影片
以上资料只供参考，请与餐厅确认详情
铃猫一乐也，您好吗？之前点解无见过您既？您钓晒鱼好眼训㖞，琴晚去左边度蒲呀？ 几十年首次到访，要您等咁耐真系唔好意思喇 ﹗以前都有食过朋友买既外卖，只系未有亲自出巡啫。一乐价位都几高架㖞，卖价几贵下，贵过红磡成倍，但质素不相伯仲啰。鸡髀鹅髀鸭髀，都话唔系脾咯，脾系内脏从玉字部，髀系从骨字部呀 ﹗土生土长既香港人要悍衞香港文化、广东话、繁体字 ﹗离晒谱架，居然有我最爱的羊腩煲供应 ﹗不过真系要冷静一点，唔想太饱呢，都系食个烧味饭算喇。实在太多选择，太多佳肴，烧味都还未试完，还有大量煲仔菜、小菜、蒸𩠌，全部都系我既致爱，睇黎要帮衬多几十次先得喇 ﹗最爱蒸水蛋，其他蒸肉都系我至爱。行快几秒搞到要左到右上的死角孤独位对住鱼缸，行慢几秒就刚刚有食客离开呢。台面放满杂物，台底又放满货，连脚都不能伸直，唯有离开张台而坐，孭住大大个背包又无位放住，除左要离开张台坐仲要揽住个大背包食野真系非常十分唔开心啰 ﹗行慢几秒后面就有台埋单走喇，益左跟住我后面入黎位阿叔坐左。青红萝卜汤，特浓肉味的青红萝卜汤，一向烧味店出品既例汤无得输，大量下栏骨肉可以肴汤底呢。加入鸡脚、烧肉、烧猪骨，超级非常十分甜美可口，厚厚的汤汁又黏黏的，滚热辣慢慢叹，好感动呀 ﹗双髀饭免斩，双髀流奥义，双髀拍门，杀呀！烧髀髀免斩就食得多，鸡髀都系第一次，师傅最开心啦，可以悭返两钱力水。毫不客气，一手拿切鸡髀起就咬 ﹗好有份量好重秤㖞，结实娇嫩的白滑鸡肉，高质依旧皮香肉嫩，实净得黎又唔硬掘掘，弹弹的嚼劲十足。清爽鸡甜味道够芳香，弹弹爽爽滑滑不肥腻薄薄鸡皮，加埋啫喱状肥膏激射，甘甜无比。其实系胶原蛋白黎架，非常补身，梗系要一滴不漏吞晒落肚。烧鹅巨髀一只手都拿唔晒 ﹗脆皮烧鹅可遇不可求，擘大口狠狠地一咬一扯，嘞一声撕开 ﹗肉汁油脂齐齐飞射，半肥瘦不油腻，鹅油甘香，腌味清爽，肉质幼嫩细密，舔舔嘴 ﹗要不停咬不停咬，一啖肉一啖葱油饭，再一啖鸡髀一啖鹅髀，互相交替，实在太奢侈太过份喇 ﹗莲藕猪骨汤，每一次例汤都滚热辣出晒烟送上，汤汁香浓甜美，肉味霸道非凡，好味到想添饮呢 ﹗蚝油芥兰，Menu 显示 $30 蚊碟烚菜㖞，非常期待有几好食。终于都见到真身喇，大大碌芥兰脆卜卜有点渣，仲要有皮咁款，草青味强烈，茎部少少菜甜味，菜叶就鞋烚烚厚叠叠又带涩，滚上蚝油会好味一点。熏蹄切鸡髀油鸡髀饭，刚刚油鸡髀卖剩半只，婶婶话可否用切鸡代替呢？无问题啦。下半桶子油鸡髀，何解晒皮既？只剩下少少㖞。玫瑰豉油清爽香甜亦不泛鲜鸡味道，鸡肉结实有嚼劲，半肥瘦特别吸引，薄薄略脆的鸡皮十分过瘾，看得见的肉汁，贵得有您的道理。冰凉熏蹄米芝连级数，入口即惊喜万分，还非常有 heart 地自调甜醋。坊间大多食肆都已转用外购独立包装的甜醋，单调无味十分刚倒出黎的白醋。米芝连肉质弹弹咸香宜人出众，滚上酸甜蒜辛味白醋好食到打冷震。让她娇嫩的身驱躺在葱油豉油饭上，跣入嘴里去，塞得满满慢慢细味，所有味道与汁液混合升华，无得顶呀 ﹗葱油切得太大粒喇，太多使到有点反胃。我都系近四五年先食到葱，对我来说草青味始终太强烈。老黄瓜烧猪骨汤，无得输的烧味店汤水，极浓烧猪肉味，汤质厚厚黏黏，味道非凡出众，饮极都唔够喉呀 ﹗烧肉油鸡髀饭，芥辣配烧肉十分大路，丹桂轩用芥辣配片皮鸭惊喜的美味呢 ﹗烧肉应真麻麻地，低于水准，坊间有一大堆食店都更好食。好似斩埋头头尾尾比我一样，盐味太重又劲多骨，肉质鞋硬，再加上不脆又韧的烧猪皮，真系要出多两分力去赵先得喇，味道平平无奇，试一次便够。烧猪骨冬瓜汤，就连冬瓜汤都可以煲到如此夸张的浓稠，厚厚黏黏又带胶的汤味，好好饮。