啱好 唔會過份肥膩🙈 外層脆到似燒臘店嘅燒腩仔咁 但味道方面冇咁鹹 冇咁heavy 真係買嚟加餸都幾好👍🏻豬手果然名不虛傳 下次可以嗌成隻返去添😎 而鍾意食燒肉嘅朋友 一定好鍾意佢嘅燒腩卷 快啲過嚟試吓😙…查看更多

今日口痕想食啲香口野咁岩經過又見到豬手望落幾靚就試試兩種店員既推介原來都有好多分店荃灣呢間就係正地鐵站對面好方便大阪燒脆腩一大卷望落好靚仔分切開每一塊分量都唔少外皮好脆好香入面脂肪同肉相間燒得好有油脂香韓式滷水豬手我幾鐘意凍食韓式豬手因為會幾分韓國味道呢款口味就甜甜地醬油香好濃 肉質比較嫩滑 個人覺得周邊既豬油脂入哂醬油味好香推介大家都試下呢個有機會都想試下佢其他食物見到滷水豆腐同燒豬手賣相幾好 可惜賣哂回味好食豬手！…查看更多

經開荃灣 一於就買野加餸😎見個個都推介大阪燒脆腩 我都唔執輸～ 一份有成6大片 片片都有一定厚度🐷 就咁睇同中式燒肉有啲相似 但其實係同秘製醬汁整 有唔同風味🫡 店員仲提醒我地可以用焗爐或者氣炸鍋加熱返 果然更加香脆可口 啖啖肉 食落又唔油膩 調味岩岩好 加埋芥末醬又幾唔錯喎 鹹香味送飯一流🍚一豚豬手專門店📍荃灣青山公路 - 荃灣段264-298號南豐中心1樓A060號舖…查看更多

今日咁啱要出荃灣做野，一出地鐵站就見到依間豬手鋪好似唔錯咁。咁就買咗份返去加餸食🤣🤣#大阪燒腩卷（$59/半磅）- 依個燒腩卷好似係最出名，見好多姐姐都有買嚟食豬燒腩卷睇落好似好肥膩好油咁，但店員姐姐提可以用焗爐/氣炸加熱返。我就攞咗去氣炸返燒佢。又唔係好油咋喎，脆皮個到氣炸完好香口好好味調味適中，唔會太鹹。加餸送飯就一流👍🏻肉既份量都好多，每一啖都好滿足😈😈有機會再試下佢個黑椒豬手先，另外見有個沖繩東坡肉幾得意…查看更多

今日放工屋企人叫我加少少料，喺地鐵站附近就有呢間叫一豚嘅店夠晒方便，加上都有留意平時唔少人幫襯，又有分店，今日就決定一試揀咗呢份大阪燒脆腩，一份有五大片，開頭都驚會唔夠飽，但睇真先知原來每片都非常厚實，返屋企只係輕輕用焗爐加熱番已經非常滋味，濃濃嘅豬肉香氣加埋油脂香出晒嚟（但唔會好多肥膏咁膩）而且食落啖啖肉，外皮仲係少脆，yummy！聽店員講呢個燒脆腩係有啲工夫之作，要先捲起後燒，食物好味，價錢唔算貴，加餸推介！仲有其他豚肉美食，下次再試…查看更多

媽媽節就係對媽媽表達最大心意嘅時候喇，佢鐘意就係食豬手，呢日就緊係要加餸～建議要晏就D時間黎買會好D，會多D貨同新鮮一D~⭐大阪燒脆腩 $59半磅價錢唔算貴，皮係厚身，都仲有少少脆，好在佢肥膏唔算多，食落都冇咁有罪惡感hehe! 味道唔會過鹹，同屋企人一齊Happy Share 就最適合～姨姨會先將豬腩卷設成一片片，再燒一燒，番到屋企我再用焗爐焗一焗，都係幾好食！💗📍一豚豬手專門店（荃灣）   地址：    荃灣青山公路 - 荃灣段264-298號南豐中心1樓A060號舖…查看更多

平時都經常幫襯銅鑼灣，都覺得非常好味，諗住試下叫外送啦⋯⋯時間係預時前到點知原本重點好味嘅豬手…啲皮竟然好靭，好似食膠噤😞⋯⋯每人食咗幾舊咋😣叫咗個二人餐，嗰兩盒飯應該係最尾嘅飯焦，硬到一個點嘅⋯⋯加咗$38要鳳爪，點知係冰凍嘅，嚟到係一塊冰要自己解凍先食得😩⋯⋯都係硬嘅都唔知要等幾耐先食得好彩仲有個肋骨條食到啫話晒都等咗成個鐘先有得食，最後為咗填飽個肚，將啲飯加啲熱水整軟啲食今餐真係為食而食…查看更多

