一線軒 (已結業)

好少写食评！但为咗少啲人中伏真系要写返个食评俾佢！店员门口食烟劲臭态度差都算，我叫左个$30热拌红薯粉+$7云吞+$9腩肉+外卖$2八达通俾钱计我$50唔明点解$50就问店员，店员答热拌所以$32，明明写住系$30点样系$32🤔我又谂多左阵可能佢将外卖$2加左落去，但都收多左$2，之后我又再问店员，佢就答我热拌加外卖咪$32，我话都系计多$2蚊，佢先话我唔系腩肉猪软骨咩，我话系腩肉同云吞，佢望一望张单退返$2俾我，博人唔为意乱咁收真系劲差！仲要一句唔好意思都冇！最后食呢个薯粉得4块腩肉同埋𠮶2只云吞系叔既！不过佢榨菜花生同埋啲肉碎都多嘅，但我就一定唔会再有下次🙂…查看更多

突然间好想食米线，咁啱Search到呢间店即使街坊话差都照试吓啦打算，晚上8:30打电话去外卖自取，叫咗个热拌米线加萝卜鲍片走花生走韭菜走葱，结果拎完返到嚟打开一睇！！！走配料有走啱晒㖞竟然出奇地个面底错咗变咗红薯粉…最惨系本人唔食得薯粉但返到嚟已经一睇个外卖过咗九点试过打过去舖头已经无人听…即系要我因为佢哋嘅疏忽埋单而我成碗面系无食到嘅wt…f呢间嘢真系可一不可再第一次同时亦都系最后一次，无下次…查看更多

一点几见到门口有大约五，六人等位，入去舖头门口位想落单叫外卖，等左一阵厨房有把男人声问我堂食定外卖，我答佢外卖，佢极不礼貌喝我（你出去外面，唔好系度阻住条路！）你可以叫我出面等，但唔应该咁喝我，我都想落完单喺出边等，但单都未落，我二话不说转身离开，永不帮衬！好多年前有帮衬开，自问唔该前唔该役，有一次唔记得乜野原因又系比个男人用恶劣态度对待，估唔到都系冇变，永远永远Blacklist😡😡😡😡😡…查看更多

住左系土瓜环2年，一线轩一直系我晚餐救星，因为住得近的话系可以送上门的，唔洗经外卖平台。我哋多数叫天下第一重庆酸辣粉，转红薯幼粉。佢啲红薯粉有咬口同弹牙，拣幼粉纯粹因为容易夹啲，口感上粗幼就冇乜分别嘅。汤底方面好浓味同惹味，酸同辣有取到平衡点，香味真系会成间屋都闻到！不过都几肯定重味精，因为次次食完都会口渴，但真系上左瘾咁会不停返啅。𩠌菜方面，推荐鸭胸。烟鸭胸都厚身，阵咸香同个汤底好夹。大肠唔靭，卤水味。娃娃菜就会吸晒汤嘅味。车仔面叫法，大家钟意食咩就叫咩啦。…查看更多

米线中伏篇～人生第一次写食评～究竟我叫中麻辣，你呢啲叫辣油㖞！腩肉系咁既咩？猪软骨味似罐头五香肉丁，仲要一粒粒散既！牛辗柴到呢！汤底一味得个咸味！人生路不熟既地方，食之前都openrice咗一下！12个人赞、6个ok、1个喊既口面！又睇到小店食饭时间都有一半入座率，咁都中伏！😫服务态度又麻麻，一入去谂住坐卡位！点知阿肥姐叫我坐搭枱位，心谂算啦！小店位唔多留比佢做生意啰！约十几分钟后有个阿叔又系坐卡位，肥姐又一样叫佢搭枱，但个阿叔话系咪唔坐得先？如果唔得就话走，肥姐之后改口供，坐得！吹胀，人善被人欺，好人无好报！根本成程都无坐满过！😤无下次！…查看更多