一碗車仔麵 (已結業)

觀塘一碗車仔麵執咗，請問大家知唔知一碗車仔麵有冇開鋪在其他地方？之前成日在觀塘食這間一碗車仔麵，好想食番😊😊😊😊😊😊😊😊😊😊😊😊😊😊😊…查看更多

車仔麵 由細到大都好鍾意食呢間就第一次試見佢餸都好多選擇而且都好平試一間未食過嘅車仔麵我嘅首選一定係陳皮魚蛋 豬皮 豬紅 豬腸如果嗰間車仔麵嘅魚蛋唔係陳皮魚蛋我直頭唔會試🙈呢間係用陳皮魚蛋 可惜佢冇得揀咖喱味嘅陳皮魚蛋 只有原味豬紅我覺得係四個餸入面做得最好食嘅豬皮就太大塊 而且有點難咬豬腸都好食係有豬味 唔臭 都洗得好乾淨至於辣汁係一定要加 咁我就揀咗大辣不過好可惜 係完全唔辣😓要自己再加辣椒醬覺得呢間車仔麵啲餸都還好啦不過可惜醬汁就唔夠惹味…查看更多

呢間車仔麵地鋪，平民價錢，水準都算唔錯。$32有3餸麵。我叫咗蘿蔔、麻辣木耳、豬頸肉、清湯烏冬。🌶🌶因為麻辣木耳嘅關係，所以我個湯都有啲麻嘅蒜油味，差啲好似譚仔咁嘅味（無譚仔咁濃味，似港式蒜香多啲）😄😄。蘿蔔系車仔麵嘅考牌之作，因為煮得好嘅蘿蔔，系保留到自己嘅清甜多汁，而又淋又入味，掌握哂湯同餸嘅精華。呢度嘅蘿蔔唔算太淋，但又未至於硬。但系都算入味，有上湯嘅味同辣味，亦都多汁，算系唔錯😋😋。麻辣木耳系超入味，浸完湯外賣翻屋企都依然好夠味。鹹味辣味都好到位，值得一試。質地界乎爽同淋之間，有大塊有細塊😁😁。豬頸肉系泰式嗰種，我都幾鍾意同幾香，唔難咬，不過佢個形狀系厚嘅一條條都幾搞笑。一碗都有4，5舊，算系咁😁😁烏冬系港式嗰種圓柱條滑嘟嘟，估唔到又有味喎。…查看更多

#灰到觀塘 🔻三餸一麵 (甜酸齋、豬紅、豬腸、米粉) $35我嗌左扣底，不過份量都好夠，我諗女仔可以叫扣底🤣呢度嘅腩汁比較甜；豬紅無乜腥味(?)，我反而唔係好慣🤣豬腸就肥左啲；至於甜酸齋，同我食開會另上嘅唔同，呢度直接浸喺湯都好好食😚不過辣椒油就普通，有辣度，但就唔夠香。-👅食後感：味道正正常常~我幾鍾意佢嘅甜酸齋🤭-👀個人喜愛度：7/10-🚩一碗車仔麵觀塘協和街139號仁富大廈地舖-#美食 #香港美食 #homekong #hongkong #hk #hkfood #foodie #hkfoodie #香港 #홍콩 #맛집 #음식 #豬紅 #豬腸 #甜酸齋 #港式 #車仔麵…查看更多

