一橋拉麵 (T Town South)

营业中

休息中

近日一橋拉麵係天水圍開左分店，成日經過都好多人排，今次終於可以去試下。環境都有日本既氣氛，店員都十分有禮。 海老濃湯叉燒拉麵黎都就已經聞到好香海老既味，個湯飲落都好濃，海老味出，拉麵麵底係幼拉麵，軟硬度適中，掛埋湯底好好味。叉燒肉質嫩，軟綿份量都唔少。溏心蛋浸埋個湯一流。呢款都推薦一試。中華燒賣Combo呢個係包含左3款燒賣，岩哂選擇困難，入面有海老豚肉燒賣，麻辣豚肉燒賣同醬油糯米豚肉燒賣，燒賣食落係有咬口，新鮮肉既感覺，麻辣少少辣都岩食開小辣既人，糯米燒賣款式特別，醬油味香，食落軟糯。 沖繩風辣肉醬豚骨湯拉湯底濃香，面既質地剛好適中，肉醬辣辣地好有沖繩風味，辣辣地幾香口火，叉燒一樣肉質夠嫩。香滑牛頰肉(80g)肉質軟腍多汁，牛味夠，都做得好入味，可以一試。

排了近45分鐘先可以入到店舖，店舖環境一般，好細間，由於係開放式店舖，近門口位置的坐位，隔離係一堆人排隊，食飯好有壓力😅。今次點了個2人餐：1️⃣招牌豚骨叉燒拉麵🙅‍♀️湯底好淡，似湯精開水湯底（出前湯粉仲好味🤣）麵質認真麻麻，似天使麵本人覺得太淋叉燒2片，無乜味道有啲鞋鞋地仲要無蛋既😪2️⃣一橋油麵（大盛）👌加錢轉大盛多左2塊叉燒，依個撈麵反而有味道，因可以自己加醬料😅，有隻糖心蛋。3️⃣豬軟骨👍套餐內包有既小食，只2舊細細舊，不過夠入味同入口即溶感覺比較好食的4️⃣中華燒賣 combo 無咩特別因套餐內有，可以試晒幾款所以一試5️⃣2罐無糖可樂以上平日午餐連服務費一共：163總括：食物份量偏細，本人食量較少的人都是6-7成飽。及食物質素一般，以依個食物質素價錢略貴。點餐方便，qr 落單，可電子支付。座位較迫空間細，用餐時不感舒適

屋企樓下新開左「一橋拉麵」，見到勁多人排隊我又試埋一份，果然無令我失望😍而家主推拌麵，玩下新花樣唔係次次都係食拉麵咁悶。而家仲做緊$138二人餐包小食野飲，都幾抵。今次我叫左個日本咖喱免治牛肉油麵，都係冇湯既拌麵。咖喱醬濃稠度岩岩好，甜香日式風味咖哩夠杰身，滲滿晒每條粗身油麵，免治牛肉碎混合洋蔥粒增添口感，食落唔辣咸甜適中。大盛份量勁多，食完真係勁飽。一橋油麵同樣出色，建議我地再加香油同果醋，果然撈埋一齊啲香味出晒黎，食到停唔到口😆海老豚肉燒賣有驚喜！🤩中日合壁幾得意，咬開係實淨豚肉餡，鮮味突出無雪藏味。胡麻櫻花蝦秋葵凍食清爽，麻醬香襯托櫻花蝦鹹鮮，平衡返咖喱濃膩感。 飲品揀左熱玄米茶，米香樸實，解膩一流富士山柚子汽水平時好少見，飲落酸甜清爽，打開勁多汽，夏日炎炎勁正！😉

