一盅點心

营业中

休息中

實在係太耐冇飲過茶啦, 於是今日小妹收左工之後就去左附近嘅點心店到食一盅兩件, 點心店環境算大坐得都幾舒服, 餐廳提供嘅點心種類幾多, 有精緻款, 有散叫亦有套餐可以揀, 而且可以scan qr code自助落單幾方便! 小妹最後點左個王牌點心二人套餐同一個飽肚靚湯套餐!🌟淮杞螺頭竹絲雞湯汁夠熱夠濃, 飲落足料鮮甜!🌟黑金流沙包一打開熱辣辣嘅流沙餡就爆哂出嚟, 咸甜適中🌟爆餡叉燒包叉燒包夠哂熱, 麵包鬆軟帶甜, 叉燒好足量, 名不虛傳!🌟筍尖蝦餃皇蝦餃皮晶瑩, 口感煙韌軟糯, 包住鮮味十足嘅蝦肉同筍尖, 味道不錯🌟XO醬菜苗餃菜苗餃皮薄足料, 啖啖菜苗, 大大匙XO醬非常慷慨, 食落咸咸香香幾滋味🌟懷舊燒賣皇燒賣嘅豬肉肉質爽彈幾juicy🌟乾蒸牛肉燒賣牛肉燒賣蒸得岩岩好, 唔會乾憎憎, 食落牛味幾濃🌟糯米燒賣糯米燒賣外皮煙韌, 入面包住糯米飯, 口感豐富🌟章魚肉餅飯份量約有每人兩碗, 飯粒煙韌可口,章魚肉餅咸咸香香, 十分惹味!🌟杏仁茶杏仁味濃厚, 口感幼滑而且甜度適中

餐廳裝修簡潔明亮， 即叫即蒸港式懷舊點心，選擇豐富，及價錢親民抵食， 吸引不少街坊絲。皇牌點心一人套餐$48套餐十分豐富，有懷舊燒賣皇一隻 、筍尖蝦餃皇一隻、xo醬菜苗餃一隻、香茜潮州粉果一隻、黑金流沙包一個及爆餡叉燒包一個，飽滿的筍尖蝦餃皇， 餃皮白滑煙韌， 配合爽口的筍尖， 口感清爽又好味。鬆軟的黑金流沙包，大口咬下去， 金黃色的奶黃， 緩緩流出， 滿滿鹹蛋的甘香。爆餡叉燒包， 熱湯湯蜜甜多汁的叉燒在口中爆出， 帶來驚喜。飽肚靚湯套餐$68 飽肚套餐是金針雲耳蒸雞飯+瑤柱五指毛桃燉西施骨，金針雲耳雞飯用荷葉墊底， 放在蒸籠上蒸熟，蒸熟的雞肉汁滲透底層米飯，拌勻白飯一起吃， 米飯滋味濕潤，散發著雞油香和荷葉的香氣， 配上嫩滑的雞肉， 令人食指大動。原盅瑤柱五指毛桃燉西施骨燉湯， 真材實料， 好夠火喉， 飲後令人口舌生香 。五柳鮮蝦炸雲吞三隻$28鮮蝦炸雲吞入口， 脆卜卜之餘， 還有爽彈的鮮蝦， 沾上 五柳甜酸醬， 俘虜我的心。甜蜜蜜叉燒腸$28晶瑩剔透的叉燒腸粉， 腸粉皮 薄滑， 包裹蜜味叉燒， 沾上甜甜的豉油，增添滋味。椰香黃金糕$23即叫即煎的黃金糕 ， 入口香甜軟綿， 還散發著

春風得意腸腸粉外皮好滑，裏面包住鮮蝦春卷，外脆內軟好香口，加上蟹籽點綴，賣相吸引。糯米雞+淮杞螺頭燉竹絲雞糯米雞飯粒煙韌分明，內裏餡料不算太多，唔會太油膩，都不失美味，燉湯用料十足，螺頭味十分特出，飲起來好鮮甜，有住家的味道，無味精，飲完唔會口渴。鵪鶉蛋燒賣已經好少點心店有得食，內有原隻鵪鶉蛋、蝦肉、豬肉，味道豐富，絕對是經典點心。懷舊燒賣皇餡料紮實，豬肉爽口，肥瘦均勻。瑤柱菜苗餃外皮晶瑩通透，菜苗嫩嫩綠綠，加上瑤柱xo醬好惹味。