今日過嚟呢邊啲雜貨舖搵即熱邊爐，原本諗住去南記食，不過見時日無多，又見到門口有皮皮，就膽粗粗九衝咗入去呢間一碗車仔麵度試吓。餐廳嘅牆身非常復古，不只限於所張貼嘅 poster，連嗰個油漆剝落嘅殘破感都還原到周璇嗰個年代，入場聽到楊采妮嘅不會哭於你面前，我諗播番天涯歌女應該會更加夾，我未能夠分辨到牆身個殘破感係歲月嘅洗禮定係名師嘅設計，睇番OR最舊嗰篇食評係2017年，又唔多以係百年嘅老字號喎。餐牌上極多餸揀，數番一共有45款餸，仲未計小食，真係好多，有水吧嘅車仔麵檔係有分加嘅，雖然我今日無飲到，兩餸28三餸33，喺今時今日嚟講都算幾抵。揀咗個香茅豬頸肉牛筋豬腸甜酸齋河粉，甜酸齋分上阿姐無黑面，辣度揀咗大辣，豬頸肉要加兩蚊所以有多少期望。河粉基本嘢，個湯都係，跟住試啖牛筋，炆得極腍，心中暗喜；跟手嘅香茅豬頸肉，把你迅間落地獄、硬到癲之餘仲同香芧沒有半點關係；跟住試舊豬腸，難得嘅充滿豬味，好耐無食過咁有豬味嘅豬腸喇；隨後將個辣撈勻，又令我有少少懷疑人生，個辣有陣怪味，食多十幾啖至諗到嗰陣味有少少似南孔味，得嚟又有少少鹹香，係奇怪，不過都夠辣嘅；甜酸齋於我嚟講從來都係用嚟解吓辣，呢度嘅甜酸齋甜咗啲又酸咗啲，不過不失。呢度嘅餸份量好多，人間代表豬腸有成七八舊，牛筋有五六舊，地獄系嘅豬頸肉都有四五舊，不過食完有少少口渴，但係屬於可接受嘅程度。…查看更多

今晚收工唸住想食車仔麵 咁就係觀塘轉車到協和街呢間車仔麵店食下啦 初黎報到 入到去凍到好似去左雪房 轉左位都係咁凍 好講返正題 期待緊碗7餸的車仔麵 以最快速度食 食到都仲有好多我中意的餸留到最後 跟住噁心事情發生啦 浮大一隻新新新新世代的小強出面嘩想嘔都唔嘔得 就快手快脚飲埋杯檸樂叫佢攞走碗野叫埋單 佢地店員傾左陣就同我講唔收錢 我就出左去嘔左陣 噁心得勁唔記影相 就急急脚嘔完坐的士返歸 唉驚心動拍呀 真係中伏得好厲害囉。唉最衰無影相嗚嗚嗚 唔收錢都補償唔到我中伏的心情呀:(:(:(:(:(:(…查看更多

今日下午我因為有事要去牛頭角攞嘢,所以路經很少到嘅觀塘,因為自己又未食早餐同午餐,非常之肚餓,所以就上Open Rice揾吓有乜嘢好食啦!我揾咗好耐先揾到呢間車仔麵店,睇落好似好多餸菜選擇,好似幾ok咁,又諗住好耐冇食過車仔麵,雖然呢間車仔麵店没有下午茶套餐,但還是決定去試吓,所以我就叫了一個四餸一麵嘅車仔麵嚟食試吓,但除咗豬紅係有幾嚿之外,其他啲餸菜就非常之碎濕濕啦,牛栢葉同魷魚鬚啲份量少之又少,所有食物除了不夠熱之外,佢啲味道完全没有車仔麵的味道,而且味道非常淡,令我非常之失望,下次一定不會再去幫襯!…查看更多

上網揾車仔麵，見呢間都算就腳，今日放工去試下，裝修有點簡單，但很有舊式街邊檔味道，去到坐底慢慢揀餸，車仔麵黎講，佢大部份餸都有，其實都想試五至六樣，但一定食唔晒，試住三樣先，今次呢三款餸味道都唔錯，猪腸很飽滿，都唔錯，酸齋軟軟的不會太酸，好味，另外，蒜香雞翼尖正呀，睇落去無咩顏色，以為無咩味，點知原來真係好香蒜味，幾特別，麵底方面，份量頗多，總括黎講，呢間都幾好味，姐姐招呼不錯，很有禮貌，我一定會再黎…查看更多

🥢觀塘街頭小店車仔麵🥢發覺觀塘有好多間不同的車仔麵，百花齊放，今次經過觀塘另一邊，街頭有間裝修門面比教暗，入面是傳統摺檯摺接凳，的香港風車仔麵🥢三餸麵$32 凍飲加$7🥢豬軟骨雞腎豬腸豬腸夠香夠肥，鐘意食呢個狀態的會鐘意，雞腎韌咬唔開，算吧拉，豬軟骨都幾淋的🥢墨魚頭豬紅雲吞雲吞正正常常麵店的感覺，豬紅一般滑，墨魚頭無咩鮮味，河粉質感幾滑，但湯底清淡，所以不鄉加豉油辣油先食到🥢蒜泥白肉夠多蒜，味道都算唔錯，肉質正常五花肉的味道🥢好食又一餐唔好又一餐，唔可以話難食但又唔好食，無咩特別好食，所以試一次就夠…查看更多

