一窩豐 (已結業)

有次在FB看見朋友在這間店BBQ，看相似幾好吃，又近我家，又方便，結果跟朋友去了試下。食物品質不差，海鮮可以打去預訂，每人約要HK300，跟食物的質數比較，好像比較貴。所有燒的食物要自己燒，沒人教怎燒才好吃，所以服務方面一般。環境可以，空氣流通，不是美裝。如再次想燒烤，可能會選擇韓式或郊外BBQ。但如果突然想BBQ，又不能在家中進行，這間都是好選擇。急涷大蝦。新鮮帶子我們點了的食物，那個鱔這樣燒，是不好吃的。我的至愛，美國冰鮮生蠔。我自己在尖沙咀都買過來燒，價錢平很多。新鮮勝子，但太細隻。就是放在這爐上燒。這個羊架幾好吃。…查看更多

見到openrice 既食評上面好吸引既海鮮相, 又有得用tablemap book 位, 就book 左去試.原本book 左6:15, 當日佢打黎話佢開7:15, 所以改左時間.準時去到, 得我地一檯客, 到走都係得我地一檯客, 可能係地點問題.去到先知有d 海鮮要預定先有, 如鮑魚. 咁我地唯有叫有貨個d.檯上面有調味料俾客人自己調味：孜然粉, 辣粉, 味鹽, 胡椒粉, 黑椒蜆- 好味, 好新鮮元貝-ok雞亦- 感覺本身佢就乾身, 中下羊架- 好大件, 調味亦唔錯, 不過肥肉多過瘦肉, 可食到既部分唔多日本珍寶蠔- 好大隻, 同好有蠔味.火箭大魷魚-好味, 質感軟熟唔un.特大溫室菇 加 cheese -好香菇味, 加埋cheese, 味道一流 (店家幫我地燒埋);菠蘿- 唔夠熟, 都幾酸.厚切牛舌粒- 好大粒, 好軟熟, 正!豬頸肉-好好味, 好爽口雞腎- 好爽口, 味亦好好墨魚咀-無咩特別雞軟骨- 正常紫芋栗子薯餅- 炸得唔錯, 都幾好食…查看更多

小店一間邊爐 / 燒烤 皆有一地兩食有now一路睇波 一路燒烤 一路隊啤正!推介特大芝士溫室菇 - 好香 真係幾正原條茄子 - 肥大肉厚蟶子 - 啖啖肉 好食帶子 - 啖啖肉 好食虎蝦 = $38隻 幾抵食白鱔 - 記得燒耐d 皮脆肉嫩隨時可以叫佢地幫手幫你搞惦 服務一流 …查看更多

先說說餐廳的內在環境，餐廳是半開放式的設計，沒有一個正式的大門，四周圍了膠片，相信夏天便會落下，閞啟冷氣，畢竟燒烤都溫度十足呢。由於頗通風的關係，食物未來的時候也覺得很清涼呢。與友人研究後的結論是…一窩豐還是秋冬來較好呢。吹著涼風，吃著bbq加啤酒，人生一樂。相反︿如在夏天到訪，在室內的環境bbq，相信衣服一定吸盡味道呢!店子也非常親民，餐牌也貼在壁上，一看便感受到平民街坊食店，由於座位不多，如周未想一嚐bbq，最好先book位。到訪當天只是平日，所以顧客不多。由於海鮮係店方每天新鮮購入，可幸預訂了部份海鮮，因有部份食客沒有預訂，可以叫的選擇便少了很多呢!店主雖有推介一個由$7xx減至$688的波士頓龍蝦餐，最後大家還是決定散叫，上檯時以high tea層架盛載著真係好驚喜呀..只係賣相已是滿分。各種海鮮排列有序，看上去也十分新鮮呢，很有光澤。點了虎蝦、螺、生蠔、蟶子…約六七樣海鮮，除了帆立貝是雪藏的。放在bbq爐上，店方也不時教我們如何燒得美味，桌上也擺放了6樣不同的調味粉。新鮮的海鮮肉質鮮味，慢燒能鎖住肉汁，還帶點海水味，實在是非常吸引，特別係鮑魚、蜆美味指數**********還有high tea層架旁的翅($22)，燒烤後的味道跟雞泡魚干相約，我們共食左3碟呢。不停的追加，好味指數唔講都知爆燈!必試!單看賣相，叫人怎能抗拒呢?不得不提這個墨魚滑…黑黑的……打邊爐就食得多，點知燒烤都出奇的美味，爽口彈牙。美味指數*********這款小吃也是首次品嘗到的︰紫芋栗子薯餅(店主推介)三種味道平均，喜愛芋頭栗子的千萬別錯過，店主即叫即炸，好熱氣呀..但好好味呀.....哈美味指數*********於fb打卡都有優惠，哈哈..我們又怎會送過呢，何況我是腸仔控，打卡便送你一條台灣黑椒腸，黑椒味濃，肉質也不如大陸腸一樣散開，燒得外皮香脆可口，打卡好值得呢。全晚最失望是安格斯牛柳 $88 只有數件，肉質亦非如想像中值此等價值，可以不叫也可呢。全晚 …查看更多