【一盅點心】 #長沙灣 #點心今日同咗個好耐冇見嘅打工仔朋友出嚟食飯，難得可以見面，梗係想搵個可以坐耐啲嘅地方，於是興致勃勃咁去咗呢間一盅點心飲茶食點心。六拼燒賣組合（$68）賣相味道都一流。六款口味，總有一款啱你心水——爆汁墨魚（龍蝦汁）、家鄉糯米、乾蒸牛肉、白雪帶子、鮑魚、懷舊燒賣——總共六款，每舊都爽口彈牙，飽滿多汁，連個竹籠都係用特大號，可見每粒燒賣都具備一定份量。估唔到連鮑魚帶子都係真材實料，六粒各有特色而且味道令人驚艷嘅特色燒賣居然只係買呢個價錢，真係極之抵食。黑松露山珍腐皮卷（$35）腐皮卷炸得相當香脆，每啖咬落口感脆卜卜，而且餡料亦十分豐富，加咗好多山珍野菌，令到呢碟腐皮卷嘅口感充滿柔軟以及香脆相互交錯嘅層次感。原籠馬拉糕（$23）馬拉糕相當大份，脹卜卜，而且相當鬆軟。撳落去半秒內就識得自己彈返去原狀，彈性完勝唔少市面上抗壓能力堪憂嘅港孩級淋到爆糕點。呢籠馬拉糕我比十個讚。香茜馬蹄牛肉腸（$28）粉腸皮口感帶點嚼勁，牛肉滑夠碎夠稔，甚至令人諗起食吞拿魚蓉嗰種要斷唔斷、藕斷絲連嘅連綿。係一碟食得出一份溫柔嘅腸粉。鳳爪排骨飯（$40）不容小覷嘅一籠飯。佢雖則只係一籠飯，但佢

🌸長沙灣抵食點心🌸一盅點心🍽今日想嘆返一盅2件的點心，途經長沙灣發現一間很抵食的手工點心小店-「一盅點心」，而且小店人流不絕，因為今天下午決定光顧此小店作是日午餐❗️小店裝修簡約企理，客人都能在寬敞的環境用餐❗️而且服務員的工作態度也十分健談有禮，他們都非常之清楚了解餐廳提供的食物❗️能夠向客人詳盡地介紹各款點心菜式❗️點心小店向客人提供各款的中式茶飲，水滾茶靚😏🫖茶位 $4/位而我們一行二人，共光顧了以下餐點：1️⃣🌟皇牌點心二人套餐 $128這是一款集小店皇牌點心於一籠的點心，點心種類非常豐富，有懷舊燒賣皇2隻、乾蒸牛肉燒賣2隻、帶子燒賣2隻、糯米燒賣2隻、筍尖蝦餃皇2隻、XO醬菜苗餃2隻、黑金流沙包一個及爆饀叉燒包一個❗️每款點心也是小店的招牌菜，光然名不虛傳❗️各款燒賣點心饀料豐富新鮮，菜苖餃配時令翠綠菜苗，味道清新，黑金流包賣相精緻而且具濃郁流心奶皇饀，而叉燒包饀料豐富，配有份量十足叉燒饀料❗️此套餐能次過品嘗小店的招牌手作點心，絕對不能錯過❗️而且非常之惹味味抵食👍🏻👍🏻美味指數：⭕⭕⭕⭕️⭕️賣相指數：⭕⭕⭕⭕️⭕️抵食指數：⭕⭕⭕⭕️⭕️2️⃣🌟鳳爪排骨飯 $40鳳爪排骨飯份量十足，以荷葉盛載粒粒香飯、軟

唔好睇少呢間點心專門店，雖然裝修簡簡單單似一般小店，但出品既點心有大酒樓既質素，價錢算相宜，但又唔駛等好耐先有位，得閒黎嘆番一盅倆件都唔錯。鵪鶉蛋燒賣 $35 : 出面好少有得食既傳統懷舊點心，先咬一口鵪鶉蛋，蛋味好香，燒賣蝦肉比例多，爽口彈牙。XO醬菜苗餃 $28 : 菜苗好嫩，原本餡料菜苗同蝦肉會比較清淡，但餃上有一層XO醬，即時將味道提升，變得更惹味。春風得意腸 $35 : 腸粉包住油炸鬼，油炸鬼裡面再有蝦肉饀料，外面滑啫啫，中間脆卜卜，裡面就好彈牙，每一啖都有3種唔同口感。爆餡义燒飽 $23 : 义燒飽餡料多，而且义燒唔肥。黑松露山珍腐皮卷 $35 :，腐皮煎到香脆，加入黑松露特別美味。拔絲蛋散皇 $19 : 好鬆化、入口即溶。