聖誕節多人開party，就叫到會！咁岩見到呢間做緊set promotion，咁就試下啦！叫左：最Friend就係你聖誕歡樂套餐 (4-6人) $699 份量都超多，我地一行8人食都食唔晒，可能因為太多肉類吧！包左3隻黑椒豬手，太邪惡~豬手有醬汁點來食都唔錯，比較乾身~ 但黑椒味重的~賣相不錯！見到好多肥膏但食落口又唔會好肥膩。另外燒春雞3隻，肉質比較乾身，但入味~水牛城雞翼3磅，但整法好似唔係水牛城，似係豉油蜜糖雞翼咁味~不過好食的。最欣賞係凍鳳爪3磅，爽口入味，辣得黎幾過癮，好好食！勁快被掃清光！…查看更多

連鎖燒肉豬手店大受街坊歡迎 超人氣脆皮豬腩卷 巨型豬手無記錯老闆上一代都係做賣肉生意, 自己再出黎創品牌成立既豬手專門店聽聞疫情之下生意長做長有,已經十幾間分店不少街坊都會買幾款豬手小食回家晚飯開飯門前玻璃櫃放滿林林總總的豬手及滷水小食十分誘人加上用特大玻璃 途人可以看到員工即時斬料切豬手感覺上新鮮熱辣賣相吸引 分店多開街巿街坊商場 主力想做街坊生意豬手即叫即切 3種口味 黑椒係招牌 醃足幾日先再焗熟再燒 入口濃重黑椒香氣 豬皮軟Q爽身彈牙 另一款口味係脆皮豬手,做到好似乳豬咁香脆既外皮一隻只賣88蚊起,實在抵食又足料 幫你切好分件 另配酸辣醬汁繁忙時間係要排隊既,因為全部現切起骨切件再火燒豬手#一豚豬手專門店南豐中心1樓A060號舖平均消費$100評分7/10…查看更多

係附近石龍拱行完山，搭車出返市中心搵食。因為行到體力透支嘅關係，想快快買啲野返屋企攤住食。見到呢間一豚豬手專門店，諗住豬手係佢地嘅鎮店之寶啦，即管買佢返去加料。▪️原隻黑椒豬手 $88呢間舖頭啲黑椒豬手明顯煮唔夠時間，豬皮應有嘅骨膠原彈牙口感完全冇，仲要係韌到唔係點咬得開👎🏻豬手嘅肉質鞋口，連鹹味都冇，莫講話黑椒味。成隻豬手好似係未煮完咁，最後食左兩舊食唔落掉左！📍一豚豬手專門店荃灣南豐中心1樓A060號舖…查看更多

收工出去荃灣站經過見到荃豐中心出口有間賣豬手嘅舖頭，抱住好奇心行去睇下，睇到玻璃櫃好多款豬手好吸引，於是說決定買黎返屋企加餸😋因為唔係好知咩味道比較岩，穩陣起見就揀左黑椒豬手，再望望見到有鴨胸賣都好吸引，於是就兩樣各一份啦同收銀講完之後，見到張單出左一個豬手併盤餐原來呢兩樣可以係set，仲平左添等左大概十分鐘左右啦，就收到我嘅order啦，拎到返屋企都好期待全家人一齊食，大家都覺得唔錯喎，由其是豬手彈牙香口，而鴨胸比較下就失色少少，不過有煙燻味道，不錯不失啦。…查看更多

9-5-2021 (Sun)晏晝,同老公為晚飯買餸,記起賣豬手嘅呢間,於是行嚟睇,睇到唔止有豬手,重有煙鴨胸,雞同腩肉,我哋商量完,決定買$20.00一隻嘅韓汁嫩雞髀3隻,同$58.00半隻嘅沙薑雞.到夜晚開飯喇,我哋冇蒸返熱嚟食,我先食未蘸沙薑醬嘅雞,係原味白烚雞,肉質嫩滑,就連雞胸,沙薑醬味道正常冇問題.味道: 5分而韓汁嫩雞髀呢?佢哋原隻放入盒,冇問題,不過味道只係鹹,咩嘢韓汁我哋就唔係好明,而仍嘅鹹味似鹹豬手嗰種,好失望,不過佢嘅肉都係嫩滑嘅.味道: 1分抵食係2.5分…查看更多