七人聚首《一窩豐》…店子舖位屬半開放式，既可打邊爐、又可自助燒。這回，大家決定捨「火鍋」取「燒烤」。桌上的調味品：鹽、胡椒粉、孜然粉、辣粉、黑椒、油。 特大溫室菇（$22個）、菠蘿（$12串），以平衡一下待會兒的全肉攻勢，置於gas燒烤爐上燒呀燒。日本五花腩卷（$78份），挺美味的說！！！厚切白鱔（$25串），肥美又鮮味。七味魚翅（$28份），可謂坊間少見啊，略燒後的魚翅，質感就如鱈魚片般，不俗喔。尖椒（$18串），份量比想像中多。對於嗜辣的傻人來說，單吃尖椒啥足夠？！？？！下大量辣粉才是皇道！！！呼，辣得極為過癮…多春魚（$28份），魚不吐骨。香草羊架（$36件），豐腴香噴噴，還十分嗆火喔！！店員示範以冰滅火…自家燒的香草羊架，完成！！！食味不太羶，yummy yummy。火箭大魷魚（$48隻），旁邊還有安哥的雞軟骨陣（只因吃畢第一輪後大家均一致讚好）。由於下了大量辣粉，加上自家燒、監控得宜，成品合心又滋味。除了自家燒，還點了兩客小吃：紫芋栗子薯餅（$22）。魚柳薯絲卷（$22），兩者屬即點即炸，眾人均覺這個比薯餅好吃。 七個人，吃得飽飽的，最後以千多買單，食物的質素不俗，還可自家燒燒燒，挺好玩啊！！！…查看更多

多次路過，不是因為生非滋，就喉嚨痛，所以久久都過門而不入，但星期五終於都可以一嘗啦!落雨關係，所以都是即時有位，坐下見有幾樽調味料(七味粉，椒鹽，黑椒粉，孜然粉)兩個爐，一個是打邊爐的，一個是燒烤的，但這是第一次見這麼小的gas 燒烤爐因我們只是有燒烤嘅意慾，所以先叫waiter 收好打邊爐用的爐，好待騰出空位放食物!先點了兩隻聖子皇，虎蝦，大蜆，牛舌串，再點牛柳粒，台式一口腸，台式腸，墨魚咀，大磨菇，鱔串。待首輪點食過後，waiter 即送上生蒜及鰻魚汁，好讓在燒烤時加上一并調味，那當然可以邊燒邊加枱上的調味粉。先是聖子x2，燒熟確是鮮甜, 而且WAITER 還教我們兩個初哥何時反轉再燒才算熟, 細心非常:)虎蝦x2，比預其中細, 但像是冰鮮的, 所以味道非一般, 亦不是很彈牙的.大蜆x6，味道是不過不失，唯有一隻是有問題的, 像死了很久, 不幸的50% 也被我選中.....不過, 反正海鮮新鮮的話，就算只有加上海鹽，亦可品嚐到鮮味!但最失望的，是牛柳粒，體積細到可以從燒烤網上掉落爐中，味道都是中等。再來就是那個大磨菇，本來見大磨菇分別有兩種，就點了個便宜點的，還都要$22，但當菇一到，我真的有點驚訝，大磨菇比我手心還要細:(，即時感覺價有點貴!最後結論是，到店食海鮮是沒有問題，因為海鮮價格還可接受，但其他普通的食品，就自行決定。不過，這是年輕人自己創業，而且waiter 悉心解釋又幫忙，的確值得支持及一贊!:)…查看更多

曾路過這人山人海的店, 決定下次一試 是次終於再路過, 見不太多人, 便立即開餐芝士波波腸 - 燒起脆身, 咬下多芝士:)黑椒脆皮腸 - 無可否認很香口很吸引:)豬頸肉 - 薄而香帶點酒味, 容易燒容易熟:)雞翼 - 好肉的雞翼, 入味又美味羊架 - 一點都不羶, 非常難得, 肉質鬆軟, 一流!蜆很大隻, 每隻都很好肉, 沒嗅腥味, 很難得, 咬下彈牙, 不錯!美極牛柳粒 - 很多牛柳, 一份都很化算呢 牛肉略為有咬口, 燒需時, 較難熟, 但最終是美味的很有驚喜的串烤店, 不華麗的店舖都可提供好品質的食物給客人, 是很難得的事! 職員很好很幫忙, 令人滿意!…查看更多

