一豆花

「可八達通付款小店唔主動提供收據我都唔特別問佢地拎」門面好地道第一眼就係豆花櫃小小店面 放左兩張枱立食附近BOOK左枱食飯但未夠鐘見有少少時間 同媽媽搵個地方hea陣主打豆腐花 / 豆漿 / 腐乳豆花有熱有凍我地一人點左一碗豆腐花薑汁豆花(熱) $15銀杏豆花(凍) $15豆花入口香滑嫩得黎又唔係輕飄飄豆味香濃不論熱食凍食 口感香味都做得好好叫薑汁底 但原來要自己落枱頭放左黃糖/ 糖水都可以自己加另外銀杏豆花銀杏數埋都唔夠6粒一大堆薏米好彩味道清甜 都唔錯只是實物非我想像好滿意豆花質素下次應該會直接點原味…查看更多

吃完中午饭在附近闲逛，发现了这一家一豆花。门口写着芝麻糊17块钱一碗是特价，本来特别想吃的吧，但是转念一想，香港很多地方的芝麻糊都会过于甜。转眼一看，芝麻糊豆花才15块钱，还更便宜呢。进去之后这一家其实非常的小，卫生条件也是比较的老旧。我强调了豆花不要放糖，他们说只有芝麻糊有一点点的糖。上来之后第一口，是有重重的豆味和芝麻味。最让我惊喜的是这家的芝麻糊没有像其他家一样死甜。站起来的时候还能清清楚楚地看到后厨正在泡着黄豆。2025年能在香港15块钱吃到这么一碗又有质又有量的芝麻糊豆花，是我新年的福气。…查看更多

同老婆睇完戲都少少夜，但都諗住食碗糖水先打道回府，我哋就無專登搵，行到近油麻地港鐵站見到對面呢間「壹豆花」，老婆就好鍾意食豆花，見佢鋪仔細細都有啲堂食位，就不如試試。裡面有兩張枱仔，都坐到5、6個人，不過，環境會覺得「地踎」啲，而再入啲喺廚房，睇得見個環境乾唔乾淨、企唔企理。有啲咩食，其實晌門口都眼睇晒，不過，感覺有少少花多眼亂，坐低咗，就再慢慢睇有咩選擇。紅豆沙豆花 $15有幾款豆花老婆都鍾意，最後揀咗搭紅豆沙，佢就話啲豆花幾香、幾滑，不過，啲紅豆煮得唔夠綿，幸好清甜搭夠。v麻湖豆花 $15本來想試個榴槤豆花，可惜夜咗，已賣晒，咁芝麻豆花都啱我嘅。豆花就上面講咗，而啲芝麻糊唔錯喎，都算幾有芝麻香，不過個人就覺得「杰」咗。如果嫌甜度唔夠，枱面有一大支糖漿，以及一大罌黃糖任你落。因為都喺即興食碗糖水，過過口癮，本身就無乜期望，所以，雖然唔算話好好食，但亦唔會有咩失望。…查看更多

喺電影中心睇完戲，行去地鐵站出口就會見到呢間店，就喺出口隔離好方便。以為係小店不過之後search發現原來都有分店豆花唔算太貴，店內只有兩張枱，大約坐得6-8人，好多人都係買走食，我哋本身等左十分鐘，就決定外賣，點知就有位了，所以都係坐低食。全部豆花都有熱有凍，凍熱同價另有豆漿，魚蛋燒賣腸粉凍 淡奶豆花 $15都落咗幾多淡奶，豆花好滑即叫即蒸腸粉魚蛋燒賣腸粉相對冇咁多人食，所以要等，即蒸，都好快，十分鐘內搞掂腸粉新鮮蒸出嚟熱辣辣，又滑唔知係蒸多左定咩，老細仲請我哋食魚蛋燒賣魚蛋幾彈唔錯，燒賣有啲粉…查看更多

與幾個朋友在廟街試完馳名煲仔飯後，下一站是甜品店。相信大部分朋友都會想到位置於油麻地寧波街的「佳X甜品」，可惜近期每次都大排長龍，動輒需要排上一個小時。此時一位朋友提議試試「一豆花」的豆腐花，朋友形容店舖細小，座位不多。老闆誠懇的招待令我留下深刻印象。我們點選紅豆豆腐花、意米銀杏豆腐花和芝麻糊豆腐花。我選擇芝麻糊豆腐花，老闆給了一小瓶薑汁讓我們任意添加。豆腐花幼滑且帶有清淡豆香，配以少許薑汁，加上芝麻糊的獨特黑芝麻香味，不需加入糖水或紅糖，味道已經足夠。對飲食少甜的朋友是喜訊。…查看更多

我喺紅磡分店食過一次呢間嘅芝麻糊豆腐花，記得啲芝麻糊都好出色!!!巧合路過見到原來油麻地都有一間 就黎左買碗熱芝麻糊外賣✨熱芝麻糊焗咗around一個鐘，佢變得好潔身，非常糊狀，唔會好水，暖暖地。味道上，甜甜地，OK幾濃郁🖤…查看更多

以後絕對唔會再去！豆腐花又無黃豆味，$15一碗又無人哋咁好食！服務態度非常差、語氣勁差又無禮貌！I won’t visit this dining place anymore. Tasteless. No Soybean flavour at all! It cost $15 but it doesn’t taste good like others. Very poor customer service! They gave you attitude! Very rude! Disrespectful!…查看更多

