一甜 (已結業)

一甜🍧一甜採用希少糖：擁有70%砂糖甜味，但只有極之低嘅卡路里🍮🍨榴槤乳酪沙冰（$38）老闆大力推介：採用左新鮮嘅榴槤，食緊個陣好似置身係榴槤海入面，係榴槤控嘅必叫之選🤪藍莓乳酪沙冰（$35）藍莓沙冰本身係配士多啤梨嘅但係當日就冇哂士多啤梨😢講真同一般沙冰冇分別 不過兩杯沙冰都有配cream，撈埋啲cream一齊飲就口感好豐富，唔錯👍日式抹茶蕨餅（$48）賣相一般，但口感唔錯🙉竹炭疏乎厘 （$78）竹炭疏乎厘好特別清新，配埋自家制嘅雲呢拿雪糕(入面有好多一粒粒嘅雲呢拿籽❤️）

係屋企附近開左一間甜品店 外表幾靚 加上屋企附近好少甜品店選擇 所以就去試下佢既甜品唔係一般既選擇 有好多我覺得幾特別既 好少地方有得食既 所以一試冇妨焦糖梳乎里($76) 幾梳乎 夠熱 即叫即整 好有誠意 另外配雪糕 我地簡左竹炭 好少地方有竹炭雪糕食 所以幾特別 要注意食完會令口部及牙齒染滿黑色 所以要小心呢一點另外叫左綠茶水信玄餅($32) 淡淡既綠茶味 唔會太濃味 配上紅豆 幾夾 幾好味我地叫左兩樣野食 當天有九折優惠 所以幾唔錯

同朋友係屯門安定果邊食完飯,行行下見到呢間新開既甜品店,所以同朋友一於去試下朋友叫左抹茶玄餅第一次食玄餅,感覺幾特別,本身朋友都鍾意食抺茶味既產品,所以朋友都好滿意呢個甜品.而我一直都好想食梳乎厘,所以叫左個焦糖味,本人覺得幾好食.加埋竹炭味雪糕呢間服務態度都唔錯,下次會再去食

食飽飯係置樂四圍行下，發現一間新開甜品店。本身打算忍下口，見到稀少糖就入去試下，點知真係有驚喜。第一次食自家製稀少糖甜品真係好好味，又唔會太甜，老闆話糖尿病病人都可以食。飲品推介沒有咖啡因的南非國寶茶，老幼、孕婦通通都可以飲，適合現在的我～真係好貼心。老闆同員工好好人，所有甜品都用心製作，連雪糕都係自家製，多款口味可以揀，見隔離枱食緊都好想食一啖。店內環境舒適，當天與朋友聚會聊天，過了愉快的晚上，真心推介