日期正確為2013年，但因apps不能選擇。終於再度回來這家店了，因事先有致電訂大蜆，這次終於可以品嚐了。這次菜單有：大蜆，羊架，黑白墨魚滑，墨魚咀，XL大蝦，雞腎，生蠔，厚牛舌，鯖魚。首先當然是燒期待以久的大蜆，又可以看著它自煮（又開始變態了XD)這次的蜆跟皇蜆明顯不同是啖啖肉，內部充滿水份，一點沙也沒有，吃的時候鮮味湧入口腔，大滿足喔！在燒蜆同時伴燒墨魚滑，還是一樣的外脆內爽及香，燒焦一點更香口。之後到了厚牛舌及雞腎，牛舌燒到表面一點乾身，有油份逼出來時吃，超級香，牛的味道充份表現出來了，雞腎燒到一點點硬，吃起來非常爽口。之後開始吃主菜羊架，首先還是先慢烤兩邊封住肉汁，後以快火燒至逼出油份，當吃的時候，忽發奇想，到西餐廳應該吃不到這個味道，因為吃下去時脂肪香，鮮嫩的肉，以及有嚼勁的口感已經把我整個吞沒了似的，以後吃不到不知要怎麼辦才好，好味道丫（太味吉陽一了）隨後再燒XL大蝦，因為上次燒得不好，所以這次請教俊俏年輕店主家豪哥哥指導技巧，他說技巧是要用快火燒，不能烘，還特地幫我們換了一瓶新氣，讓火得以更大更快，在燒的過程時看到蝦殻內的水沸騰起來，又來自煮了XD，到了水乾了一點便先吃蝦頭，（嘩味吉陽一又來了）一個字：鮮，再吃肉，鮮，嫩，爽！！！到最後燒生蠔，慢慢看著它的沸騰起來，慢慢的變小，到了某程度便吃，怎知不吃還好，一吃下去便不能自拔，裡面的肉充滿礦物的味道，鮮甜，漿口的感覺亦隨之而來，實在太滿足了啦。而我在這體驗到燒煮（外間代燒的沒法做到）這方法是吃海鮮最能保住鮮味的方法，完全不用加入調味，讓我對食的層次追求又進了一大步了。後記：鯖魚跟墨魚嘴由於時間拿捏不準，所以要留待再練習再寫。下一次來就要試龍蝦了（流口水中）…查看更多

住在長沙灣茘枝角八九年了，初期以為這裏是廠區和舊區，不會有甚麼值得記錄的好地方。但自重去過G.Gallery以後，我對這個區要重新去開發。今次去一窩豐試的是他們強項自助串燒，由於時間還早，所以我和我太太包場，但店主說有很多枱已經給人訂了！我們點了皇蜆，安格斯牛肉，蠔 牛胒，羊架，軟骨，鴨舌蝦鱔、雞軟骨，雞腎全部食品的十分新鮮，比土瓜灣鴻福好好多，加上價錢還相宜，我給八十分以上！…查看更多

