一樂烏冬 (已結業)

香港真係唔係好多專門食烏冬既店，對於我呢種勁鍾意食烏冬嘅人，每次都要去日本旅行先食到好食嘅手打烏冬。好彩朋友介紹左呢間有誠意既嘅烏冬小店，就唔使次次都要飛日本先食到啦。店入面裝修簡簡單單，但又不失日本風味。一開始梗係叫個日式蟹子沙律先啦，面頭好多蟹子，食落好fresh好開胃，非常適合夏天食。之後梗係要食招牌嘅烏冬啦，呢個醬燒肥牛烏冬又抵食又好味。佢個湯底飲落唔會太咸，但又好夠味，唔係出面果d味精湯。個烏冬夠彈牙同有咬口，唔會咬落太硬或者太粉咁。湯底襯埋個烏冬，真係比得上喺日本食嘅咁呀。我仲叫咗啲小食，呢個餃子一上枱已經聞到香味啦。食落好明顯係啱啱整好，個皮好脆而入面又夠熱。呢個餃子都十分推介呀。估唔到呢度除咗烏冬有誠意之外，其他小食都咁好味。我會不停推介呢間店比其他鍾意食烏冬嘅朋友，就算唔係特別鍾意食烏冬，都一定唔會失望㗎。

我不嬲都好鍾意食烏冬，不過香港比較少有誠意嘅烏冬店，冇理由下下都要飛去日本食架。不過今日竟然喺長沙灣，發現咗一間好吸引嘅小店，一於今日去試吓啦。呢間店嘅烏冬係全部人手製造嘅，人手製作比機製口感會更加好。鍾意食烏冬嘅人一定分得出。咁我就叫咗個辣嘅肥牛烏冬， 食落雖然唔係太辣，不過湯底就好香，而且個肥牛都夠晒牛味。另外我哋仲叫咗個炸雞，炸雞揸得好脆，外脆嫩，火候控制得啱啱好。呢個芝麻雞翼都好好味，食落夠脆又夠味，點埋沙律醬味道啱啱好。呢個炸餃子唔會太油，而且個皮唔會夠哂薄，非常出色，連本身唔鍾意食餃子嘅我都食咗幾隻。呢間小店雖然細細間，但真係好有誠意，好有心機去製作，下次都會再特登嚟過食烏冬既。

為人熟悉既烏冬店多數主打極濃既湯底，不過我對呢類型既湯底感覺不太好，一黎食完面會有好肥膩既感覺，二黎濃到有點過份，不過朋友介紹左一間你長沙灣叫一樂既烏冬店，食完有一番新體會。一開始就叫左個日式蟹子沙律，青瓜味道清甜唔會苦，蟹子份量極多撈好左放口食不停有卜卜既口感 恰到好處。就後叫左個小食芥末八爪魚，芥末食落唔會好似平日食芥末果種攻鼻既辛辣，反而有種清爽既香氣，同八爪魚既口感好夾。八爪魚表面烤到焦糖色，食落感覺唔會油淋淋，每粒size細細粒之餘中間八爪魚大大粒，別緻得後又不失口感。之後就到主菜湖麻醬汁冷烏冬，冷烏冬上到面前既時間凍冰冰，有唔同既素食材料配合麻醬汁食落清新既感覺立即一洗你身心既疲憊，清爽既口感同麻醬汁出奇咁夾冇得頂，令你好想一淡接一淡食，唔會停到落黎架！我諗開到成行成市既濃湯烏冬大家都已經食左一段好長時間，不如轉下口味試下清新 清爽既新口感一樂烏冬啦。

成日巴士站上落車都會見到有間烏冬店，鋪面好細，推門一入去見到得十幾個位，夜晚好多時都會滿座，難得有一日下午茶時間經過，唔使等位即刻坐低。座位唔多，但感覺就好似去咗新宿橫町食烏冬嘅細舖頭仔一樣，感覺親切。一坐低首先叫咗烏冬同埋小食，先來鹽燒日本豬腩肉$18。好似波板糖咁，圓轆轆好可愛。腩肉燒到香脆而不乾，肥瘦味道恰到好處。汁燒鰻魚串 $18，份量挺多，肉質鬆軟但有咬口，我鐘意。至於主角就係烏冬啦！我揀咗一樂雜錦海鮮盛 $88 ，辛湯底。見到湯底顏色已經覺得味道好刺激。烏冬配料好多，有天使蝦、北海道帆立貝、日本魷魚圈、松葉蟹膏蟹棒~真係豐富到不得了。味道鮮甜，全部屬於高質素。手打薄身烏冬煮得軟硬適中，口感煙韌有彈性。湯底如血池地獄亦很濃郁，我成碗湯飲晒。最後見到甜品太吸引，決定食埋一樂自家製沖繩黑糖蕨餅 $25，玻璃樽仔吸引 ，好有日本和果子既感覺，沖繩黑糖味道甜美，蕨餅 煙煙韌韌。雖然地方細啲但食得好開心

