一豆花 (已結業)

睇住位師傅整：8成豆腐花+1成都冇的芝麻糊（得幾湯匙，好矜貴似的😂😆）先講感覺，由好期待，到睇到實物，$15碗芝麻糊豆花，有點唔值🤦🏻‍♀️如果芝麻糊同豆腐花的比例平均點會食得開心d最失望是豆腐花唔滑，係食緊好膏狀的豆腐花😰連芝麻糊都唔係流質，黐實一嚿嚿🙁諗緊會否是昨晚賣唔晒的料🙀明明已是下午1點，會否為左賺多點，而唔掉賣唔晒的加落第二日一齊用？🤢始終都係豆類製品，希望是新鮮在後巷食，有蟻蚊子烏蠅都正常，但少不免會影響胃口😹人流算多，但本人唔會再幫襯By 😼

行行下街發現呢間豆腐花有好多款式喎又有m&m,榴槤，椰皇，芝麻糊，可可脆片等等咁今次叫碗椰皇豆腐花試下先唔駛一定要外賣攞走，仲可以係後巷度食地方唔算好污糟，都可以接受食落雖然椰皇味唔算好濃，但豆腐花好滑，豆味唔夠，下次可以試下其他款嘅豆腐花除左豆腐花之外，仲有鵝油豬腸粉，燒賣，豆漿套餐，不過因為之前已經食完飯，食唔到咁多野，下次先試除左即食嘅野之外，仲見有一樽樽腐乳賣，仲話自製添，都見有其他人買原來呢間豆腐花都幾多分店，只係有d唔同名推介食豆腐花，真係好滑

來到旺角掃街，登打士街整整一列的食肆令人眼花繚亂，不想食得太熱氣，就來點中式老派一點的''一豆花''吧。這是朋友推薦的，說也蠻有名，有很多分店。店子小小，可外帶或在店旁立食。門口就貼了很多豆花款式，有正常有騎呢的，例如熊仔餅豆花 只能說是很有創意的配撘。朋友推薦口味是''銀杏薏米豆花''，他說很清甜不用落糖也很好味，我第一次試這個配撘，都頗新鮮。食慣重口味的我第一啖覺得好淡阿，怎會不用落糖，但慢慢拌勻再食就吃到銀杏薏米淡淡的清甜，又真是蠻好食呢。薏米有𡁻勁，配香滑的豆花來吃口感很好，會再來食。