我之前沒寫過真正的食評,但因為這個店給我味道的感覺,所以我覺得一定要介紹給大家.那天我跟我姐兩人去這裡,招牌不算突出,所以我也找了一會兒.進去後居然是自助燒,心裡怕有東西會燒不太熟,所以戰戰兢兢的硬著頭皮去試了.店裡有供應火鍋跟燒烤,店舖裝潢沒太豪華,但他冷氣充足,也很有燒肉的味道.於是我選了燒烤並兩點了黑白墨魚滑,生蠔,雞軟骨,牛舌,安格斯牛肉,皇蜆,大蝦,羊鞍等美食.但當天沒有大蜆跟聖子皇(因要預定)他們用的是石油氣爐,用火燒蓋在上面的鐵,讓鐵去烤,不是直接用火燒.調味方面他們提供了七味粉,味椒鹽,跟一個好像五香粉的樣子(忘了問是什麼),蒜蓉,還有一個忘了什麼汁(可以油掃掃上食物)我們首先放牛舌跟雞軟骨和羊鞍在旁邊慢烤,因為我不想羊鞍的肉汁流失,所以先慢燒封住他的肉汁,這就是自己燒的樂趣,因為你去代燒的,他們會用大火燒,肉香會流失,羊鞍有把掌大,份量十足.然後在中間放了皇蜆,有些說像曲奇餅大小的,慢慢烤之時,看著他打開,用自身的鹽水把自己煮熟,這個很有滿足感,說起來有點變態,但是他的鮮味,能讓鹽水去煮,入口更加鮮味十足.之後再放入黑白墨魚滑(必食之選)起初我沒太大期望在這個食物上,但看到之前食評有點,我便點看看,首先把蟹子跟墨魚滑拌好,然後就真接燒,嗅到香氣跟表面有一點點燒焦就可以吃了,吃下去外脆內爽還香,還是第一次吃到這種東西,真的很難忘.之後燒生蠔,由於我是第一次燒,他們還細心指導我如何調味.燒到什麼時候可以吃,多汁,新鮮,正!這時候牛舌快熟了,我便加了一點鹽下去,不吃還好,吃了之後那個牛的香味,充滿整個口腔,但我不能吃太多,只能吃一次,太多會太飽,吃不下其他東西.後到燒大蝦,大蝦我看上去有九-十吋長,鮮味十足.重頭戲羊鞍到了,表面有一點小小的黑,吃下去脂肪那部份,滿口皆香,肉本身有調味,不用加調味品,肉質鬆軟,不是奄過火的那種,肉汁豐富,真的又滿足一次!最後吃安格斯牛肉,跟大家火鍋吃的差不多,但是燒下去跟吃的時候絕對是另一種風味,而且中間加蒜蓉,當成三文治吃真的沒話可說!吃過這定點之後,我一定要介紹給其他朋友吃,自己也要來這裡過足癮!!!…查看更多

朋友記起雜誌有介紹過，唔食雞煲改左呢度試下燒烤。大約九點坐滿人，不過等一陣就有位，坐一個幾靜又夠冷氣o既地方，但係太過自成一角，好靜，好快見有位我地轉返出舖坐。雖然舖側係厚膠擋住，但依然冷氣十足。價錢唔算好貴，多數材料係廿蚊左右一串，海鮮約五十蚊一份。最貴好似係五花腩要七十八蚊。兩個人只係燒烤，無打邊爐。台灣腸、兩串雞翼、雞肝、雞腎、火箭魷魚、兩隻蠔、兩串豬頸肉、菠蘿、蜆、翡翠螺、大菇、羊架、白鱔、四罐汽水.....大約咁多，埋單齊頭四百(食滿$300免燒烤爐費$30)。雞翼、羊架、豬頸肉醃得好入味。台灣腸真係似台灣街頭食到個種，裡面帶少少肥肉，唔係"假腸味"。不過豬頸肉切出黎比較搞笑，點過兩次，都係出現一條手掌咁長，再撘D 短到似手指尾。呢種蜆(好似有兩三種蜆)細細粒，燒完好似無o野食過咁，下次唔會點。開餐之前無上黎OPENRICE睇食評，岩岩睇見人地燒到好靚間舖都幾衛生，餐具都乾淨齊全。佢地會主動講下點燒好D，不時都望下要唔要幫我地添燒汁之類。 座位唔算多，下次再去會訂位先。…查看更多

一直以來我都好鐘意BBQ，今次同朋友係呢間餐廳入面落手燒BBQ，好食得黎又好玩，可算係難忘既一餐 呢度個燒烤爐好勁!!可以控制燒出黎D食物岩岩好金黃色，好香口之餘多汁!!!!!就連我個唔識煮野食嘅朋友都燒到好好味^^初時仲幾驚佢會燒焦哂D食材!估唔到我朋友燒到個惹味豬頸肉同埋台灣蒜香一口腸咁有水準….，等我仲叫佢再燒多幾串。平時我地見到果D都係用炭爐，燒起上黎真係「火冒三丈」，…黎度個爐唔使用咩技巧，只要間唔中加下水就可以，最岩d 唔識煮野食，又鐘意自己落手玩下既朋友! 超鐘意食蠔，我地2個叫左半打，d蠔好juicy，帶有礦石味，回味甘甜，爽滑彈牙，正!!!!!D大菇上面鋪左芝士去燒，係呢間野既新派食法，味道好fresh...溶左既芝士熱辣辣....好香口... 一個字讚!!! 脂肪與豬肉分布好平均，應該係靚貨，平時食開Shabushabu，估唔到用燒既方法可以咁惹味，d油花迫哂出黎，又唔會太膩口，而且好香tim~~BBQ當然唔少得燒雞翼啦!!>O<…上面灑了點孜然粉和麻辣粉，味道啱啱好，肉汁夠哂juicy!!仲有個手打黑白墨魚滑都值得推介，呢度D墨魚滑好特別.....溝左墨魚汁和蟹籽，唔單止可以用黎打邊爐.......仲可以BBQ，燒出黎表面脆卜卜，內裡就好滑，口感好彈牙，咬破左D蟹籽，仲滲出陣陣既鹹香。環境: 果日天氣都幾熱，不過勝在入面有冷氣，果晚好多人一邊BBQ，一邊打邊爐，但係都唔覺好熱!! 反而幾鍾意咁熱鬧既氣氛….. Good...... 不過今次得兩丁友，如果同多D朋友黎就可以打埋邊爐，听講黎度的黃金鴛鴦茄牛骨腩濃湯好正!!…查看更多

