一流の (已結業)

樓面服務員態度極差，好悔氣。咁都算諗住隔離三哥咁多人求其食間，都唔係好抱期望。點解真係咁垃圾。叫左個酸辣湯麵，但係一啲都冇酸，我諗住係綠色酸菜樣anyway 可能係我誤會左，但係一啲酸都冇 跟住叫佢換 佢攞走左 再返返轉頭比返一模一樣嘅嘢我 唔出聲走左 咩都唔講。其實我都有啲驚佢攞我碗嘢去做左啲乜 因為佢咩都冇講就走左。最後我冇點食過就走左。好垃圾真係。

去D2 Place行咗陣，見差唔多肚餓就去搵食，由於同行有狗仔，所以餐廳嘅選擇都唔多，盡可能都搵啲戶外嘅餐廳。見呢間有戶外而且怕食辣嘅我未食過酸菜魚，呢度又有唔辣嘅酸菜魚所以就嚟試吓～～～出到室外都有少少大風，但隨即就送咗啲熱茶嚟😊金湯酸菜魚片午市加埋一都接近$100，揀咗金湯諗住唔辣，但是左幾啖都係覺得辣，唯有放棄😂食得辣嘅朋友覺得普通，對比其他米線，佢啲材料的確係幾豐富。如果嗰日好肚餓，想食多啲料嘅米線，都可以試吓嘅......但要注意啲魚有細骨，而且午市來講$100就覺得唔係咁值啦😞松茸燉雞湯麵成碗麵主要都係雞湯嘅味，啲雞都幾淋容易咬，但係其實啲餸都幾少，雞就骨多個肉，食完感覺都唔係幾飽。佢午市加元一都差不多$60🤔呢個家喺深水埗區一定有更好嘅選擇🙈🙈

佢轉左呢個Menu之後應該同自掘墳墓差唔多原本間唔中都有食開佢個金湯紅米線有魚仲有午餐肉或牛展唔算抵食 但佢米線既口感ok加埋啲酸菜都算開胃講緊之前都要五十幾六十蚊埋單連埋加一所以都唔係成日食最近佢轉左呢個魚片午餐但我諗唔明淨係多返啲配菜但前菜又刪左又冇午餐肉或者牛展點解要貴成廿幾三十蚊$88加埋一要九十幾蚊個侍應係咁想我叫呢個餐我就唔叫喇 勁唔抵食佢改到個menu咁但都坐低左 唔好話唔俾機會就叫個最平既試下可能有驚喜點知就直升機喇米線差左餸少到一個點（多骨 無肉 啲菇碎片有三塊）食完唔飽飲完個湯好頸渴加埋一收$61.6淨係可以用個伏字去形容祝佢好運

首先魚係幾滑，但其他野就唔太滿意:1. 出餐慢2. 店舖內好熱，食辣野出哂汗3. 份量少，得好少米線，食唔飽4. 太貴，唔值呢個價5. 唔夠辣本身都係想食碗米線，路過見到試下，點知都係咁失望，既然D魚唔差，就應該做好d，希望可以改善下啦

中午時第一次到了這餐廳食點了個松茸燉雞湯麵.56蚊冇嘢飲一啲都唔平.那碗麵來了啲雞全部都是骨沒有一件可以食得落肚全是雞皮雞骨啲雞全部食唔落肚意外個湯都非常之油,難怪中午都冇人喺度食飯. 又貴又難食又吟點了雞肉有冇雞真係絕頂難食.諗住食之前同事應投訴唔使寫負評,講兩句佢都走咗去唔睬我真係諗唔到現在喺香港都會有呢種食物同呢種服務態度.絕頂差勁一定冇回頭.千祈唔好嚟想飛機會佢解決問題佢都行開根本就唔係想做生意

我個人好中意食辣，所以食過好多唔同水煮魚同水煮牛。呢間係我食過最好食，佢唔會太salty, 有啲真係salty 都唔知點食落去。魚片新鮮，好食。配料特別，尤其係青荀。佢個糖水好特別，幾好食。已經去左3次，好好食。

湯：大陸辣油湯 全部油浮晒上面米線：比正常米線更幼 完全無咬口餸：牛展 3塊肉加埋無半隻手掌 薄到一蚊銀仔厚對食物無要求唔代表係難食呢一間真係做到難食 難食到極點每樣試一啖就唔食 當跌錢$48 一餸加1 =$53

同朋友無意行過，見到佢哋啲客人食緊好大鍋嘅水煮魚滾下滾下，實在太正！就咁就俾佢吸引咗入去食！一坐低就即刻嗌個水煮魚啦！佢有幾個唔同味道揀嘅！我哋就揀咗個蒜香水煮魚，小辣，因為我食得辣，所以其實冇乜料到，下次可以食中辣！啲魚質無得彈！滑到跌咗落枱兩次！哈哈！每人可以揀一碗飯或者一碗麵。有一份前菜係酸辣青瓜，再送2碗紅糖冰粉，再送2罐汽水！而家天氣越嚟越凍，應該會嚟食多幾次！真係好好味，我哋差唔多成鍋湯飲晒！$298兩人餐再有88折，即係大概減返個加一！$150一個人，算係咁啦！

