影片
以上资料只供参考，请与餐厅确认详情
今日去食晏！一入间铺，招呼都唔打，我已经算！一坐低落单！楼面个个都黑口黑面既！我都忍！落单后，有个楼面上餐时特登拎住碟饭撞开我只手，之后好唔高兴地话自己上紧咩！之后我即时闹佢，问佢可唔可以系另一边上餐！之后好唔高兴地放低碟饭走咗去！道歉都无！之后食咗几啖之后！味道又垃圾又未炒好既！掉低碟饭走人！之后揾个经理出嚟投诉又无人理！成班做到系我无理取闹咁！个个楼面都无礼对客！香港服务业就系俾呢班人搞坏哂！唔驶谂住我会回头！
继续阅读
一叶小厨是朋友买外卖俾我时先知佢个名, 虽然巳忘记食咗咩嘢, 但记得佢既葱好新鲜, 放咗响外卖盒咁耐都咁脆. 📍今天得闲逛咗去蓝田启田商场, 突然见到一叶, 横掂肚饿, 所以毫不犹豫就走咗入去医肚.📍餐厅嘅环境一般, 格局有啲似快餐店, 当然喺比较高级𠮶啲. 窗边既坐位好光亮. 见到菜牌多数卖台湾菜, 好多野想食㖞. 最后叫咗𠮶三杯鸡砂锅同香菇肉燥饭📍个𩠌外型好有色彩, 有红有绿, 好多红葱头, 蒜头同葱, 送嚟时九层塔既香味好浓, 啲鸡肉炒到干身, 但啲肉仍然好嫩唔柴好有镬气. 肉燥饭嘅肉燥量就比较少, 都好𩠌饭好食 ❤️❤️❤️🖤🖤抵食 ❤️❤️❤️🖤🖤
继续阅读
晚上7点半在外卖平台订外卖自取的是鱼香茄子鱼块煲，取餐回家发现出左鸡煲，真系错得好离谱！价钱又唔同，拎返去换又远。外卖都唔可以做得咁马虎架，出餐出到乱七八糟，真在太过份
继续阅读
做紧$200 起有8折，所以一行四人到这里食晚餐。猪软骨汤面，面条是粗身有咬口，猪软骨炆得够时间，几好食。三杯鸡砂锅，有获气同埋鸡件都处理到几干身，配了大量红葱头、蒜头、九层塔和葱段，好食。沙拉虾球，沙律酱好开胃，虾球拉油拉到有啲干，一般。梅菜肉饼，冇试，肉燥饭嘅咸酸菜甜甜地加埋卤水旦，几好𩠌饭。以上每个𩠌都有前菜、老火汤和饮品。老火汤系清清地嘅红萝白冬瓜肉汤。饮品试左冻蜂蜜红茶，淡淡蜜糖味，可以解下肥腻。加配宜兰葱饼，以为类似葱油饼，原来系似牛肉饼，外面系葱油饼皮，里面系猪肉馅，吾可以话吾好食，但又吾系好出色。埋单$207.20/4位，抵食。
继续阅读
医饱个肚再继续做野蓝田美食琳瑯满目 今次就拣你啦😉呢间台式餐厅以绿色同木系为主感觉清新好舒服 而且员工服务有礼💚💛下午茶时间都几多人 性价比👌🏻🥙 刈包 配 炒蛋午餐肉刈包有点似馒头 质感好松软馅料几足 有榨菜肉碎、唐生菜、肉松味道刚好唔会太浓同咸 汁亦唔会太多自己将少少炒蛋夹埋一齐食 都ok😋唯一可惜之处 因为新鲜热辣♨️个包底部有倒汗水湿咗啲 但整体唔错👍🏻🐓 三杯鸡蛋饼 配 香辣鸡肉碎榨菜新竹米粉之前食过啲蛋饼外皮好硬身好干呢间质感软软有啲似云吞皮 配薄身蛋皮(非全熟哂)包住嫩质唔咸鸡肉 本人好钟意🫣本人一直喜爱新竹米粉 因为好幼米粉本身无味 配上少少辣嘅鸡肉榨菜惹味得黎食完唔会口渴👍🏻
继续阅读