冬瓜肉都充满肉香，好食到停唔到口，太美味喇 ﹗咸蛋烧腩仔切鸡髀饭，早前烧肉令我非常失望，本打算比多次机会烧肉，谁知竟然卖晒，真系天意。仲谂住比您上诉添，无紧要，有缘我会再比多次机会您既。烧腩仔超得㖞，跟烧肉相比真的天堂地狱。卜卜脆的猪皮，焦香可口，一咬爆开嘞嘞声。肉质松软棉棉，每口都射出肉汁跟咸香混和，赵得津津有美，搭上白饭更是天衣无缝。咸蛋太过削，质量强差人意，没有半点黄油又干争争硬掘掘，既然叫左都照捞啦，阴功猪咯。叉烧鹅胸饭，想食乳猪但卖晒，唯有转返食烧鹅啦。食得髀多，间中食下胸都好，话晒一样啖啖肉。师傅我真系估您唔到，竟然比鹅胸较后位置，骨杉杉，骨多肉少，干干鞋鞋唔好食啰 ﹗已经坐得唔舒服唔开心，仲要无乳猪食，再黎比鹅胸仲要系近尾近背脊位，点解这样对我？坚系嬲嬲猪呀 ﹗叉烧中高档质素，半肥瘦猪肉味浓厚，淡淡甜味，但未见焦香，满意几好食既。西洋菜汤，汤汁浓郁甜美，滚热辣下咽大满足。肉味非凡，菜甜味出众，拍手叫好，果然系西洋菜汤。烧鹅上庄，索价 $110 大元，价位有点高呢，系咪物有所值架？胸肉软软棉棉，未算嫩滑，肉质未算细致，香料味道清香突出，赞既系不太肥，没有过份的肥膏，厚厚的鹅皮一咬喷油，免强吞下。滚上大量酸梅酱点缀，酸酸甜甜减低油腻感，开胃多了 ﹗配埋香喷喷白饭，淋上鹅汁，食得更滋味，一粒饭都无剩。鹅髀汤河走葱，完全跟河粉唔夹呀，好可怕 ﹗鹅汁清汤浸著实净河粉，味道硬系怪怪的又有少少膻味，都几难入口，冲冲倒晒落肚算吧 ﹗
继续阅读
情人节专程去食碟情人鹅饭，点知饭底过度发水变烂饭，烧饿皮薄过米纸没有烧鹅应有的厚度与脆口感，应该话feel唔到鹅皮的存在感，鹅肉松松的没有烟靱口感，似鸭多过似鹅（虽然佢show哂出嚟照计唔会假），份量除了两小件疑似前脚小腿外，另外成排鹅翻开后发现只有超薄皮夹肥膏同骨宝全无肉，想揾waiter问下，但等左好耐佢地都好忙唔得闲招呼，最后食左碟无𩠌饭就走---出街食碟头烧鹅未试过有好结果，失望。题外话，见到舖头成车烧鹅无遮无掩放在通道好耐，忽发奇想如果有个客入嚟唔觉意对住车鹅打个乞chee, 唔知佢会点处理呢？
继续阅读
去大埔觅食，本来想排陈汉记，但见到条龙😰即系转战去一乐食双脾饭（鸡脾鹅脾）-个卖相好靓，个鸡好滑有水准，反而招牌烧鹅麻麻地，太多肥膏，好失望，下次剩要个鸡脾或者再去排陈汉记🤣💰：$120
继续阅读
为何一乐这个名字有点熟悉 却是陌生？ 入去望望，唔通系因为佢啲龙吐珠？ 定系 loop 住系咁播嘅 Anthony Bourdain 陈年到访片段？ 非也，忽然想起熟悉的一乐两字，系因为 火影忍者 😂😂😂 Anyway~ 其实吸引饥诗入去嘅系下午茶 $45 烧鹅濑 😍 鹅濑五分钟内到， 皮脆肉质弹牙， 配上酸梅酱 吊起食欲， 鹅油香气四溢 渗到濑粉， 濑粉水准不是很特出，但非常满足啊~ 😘😘😘又到咗 望隔离位嘅时候，人哋系-> 烧鹅髀！ Omg 😆😆 果然是隔离饭香 😁饥Point : 8/10#hungermarch #饥诗 #非饥诗
继续阅读
突然想试一试这间的烧鹅，听闻好出名的。反正晚餐有点想食烧味饭，于是决定买了个烧鹅脾烧腩饭外卖。真系未食过唔知价⋯原来一个双拼饭要$106，可能选择了贵价烧味吧，转脾，加$20。好贵，不过即管试试值唔值！打开饭盒，烧腩有4-5旧，鹅脾都唔似系一只既，已经有点失望，饭的份量算多的。唔紧要，最紧要系味道，点知，烧腩有点梅，好似唔太新鲜，唔知系咪外卖，俾d差d既料呢至于烧鹅，其实都唔错的，只是份量唔似一只脾的份量，整体来说，以$126食这个饭完全唔值，如果想食烧鹅，或者下次下午茶时间食比较经济吧这次没有影相，因为无想过烧味饭也会写食评，但系我觉得快餐店或者比他好，所以要发泄一下吧！
继续阅读