之前因為食太多次稻城酸菜魚，已經食膩了，嗰日咁啱行D2place市集，見到呢間酸菜魚，價錢都好經濟$298二人餐，而出面望入去食客叫嘅，都好大碗，所以就試下😂入到去，比較左酸菜魚嘅二人餐，一個係$168 ，一個係$298🤔其實$298，只係多咗2人甜品，兩個自選小菜，其他大致一樣，於是就選了$168，追土豆片😲前菜是青瓜，我認為味道剛剛好，適合嘅酸度和道同辣度，反正前菜太辣，對於少少辣的我可能都不是一件好事，因為稍後要食酸菜魚🤣青瓜是爽口的。酸菜魚出場，大碗，魚算多，又滑，而且湯面沒有充滿一層邪惡的油👏🏻👏🏻記得要拌一下湯，因為第一口，不夠酸，拌一下之後湯味道均勻了！湯底不太酸，反而更適合我🤣🤣午餐肉應該不是梅林，因為午餐肉味味道偏淡，土豆片不完全熟透🤏有點爽口😂我認為午餐🥣用呢個價錢，兩個人食到ok的酸菜魚，叫做很實惠，食完都唔覺係「只求生存」

本身朋友介紹這間， send埋open rice的網頁黎，我見到甘多負評，都擔心伏，就把著試伏的心情，4個人點了個2人套餐，2人餐有碟青瓜，2碗飯，小食炸餃子，唔記得什麼湯底的豆花魚，好像是酸香？有少少辣，加左寬粉同墨汁墨魚丸，甜品有冰粉，和加多寶，另外我們叫了二個小食，，磁粑和涼拌菇。食完後，比想像中驚喜，因為那個酸香豆花魚酸酸辣辣，開胃又好味，比想像中多料，小食都正常，二碗飯4人食都夠飽，磁粑熱熱的，點上紅糖食，口感好又不會太甜，最後冰粉有加椰果，都幾好味。4人食完，埋單仲有88折，因為星期一，除番每人先90幾，我食過甘多酸菜魚，最平呢d，味道又好，真感謝朋友介紹

超油膩，金湯= 雞粉湯，雞肉鞋過湯渣，招牌酸香豆花魚係油到不能入口。☹️份量倘算大份，一個人也吃不完，可能是因為太難食太油的關係，吃小一半就吃不下，如果單純係填飽個肚完全無要求既，可以一試

豆花魚勁咸，但無魚味，一咬落去除左咸味，食唔到有其他味道。。。個湯貌似好紅好辣，但同樣都係無香味無咩味道可言，中伏一次夠哂只係個小食青瓜先食到真正個青瓜味，其他都唔知自己食緊咩野

叫咗個金湯肥牛鍋，點知湯無味，肥牛一塌糊塗。d肥牛勁多肥膏，無肉。牛根本無牛味！芽菜又生，其他蔬菜又唔係太熟，湯又唔熱，超無誠意，完全唔合格！即刻唔想食無下次！

我地係tea時間去，人唔多，帶住🐶，佢有outdoor位既，但當時落緊雨，佢俾我地坐入面卡位，d位幾闊落幾舒服。食米線既舖頭，除左米線，小食，仲有d鍋。米線係揀肥牛或午餐肉，可以再另加餸，但選擇唔多，都係d大路野，丸呀嗰d. 湯底因為唔想食辣，就叫左金湯，其實都唔知金湯係咩黎，但味道ok既。 米線黎既時候原來除左肥牛/午餐肉，仲跟左幾塊魚片(menu完全冇提)，我唔鍾意食魚既，我覺得個質感ok既，幾滑但腥。 另外仲叫左個炸四寶丸，出奇地幾好食，有牛丸，貢丸，魚蛋，同包心丸。 熱辣辣，外脆內軟，不過就幾貴。服務：d阿姐幾好人，成日都主動refill茶，收野。泊車：原本其實諗住去食另一間，所以泊左喺億京廣場二期，$23/hr, 行過去好近，5分鐘左右。 D2 place好似平d, 但長期都full, 印象中d2 place同億京中間d大廈都有d車場，價錢差不多。

行過見到$168 有二人豆花魚大大盆 好似好抵咁師奶仔亂入左二人餐揀左金湯 米線送前菜 但係冇得揀 得一款青瓜偏食的我很失望.黎到頭嗰一兩舊魚都還可以但魚片好薄 好鞋 冇咩魚味心諗$168唔好expect咁多.食到米線就中伏 個湯超級油膩好似油浸米線咁就算大兜都食唔晒其餘荀片金落豆皮都偏油唯一開心係有加多寶飲 好耐冇飲坐坐下發現佢同隔離廚十三係同一集團冇食過廚十三但廚十三都叫連鎖點解質素會差咁遠☹️味道：服務：環境：回頭率：性價比：