間唔中都會想食下中式點心，但平日要返工冇咁多時間，就要係晚餐先食到，今日黎到一盅點心，見到呢度主打燒賣，有多款唔同燒賣同都算多款點心✅荀尖蝦餃蝦餃皮厚度適中亦夠煙韌，蝦肉結實冇雪味，食得出都算新鮮🤩✅春風得意腸軟軟腸粉皮包住脆卜卜既米紙卷皮，有唔同既蔬菜同切碎既蝦肉做餡料，仲有蟹籽做點綴，有多重口感，其中比較特別係春卷餡料入面有紫椰菜，食落爽脆幾特別✅鵪鶉蛋燒賣呢度主打燒賣一定就要叫返一個試下，燒賣咬落彈牙結實，唔會散哂而且冇筋👍🏾做得唔錯✅蒜蓉鮮蝦春卷呢個春卷既餡料同春風得意腸既好似，但蝦肉相對比較完整同大粒，咬落更有口感，加埋鐘意佢揀左一啲爽脆既食材做餡料，加埋脆卜卜既外皮就好夾✅花膠鮮竹卷呢款鮮竹卷比平時食蠔皇個種比較清新，用上湯浸住，塊腐皮吸哂啲汁，而且真係有細塊花膠係湯入面，調味吾會太濃👍🏾✅古法陳皮牛肉球牛肉球既份量都算幾大粒，賣相好吸引，雖然陳皮味吾算好出，但牛肉既質感都算唔錯，大大粒都夠飽肚🌟整體黎講欣賞呢間點心小店都係即叫即蒸，上碟全部都保持到熱度，炸物亦仲係脆卜卜既狀態，比較欣賞係佢用係春卷既餡料同有好多款唔同既燒賣，覺得都值

晚餐食點心弟弟放假，決定出去撐台腳，早上起不到床，就晚上食點心。位於長沙灣青山道，店內有著酒樓蒸籠，這晚不食飯全叫一盅一籠，爽。人均：$99.春風得意腸好有趣的腸粉，裡面有蝦、紫椰子、面上點點蟹子，口感軟化爽脆，加點醬油，辣椒油，就美味！.筍尖蝦餃皇皮薄餡靚，一隻大蝦，內裡有蝦汁，咬兩口才食完，這款點心不錯。.爆汁墨魚燒賣一見就想叫，爆汁是龍蝦汁，咬開好香龍蝦汁味，肉實彈牙，一籠三粒食了兩粒😂.XO醬菜苗餃都是一籠三粒食了兩粒，點心中菜苗餃次次必叫，今次無失望，好食。.蒜蓉鮮蝦春卷春卷都是必叫炸物之一，香脆可口，餡內都有紫椰菜，兩款都有紫椰子，幾特別呢！.千島醬脆炸蘿蔔糕份量好足，四大舊，蘿蔔糕面上好有動感的木魚絲，有點像食章魚燒。.

香港人一向熱愛點心，由蝦餃、燒賣，以至叉燒包都係大家的心頭好。就好似我身邊的為食鬼，幾乎每星期都要歎過一盅兩件至滿足。最近又畀佢喺長沙灣搵到間「一盅點心」，餐廳門面非常養眼，以天藍色為主調。至於店內環境亦不俗， 牆身位置放有花卉擺設，裝潢簡約清雅。餐牌上嘅點心，花款都幾多，有港式蒸點、香脆煎炸、風味腸粉、荷葉蒸飯、老火粥品、滋補靚湯、田園時蔬、心動甜品，另外亦有多款全日套餐等供應，而於茶錢就每位 $4。王牌點心二人套餐 ($128)：套餐非常豐富，包咗 8 款點心，分別為懷舊燒賣皇、帶子燒賣、乾蒸牛肉燒賣、糯米燒賣、筍尖蝦餃皇、XO 醬菜苗餃各 2 件，黑金流沙包、爆餡叉燒包各 1 個。燒賣皇新鮮熱辣，用料十足，肉餡結實有彈性，面頭加了蟹子，口感鮮美爽脆。帶子燒賣味道亦唔錯，帶子爽彈，甜味亦非常明顯，帶子嘅鮮味完全融入燒賣內。乾蒸燒賣水準亦不俗，牛肉新鮮沒有雪味，燒賣皮薄，餡料爽口。糯米燒賣晶瑩剔透，餡料有糯米、香菇和肉末等，入口煙煙韌韌，吃時可蘸少許辣椒油。蝦餃皇皮薄餡靚，蝦肉彈牙味鮮，食完真係覺得有啲唔夠喉，好想食多幾粒。菜苗餃同樣出色，蝦肉鮮彈，菜苗幼細嫩綠，XO 醬增添鹹香。流