一豆花係油麻地都開咗好耐，有時fat boy心思思想食豆腐花，都會買嚟食吓嘅，因為附近好似唔多糖水舖，同埋呢個位置夠晒方便。一豆花專賣豆腐花，重有好多唔同種味道任君選擇。我就買咗凍紅荳同埋薑汁味返屋企同女朋友歎吓。但講真作為豆腐花舖，佢嘅豆腐花認真普通，完全無豆腐味，加埋d汁，都好似唔係話咁好食，相比起好出名個d豆腐舖，人哋整嘅起碼有味道……講滑又唔夠滑，講山水味，又無山水味，真係麻麻……無選擇下買嚟食係ok嘅…查看更多

早上十一點有點肚餓，又快到午飯時間，正掙扎要唔要食早餐之際，見到豆花店，於是就叫支豆漿頂下肚，除左普通豆漿，仲有少見嘅無糖豆漿對於減緊肥嘅我非常適合店面小小，見到也只得不知是店員還是老闆獨自一人努力地準備食材，想喝熱的，可是店員說剛剛煲好，可能有點太熱，可是冷的，對於我這個腸胃不好的人又不太好，於是店員提出可以幫我溝成常溫的豆漿，真的非常貼心和不怕麻煩豆漿用膠樽盛載，大大的一樽也只不過是十多元，濃郁的豆香味，讓我懷念兒時在家鄉喝過的即磨豆漿，即使是無糖亦同樣非常美味，喝下口非常順滑，沒有一點渣，隔得非常乾淨，溫度恰恰好。不熱不冷除了豆香味，還飲到人情味，飲品和都服務滿分，下次經過必定要試埋豆腐花…查看更多

同朋友食完飯 想食個甜品🍮但係周圍都冇甜品店 就諗住去食個豆腐花呢間嘢其實係平嘅 全部都係十二蚊咋我就叫左薏米銀杏豆腐花朋友就叫左薑汁豆腐花我覺得我個碗豆腐花其實都ok嘅好香豆味 個薏米銀杏都夠甜啦(⁎⁍̴̛ᴗ⁍̴̛⁎)但朋友嗰個姜汁就唔係太好啦(｀_´)ゞ佢話係完全冇姜味嘅…>_<…同平常原味豆腐花冇分別(￣O￣;)最弊就係啲衛生真係好唔掂首先個地下係黐立立嘅其次就係我朋友食食下就嚟食完嘅時候見到一隻蚊係個碗上面 請問仲係識郁嘅🤮…查看更多

經過油麻地，本來打算去義順食燉奶，但發現原本既舖位已經拉閘，原來已經結業。於是乎，源住彌敦道行，走入文明里，見到呢間豆花舖，心諗豆花都差唔多，頂住先啦。舖頭好舊，仲有一兩隻蒼蠅橫衝直撞，環境實在一般，不過食兩啖就走，硬住頭皮坐低。大部份豆花都賣12蚊，有三款貼住必食，點左一碗銀杏薏米凍豆花。豆花本身凉浸浸，好滑，配上有咬口既薏米同軟糯既銀杏，好有層次。薏米同銀杏有甜味，唔需要旁邊既糖漿同黃糖，已經好好味。…查看更多

專賣豆漿豆腐花但鹹食都有驚喜肉鬆粢飯套餐配無糖豆漿個粢飯望落去好似一般般有啲乾咁，但食落有驚喜，熱辣辣而且原來好足料好多肉鬆仲有榨菜同油炸鬼，糯米飯軟硬適中而且唔會散開睇佢細細個咁但其實都幾飽肚無糖豆漿好香豆味推介薏米銀杏豆花係我有選擇困難症諗唔到揀邊款員工姐姐就推介呢個或芝麻糊豆花薏米銀杏微甜，連埋豆花一齊食甜度啱啱好 (比較中意少甜)P.S. 個薑汁夠薑好好味必加…查看更多

係疫情之下，出街搵食都唔易。有些店舖暫時停業，有些舖為了減成本，會停售某些食品。但當然有些會減價，我們這些小市民便受惠了。像這間一豆花，看到有些豆花之前是17元，現在減至12元，真係好抵食這裡的豆花款式很多，實在很難選擇，最後點左紅豆沙豆腐花。這款紅豆沙豆花的紅豆，煲得好甜好霖，令到碗豆花就算冇落糖都好夠味😋當然，如果覺得唔夠味，佢枱面仲有紅糖或者冰糖水比你任加，夠晒貼心🤗豆花亦煮得啱啱好，雖不至於像山水豆腐花咁滑，但已是相當不錯了😀…查看更多

食完飯，朋友下一句通常都係呢句，「食甜品囉」。有未傾完嘅話題，想見多陣傾多陣，呢個係一個方法，而且通常都會願意一齊食。但講真，有時甜品都可以好貴，價錢可以係一餐飯嘅價錢，真係幾唔抵。我個人推薦呢間一豆花，豆腐花好滑，又唔會過甜，真係幾正。鋪頭一啲都唔大，坐到最多10人，坐得迫迫地。款式比我想像中多芝麻糊豆腐花，都係12元，無錯，係12元。好足料，而且每啖都好豐富，芝麻磨得好好，好夠味。百合銀杏豆花，我朋友直頭唔相信可以咁平，而且係好味，正👍🏻。…查看更多

係油麻地食完飯，散下步，見到呢間豆腐花小店，有好多款口味。例如杏仁糊、芝麻糊、紅豆沙、姜汁等等。我個人最中意就係食銀杏，就叫左薏米銀杏豆花。入面坐位唔多，只有一張大枱，但都坐得算舒服，唔逼陝。講返碗薏米銀杏豆花，薏米佔左大部份配料，銀杏只有幾粒，真係唔係幾夠喉。但整體嚟講，薏米同銀杏都唔算好甜，啱晒唔鍾意食太甜嘅我。而豆花都算嫩滑，如果豆味再濃一點，咁就好啦！下次如果再經過，都想試下其他口味，十幾蚊一碗就可以解膩又滋潤，真係幾抵嘅！…查看更多