影片
好耐之前喺旺角见到呢间米线铺误打误撞之下入咗去 果然有惊喜 米线真系世界上最伟大嘅发明 我好钟意食米线所以去到每个地方都会试𠮶度嘅米线店 今日经过油尖旺嘅呢间一线之缘 都系主打食米线同泡饭嘅 牛颈脊米线 牛颈脊好林好有牛肉味 而且有咬口 加上米线 好滑溜而且软硬适中 好似滑入喉咙咁 个汤有淡淡嘅牛肉味 都几高质另外仲叫咗个手打秘制牛筋丸 牛筋丸真系超惊喜 我仲以为系街市货色 原来喺呢度每日新鲜制造 一咬落去超弹牙 而且啲肉汁爆出嚟 好正
继续阅读
香港人兴食米线似乎已经兴咗好多年，有啲闷... 近年发现佢哋改头换面，推出啲豪华版米线，又兴过... 今日朋友带我嚟试”新嘢”... 登登登櫈... 就系... 彘家浓汤安格斯牛颈脊 米线... 🤗名都唔识读，点叫好呢？！🤔问吓职员先，原来系想表达，自家制鲜肉汤咁意思...个汤头鲜甜，牛颈脊鲜肉嫩滑～除咗米线，呢度仲加入新派小食，麻辣猪耳，入味又干身，别有一番风味～🤤芥末沙拉猪扒，热辣辣，外脆内软～😋近期大热嘅汽水倒插特饮，佢呢度都有，龙凤7-up，我至爱～🤗食米线都变咗潮物～😍
继续阅读
平时好钟意食米线嘅我，梗系唔少得过嚟呢间帮衬啦，我都系因为啲同事住开呢头话俾我知呢间唔错，所以我过咗嚟帮衬！佢啲米线真系好大碗，如果女仔黎食嘅话，可能你会食唔晒！至少我系先啦！我就叫咗好多𩠌有肉丸、肉燥、鱼腐、鸡柳⋯其实餐牌仲有好多𩠌可以叫，比起我出边食开嘅米线舖头来讲，算系种类选择较多嘅一间！每一样𩠌我都觉得好好食，尤其是系啲肉燥，我觉得份量少左啲啲，可能我觉得太好食啦，所以觉得食极都唔够卤水鸡翼＄12就有四只，超级抵！出边都唔止呢个价！最重要系有平又好食呀嘛！
继续阅读
一心黎食桶蚝泡饭，但夜晚8点黎到已经卖哂😭好彩都有碗期间限定，蟹黄酱捞米线佢应该系直接用，前排好hit的蟹黄酱罐头，而佢再加少少蟹柳，佢真系其实酱料都无但个蟹黄酱真系名不虚传，蟹味好甜，乜都唔需要加就已经好好食，而且加多几蚊，有半份必点的芥末沙律酱猪扒
继续阅读
油尖旺食肆多就系人都知 所以成日嚟呢边揾食 今日就食呢间专食米线同汤饭嘅舖头 一线之缘 铺头装修得好靓 用咗好多木去装修 最特别系头顶既吊灯 好有层次感 墙身挂咗好多彩绘嘅陶瓷碟 色彩缤纷 男朋友叫咗安格斯牛颈脊米线 牛颈脊份量都几多 而且好软熟 重牛味 米线软硬适中 仲有啲杂菌同埋娃娃菜 都几丰富我就叫咗胜瓜牛柳粒泡饭 个汤好有惊喜 好有胜瓜嘅鲜甜味 同米线个汤底完全唔同 牛柳粒虽然细细粒 但系好有咬口 一咬落去就成口充满油脂 个饭好大兜 而且饭粒煮得偏硬 唔会咁易索晒汤 变到好似粥仔咁 小食就叫咗卤水牛展 牛展好入味 不过汁偏咸 底下仲有花生好香 仲有呢度自家制嘅手打牛筋丸 牛筋丸有七至八粒 粒粒好似乒乓波咁大 咬落去充满肉汁 而且好有咬口 牛肉味亦都好浓郁 好足料 同一般冻肉舖嘅牛筋丸完全系两回事 呢个十分之推介 必食 叫咗个咸柠乐 咸柠七就饮得多 配可乐就唔系度度有 仲加埋反转咗嘅汽水樽玩味十足 呢度嘅价钱好平民化 而且食物质素高 下次经过都会再嚟食
继续阅读