人大了 好似愈黎愈鍾意飲茶😂1. 六拼燒賣組合 $68樣樣都係好新式嘅燒賣 有鮑魚燒賣 帶子燒賣 墨魚燒賣 糯米包 牛肉燒賣 同埋正常燒賣 食落都幾有驚喜 唔會伏 個人幾鍾意個糯米包 出面有層好似小籠包嘅薄皮 入面係啲炒香左嘅糯米 幾特別 其他燒賣都幾足料 口感實在又彈牙2. 筍尖蝦餃皇 $33個皮晶瑩剔透 入面隻蝦大大隻 又幾有鮮味 3. 黑金流沙包 $33賣相幾靚 不過可能攤凍咗啲 所以流沙效果冇咁出 但係奶黃味幾香 4. 千島醬脆炸蘿蔔糕 $33呢個都係新式做法 但係一啲都唔伏而且好好食 出面脆皮再加層千島醬 有啲pizza風味 但入面係蘿蔔糕 口感都濕潤 唔會太粉 有啲蘿蔔絲咁 足料製作 所以成個搭配意外地夾 下次會再encore 5. 甜蜜蜜叉燒腸 $28腸粉皮米香足 厚度正常 叉燒都多 分佈到成條腸都有6. 拔絲蛋散皇 $19好耐冇食 見到就忍唔住嗌 咬落香口 蛋香足 不過要趁熱食 唔係凍左會變硬Overall推介指數：4-4.5/5點心質素唔錯 坐都幾舒服 燈光好光猛 如果住附近嘅話 可能會再幫襯

雖然係一間小店，但係佢嘅座位位置並唔會好窄，可以坐得舒舒服服。好多好套餐可以擇，不過我地今次想食單點多D。燒賣拼盤：有六粒，不過分開左2籠上。鮑魚燒賣同帶子肉燒賣食落口感幾好，懷舊燒賣皇嘅比例唔錯，好多蝦。另外，佢有一粒牛肉燒賣，正正常常啦。而糯米燒賣，其實根本就係糯米飯，同燒賣無咩關係。仲有一粒墨魚燒賣，好鮮味好正。皮蛋瘦肉粥：感覺上有點太"傑"，比例上多番啲水會好啲。醬皇蒸鳳爪：唔錯好夠熱味道唔錯。韭黃鮮蝦腸：佢貼心地分開左豉油同蝦腸。但如果豉油直接淋上去可能會好D方便D，因為咁樣會冇咁易夾散。腸粉皮幾薄，蝦肉亦都結實，好味。家鄉鹹水角：炸得幾香脆，皮同餡嘅比例ok。

喺深水埗練習後周圍搵野食，發現 呢個區其實都好多嘢食， 成條青山道兩邊未夠7點都泊滿曬車， 好彩嚟到呢間轉角嘅點心舖附近有位， 順便喺度食又睇住架車。 自己都好耐無食點心， 佢哋嘅價錢十分平民化， 選擇亦算多， 亦有一部分係特色嘅點心，所以都點了6碟點心。 拔絲蛋散皇， 份量夠大， 亦炸得薄身， 拔絲糖漿落得分量平均。 龍蝦汁墨魚燒賣， 新鮮彈牙， 肉質鮮甜。 筍尖蝦餃皇， 佢哋都用咗啲比較大嘅 鮮蝦， 食落感覺新鮮，蝦味濃郁。 Xo醬菜苗餃 做得幾有特色， 餃子皮已經包咗xo醬在內， 蒸嘅時候都冇更能突出影菜苗嘅味道。 古早黑糖糕， 咬開好明顯見到 蜂巢形狀， 鬆軟。 古法陳皮牛肉球， 係我最欣賞嘅點心之一， 牛肉味濃厚， 粉落得唔會太多， 但食落 有咬口。