我間唔時都幾鐘意食車仔麵！貪佢平靚正，又多餸可以揀😊今晚求其入左間車仔麵醫肚，估唔到有驚喜！👍🏻👉🏻麻辣火雞腎、貢丸、魚皮餃+河粉配腩汁🔶麻辣火雞腎既麻辣汁好出色，我唔食得辣，但呢個完全handle到。佢唔係好辣，反而有好香的麻味～撈埋落腩汁到真係好惹味！係驚喜之一🔷驚喜之二係個河粉。個河粉係好彈牙，就算我相機食先，佢都無因為咁而浸到淋晒。最怕食個d碎濕濕，淋謝謝爛晒既河粉，但呢個真心唔會。估唔到咁好食👍🏻👍🏻👉🏻午餐肉、蠔油冬菇+粗麵配辣汁(中)🔶第三個驚喜是冬菇！大大隻之餘亦都忟到好淋同入味！好容易就咬得開，係唔錯既😍👉🏻蒜泥白肉($26)🔷蒜泥白肉個精髓就係面頭層醬。呢個做得好香，蒜泥唔會好搶，令人有嗆既感覺。而辣都係唔錯，食得辣既朋友一定會大讚😊車仔麵兩餸$27、三餸$33🌟總括：估唔到呢間小店又幾有驚喜！整體食物質素幾高，都幾多街坊幫襯～我諗我既回頭率都幾高😍☺️👍🏻…查看更多

嘻。今日收工食個車仔麵先。過嚟食一碗，揀左3餸，豬軟骨，豬皮，牛腩，粗麵加腩汁。車仔麵味道夠濃，材料多，下午茶剛好✌🏻呢間店開左好耐，做街坊生意，平時都好多入食，入面有幾張圓枱甘。材料好多選擇，價錢吾貴…查看更多

觀塘有間車仔麵地方企理又平又好食三餸$32 之後每樣餸都係7蚊份量又足又係食過好多次嫁喇👍🏼陳皮魚旦基本上我必食⭕️彈牙有陳皮味😋係我鐘意食嗰隻香矛豬頸肉🐷次次都係新鮮既炸😋🌟食得辣既我極推介食麻辣火雞腎💯夠麻夠辣有咬勁又入味🉐食過一次後🉐每次都叫🥰辣得過癮之前食過豬軟骨都係炆得入味有時劃劃下好多樣都想食，就會劃左四，五餸🤤食飽好滿足🥰有心整每樣餸既小店一定要支持呀💪🏼💪🏼…查看更多

好味又抵食三餸一麵 加埋凍飲 唔駛$50食材新鮮 蘿蔔永遠都咁清甜冬菇又大隻又juicy 足料十足比起apm附近既文記車仔麵 好食好多又抵食 啱晒草根階層又有人情味舖頭 要多多支持…查看更多

車仔麵餸選擇多秘制豬手和韮菜餃多韮菜也是我至愛，還有墨魚頭彈牙每次必選，辣汁少辣也夠辣價錢大衆化，兩餸才$27,三餸才$32,加餸也只是$7一款，相比深水埗区優惠好多😀…查看更多

超低食之選，一向都好鍾意食車仔麵因為夠多選擇，但平時逐個逐個逐個餸就分分鐘好容易就會叫到50-60蚊，但係到個個餸到統一左個價錢，無論叫魚蛋、菜定雞翼......都一樣價錢。值得一讚嘅係佢嘅魷魚，平時食車仔麵魷魚多時會係水魷就算佢點煮都係會無咩味，但依到嘅魷魚係新鮮嘅再略略炸過味道好香，依到係冬菇同雞翼都夠曬入味。見到隔離食豬頸肉都好似好好味咁，可以下一次食嘅時候試下。今次食撞正學放飯時間好多中學生，所以略嫌店舖有一啲逼夾。…查看更多