超人氣麵店終於殺到天水圍啦！呢間店以「拉麵平民化」為宗旨，最平$49.9就可以食到有質素保證嘅豚骨湯拉麵，真係抵到冇朋友！唔怪得大排長龍啦！推介必試佢哋嘅「海老濃湯叉燒拉麵」，師傅用大量新鮮海蝦，細心拆成蝦頸同蝦身，再加埋洋葱、香葉等香料爆炒出味，難怪個湯底鮮到掉眉毛！仲有佢哋用日本麵粉整嘅拉麵，每一條都勁掛湯，吸晒晒湯汁精華，食落口超满足🤤除咗拉麵，小食都好有驚喜！「胡麻醬秋葵」清爽開胃，胡麻醬香濃又唔膩。仲有「中華燒賣Combo」先至$19，一次過可以試晒三款口味：海老豚肉燒賣鮮甜彈牙，麻辣豚肉燒賣帶住微微辣勁夠惹味，醬油糯米豚肉燒賣則充滿米香，款款都有特色，配拉麵食簡直絕配！天水圍嘅朋友仔唔使再周圍走啦，呢間高性價比麵店，實在值得約埋朋友一齊去打卡試味！

T Town 好耐都冇新餐廳最近開咗間平價拉麵店，主打¥1000食到嘅拉麵搵日平日夜晚去咗試鋪位唔大，開放式設計，平日夜晚嚟講都算幾多人排隊，不過翻枱都快嘅餐牌一睇係有驚喜嘅，最平竟然$39.9就有一碗拉麵叫咗個二人餐有齊拉麵、小食、燒賣同飲品，咩都可以試吓沖繩風辣肉醬拉麵湯底屬重口惹味type, 麵體偏幼身一橋辛辣油麵（大盛）粗麵更掛汁，大盛有埋溫泉蛋同叉燒，辣味十足，怕辣嘅人要留意和風豬軟骨燒賣Combo有齊海老、糯米同麻辣，最驚喜嘅係麻辣味，食得辣嘅可以單點麻辣味仲包埋2支波子汽水兩個人食到攬住個肚走，加埋一都係$190，性價比嚟講真係超高，有時平日唔想煮飯都多個選擇

今日行街shopping望見.門外排長龍🤔、原來開咗一間新日式拉麵店舖、這間《一橋拉麵》位於天水圍 T Town、整間店面好有日式風格木系裝置、望到入去爆哂座無虛席😯 、 同時餐牌又有抵食二人優惠套餐及特式小食☺️ 自選二人餐 $138呢一款二人餐叫左呢個套餐有兩款拉麵、燒賣、小食同兩個飲品、麵底仲可以+$10轉大盛，大食嘅就唔怕唔夠食啦！招牌豚肉叉燒拉麵呢一碗豚肉叉燒拉麵係招牌之一、送到上枱望見都唔錯🤔、整碗賣相色香味都有😚、叉燒肉質腍嫩啖啖口感沾吓湯汁食更加正😋、拉麵軟硬適中又有咬口、尤其是佢嘅湯底味道香湯惹味都幾好！沖繩風辣肉醬油麵呢個係拌麵辣肉醬油麵好有沖繩風味😙、整個肉醬拉麵賣相吸引、色澤綠悠悠睇得又食得🤤、喺這個悶熱天氣食番碗夠晒刺激😜、食到入口香辣滑好食又惹味、每一啖入口慢慢漸辣嘅口感增添食慾🤭、加添酸醋汁令到味道冇咁辣、別一般嘅味道特別又好食😋、大大塊豚肉啖啖軟腍又美味口感夠哂滿足！麻辣豚肉燒賣呢一款麻辣豚肉一份有3粒、燒賣相睇得吓🤤仲有自家製、每粒燒賣上面麻辣醬、整粒燒賣用咗豚肉而製味道美味又好食😋、食到入口比起一般好食好多！和風豬軟骨呢一份和風豬軟骨望見都幾好🤤整

要求登記送燒賣 但張單要收加一發現左同職員講 個經理同我講係收架啦個態度好有問題 之後我同佢講唔該標明清楚 唔係送係要收費 我唔係為你個兩蚊問題 而你態度有問題 唔該 咁大間集團唔該培訓一下