朋友心思思話想食點心，於是放工就帶左佢來呢間街坊點心店「飲夜茶」。🍵🫖.呢到除左有平時常見既點心外，估唔到仲有創意十足既款式，我地都特別點左幾款試試。🥟🥟✨黑松露鮮蝦餃蝦餃每隻都好飽滿，入口帶陣陣黑松露香，但又唔會掩蓋左本身蝦肉既鮮味，蝦肉亦都夠爽口彈牙👍👍✨春風得意腸見到個名好得意所以就點左，原來喺嫩滑既腸粉包住脆卜卜的油條，仲有紫椰菜同蟹子等餡料，唔單止賣相創新有趣，味道都唔錯！✨黑金流沙包黑色包入口鬆軟，咬開便有金黃色的蛋黃流沙漿流出，味道咸香好吃。✨爆汁墨魚燒賣本身無諗過燒賣都可以做到爆汁效果，點知一啖咬開入面既龍蝦汁已經四濺，口感彈牙好有咬口。✨養顏千層糕薑汁味比較重，食落有煙韌既口感，不過不失。呢到既茶錢只喺4蚊一位，比一般茶樓平，亦都無加一服務收費，所以都幾抵食！

同朋友第一次嚟呢間餐廳食點心，雖然裝修看似普普通通，但試過之後覺得點心質素真係超乎想像，非常好食！而且侍應auntie 都非常熱情同友善！餐廳主打一啲新式嘅點心，完全同平時傳統酒樓食開千篇一律嘅好唔同！🦑爆汁墨魚燒賣（龍蝦湯）（$33）平時喺酒樓食燒賣食得多啦，我係個墨魚嘅忠實粉絲，今次叫咗呢個墨魚燒賣。上菜嗰陣我哋都嚇親，因為超大粒，好似食緊墨魚丸咁，裏面仲要有流心嘅湯汁非常彈牙！🐟🐓魚肚滑雞扎（$38）因為朋友好鍾意食雞扎佢都話非常足料，超飽肚！🐄秘製牛柏葉（$33）牛柏葉個樣超大份而且配埋啲辣辣地嘅鹹菜（？）少少微辣但非常開胃！🥕千島醬脆炸蘿蔔糕（$33）冇諗過蘿蔔糕係呢個樣上菜，外面係超脆口，食落有啲似日本嘅章魚小丸子！呢道菜都係令我對蘿蔔糕完全改觀，我哋真係食唔停口，但係真係有啲飽肚！🍠紫薯流心煎堆（$33）呢個一聽個名就知道超飽，但係想像唔到嘅係佢出邊炸得超脆之餘，裏邊仲有流心嘅奶黃餡！薄薄一層紫薯餡唔會好甜而同時你都會食得出紫薯味，超級推介！🥓🍚鳳爪排骨飯（$40）個飯手呀炎有啲太濕但係朋友都話排骨問得好入味好食，分量超大，我哋完全唔晒，結果要打包夜晚再食！食物真係超乎想

與長輩出街食飯，一盅兩件梗係佢地既最愛。但係未必時時都有閒情日置去酒樓飲茶慢慢嘆， 呢個時候我就會帶佢哋去啲專賣點心的餐廳，貪夠 方便快捷，又可以滿足長輩食點心的願望。青山道一盅兩件就係我幾日前帶左長輩們去的餐廳，長沙灣學基浸信會宇宙廣場附近，轉角位非常易認。有大玻璃窗，夠光猛又光鮮。傳統點心當然有，但餐廳最特別之處 是餐廳有又唔同特色的燒賣， 有傳統，有百花，有墨汁，有原蝦，有鮑魚，單叫或拼盤食晒都得。除此之外， 又有各款套餐，有燉湯蒸飯點心，仲送埋杏仁茶，無論一人或二人，總有款式啱心水。燉湯蒸飯套餐是飽肚又補身之選吧。章魚肉餅飯一大籠，送上來肉香撲鼻，入口章魚味突出，有豬肉的甘香， 肉汁都滲進飯裡。淮山杞子螺頭燉竹絲雞材料滿滿，隔油功夫做得足，而且燉湯更能保留 竹絲雞同螺頭 的真味，益精補氣。套餐仲送埋杏仁茶爆餡叉燒包即叫即蒸超大個， 包包鬆軟 熱辣辣， 叉燒香甜，無得彈。筍尖蝦餃皇蝦餃大隻，外皮煙韌唔會削，蝦肉新鮮彈牙，抵食。爆汁墨魚燒賣龍蝦汁超得意，呢款墨魚燒賣成隻都係墨魚滑搓成，彈牙爽口又大隻，咬開入面仲有爆晒漿的龍蝦汁，比傳統豬肉燒賣仲要好食。金菇銀芽脆皮腸感覺就像是越南春