再一次來到這裡, 感覺還是很好的.食物款式多了, 服務相對地亦好了, 就連燒的技巧也有專人指導,好讓我們不需要浪費食物, 可以好好品嚐每一種食品, 果然進步不少!生蠔新鮮, 燒熟了後的味道和口感一樣是好.大蜆和鮑魚也新鮮, 燒完後還留著海鮮的鮮甜味道.大蝦夠份量, 彈牙有口感.大眼雞也是, 燒完後肉質還是嫩口的.羊架調味江剛剛好, 燒完後沒有所謂的(蘇)味, 讚!牛肉粒也不錯.雞翼尖和脆皮腸也是不錯的.最喜愛燒大蘑菇, 好味!原來原條燒茄子是另有一番風味的, 讚!整體來說是不錯, 下次來到時希望有著真的驚喜!…查看更多

早幾天約了朋友一行七人到嚟，原因是一邊燒一邊烚都幾得意，而且見之前的食評及相片都幾吸引所以決定到嚟一窩豐。晚上7時到，好在有定枱，上址店鋪不算闊落，但見整齊企理衛生情況妥當，雖然係坐圓膠櫈大排檔感覺都未感迫夾….OK，店員幾名包括店鋪負責人(兩兄妹)都算係招呼周到，現場上facebook打咭送一條干魷魚片比我哋燒，叫左嘢食但出得有點慢，令我感到特別是佢用一個三層架盛載我點選的海鮮。安格斯牛， 白鱔片， 肥牛粒，大墨魚，蟶子，大蜆，鮑魚，台灣腸，牛脷串，雞軟骨串，羊架，雲吞，鱼鮫，茄子….等整體來說: 服務OK、食物可以、環境可以、衛生OK、價格不算便宜。…查看更多

在BEE CRAZY團購購買了四張現金劵，用$60買$120現金劵，即係我有$480現金劵，咁我o地四個人去食，在bee crazy度睇過d評語話有得打邊燼同燒烤，d人講到好吸引咁，所以就買現金劵去食啦!打邊爐叫左胡椒豬肚湯$58，味道唔錯!一碟手切肥牛(大)$118，得果幾件，仲要係冇牛味一碟特級靚肥牛$48，但得八塊咋，一樣係冇牛味兼唔好食一碟白鱔片$48，勁多骨一碟貢丸$38，勁咸一碟廣島蠔$58得5隻，一d都唔新鮮，竟然係急凍，真係有冇攪錯，我未去過一間打邊爐o既地方食d蠔係急凍咖囉!勁難食呀!一碟雲吞$38，都係唔好味最好食o既係黃金響鈴卷$28，呢樣我o地叫左兩碟，仲有脆肉骨脯$38，生根$18同娃娃菜$18，不過呢d好難會唔好食!!!開燒烤要加$30 : 珍寶蠔 x 4隻， 每隻$20，燒完出來一d都冇蠔味老虎蝦 x 2隻，每隻$25，燒完都係冇味o既豬頸肉 x 2串，每串$10，味道還可以美極牛柳粒 x 1份$48，味道一般厚切白鱔 x 1串$20，還可以啦帆立貝 x 1份$48(5隻)，勁細粒囉盬燒眼中翼 x 1份$15(3隻)，味道都ok雞腎 x 2串，每串$10，好味台灣黑掓大腸 x 2串，每串$10，好味講起d服務就真係差到呢~~唔叫就冇人添湯，叫個人來叫野飲，都唔肯過來，離遠問你要咩飲，真係差到冇人有呀!咁就食左九佰幾銀，扣埋d現金劵，都仲要比多$490，我覺得貴唔緊要，如果好食o既都值得比，但呢度d野一d都唔好食，我唔會再去呢度食野!我之前在百利打邊爐，同埋係四個人，都係食左九佰幾，但百利d野好食好多，d蠔都大隻d同新鮮好多，呢間野真係唔多值囉…查看更多