相約朋友係星期六下晝尼到長沙灣，之前已經食過一次呢間烏冬小店，一直念念不忘。既然朋友都同我一樣，鍾意烏冬多過拉麵，咁我就帶佢尼呢度啦。店面不大座位唔多，但係食物選擇就非常之多。單單係烏冬既湯底已經有7款之多，可以話係全港烏冬店之冠!烏冬餸都覆蓋左豬牛雞海鮮，連素都有，岩返唔同人胃口。除左烏冬之外，仲有沙律、炸物、串燒、甜品等等，可以話麻雀雖小，五臟俱全!!午市免費既沙律，青瓜絲、蟹棒、粟米加埋蟹籽，味道清新唔膩。我揀既黑蒜油墨魚汁豚骨濃湯底既黑毛豚肉烏冬，好惹味!份量比較多，細食女士有可能食唔晒呀。七味雞翼。豚骨濃湯烏冬雞翼好入味，肉嫩滑唔鞋，炸皮唔會好油好厚，恰到好處。另外叫左兩串牛吞串燒，呢個真係不得了!我地係冇expect 烏冬店既串燒，尤其是牛舌呢D相對上難處理既食材，但係! 呢個牛舌薄切、咬落去好爽、調味拿捏得岩岩好、唔油膩，個人覺得唔洗加檸檬汁已經好好好好食!同係日本居酒屋既質素別無兩樣! 係超級有驚喜。之後朋友想食D甜野，師傅就推介左沖繩黑糖蕨餅。蕨餅沾滿黃豆粉，咬落有陣陣黑糖味，我地都好鍾意。

今天放假同朋友行李鄭屋漢墓博物館，行完出來搵食，一行過來馬路邊就見到佢，門口有塊藍布上面寫住大大隻字烏冬，個人都十分喜歡吃烏冬，就係咁入了去，餐廳內裡座位較少，但勝在餐牌都有好多選擇，而且不用加一，價錢都合理，嘅然被烏冬吸引就一定要點個烏冬先啦！湯底有七種口味，我就比較喜歡濃郁嘅味道，所以就點了個黑蒜油墨魚汁豚骨濃湯湯底，而個烏冬就配日式醬燒肥牛$78，另外加多個燒物，汁燒金菇肥牛卷$22一串同埋日式炸雞$25，雖然係呢個價錢，但質素一啲都唔差！上菜時師傅有啲原則，小吃先上，所以最快見到就係串汁燒金菇肥牛卷，一串兩件，燒得好芳香撲鼻，而入口時肥美多汁，而且金菇超級爽口，正！日式炸雞，一碟四件，炸得十分香脆可口，上面還有沙律醬在上面，超級香脆可口！咬開時嚿雞裡面仍然充滿肉汁，而且十分嫩滑，唔錯嘅小吃！轉個頭碗日式醬燒肥牛上枱，見到啲肥牛差不多放滿了半過湯碗，而重有大量嘅配菜一齊，大大碗，而個黑蒜油墨魚汁豚骨濃湯湯底，真係夠晒味道，入口已被香濃嘅黑蒜油味道吸引，再加埋個豚骨濃湯底就真係感覺超正！而啲烏冬亦好煙韌好有口感！最後見到人地叫了個甜品，北海道3.6牛乳杏仁奶凍，入口奶味及杏仁味夠晒

一得閒就會周圍去食嘢，至於食乜對我來講真係冇乜所謂，最緊要係好食就得價錢都係其次，食到有質素已經值回票價，是日路過此地又未食晏就已有D肚餓，見到有間專食日本手打烏冬唔駛諗就入咗去幫襯，餐牌除左主打食烏冬仲有其他食物提供，有炸物，沙律，一品料理，燒物，茶碗蒸同埋仲有串燒又真係有幾多選擇我當然先點番碗招牌手打烏冬要咗沖繩豚．腩肉煮，至於湯底都有七款口味配搭夠晒細心，要咗(白）日本豚骨濃湯，唔少得點番D日式小食品嚐一下，先來有燒物燒味淋魚乾（魚勝），呢款燒物逢見到有得食一定必點，因為燒得好入味而且又夠乾身，食落啖啖嘅鮮甜味正，最啱整番返杯酒飲就一流到另一款係串燒汁燒珍寶帆立貝，又估唔到帆立貝幾大隻真係一啖都食唔晒佢，入口食到醬汁嘅香甜，而肉質豐厚又鮮嫩食落口感十足食完一輪美食又到手打鳥冬出場，放上枱面已聞到豚骨嘅味道趁熱辣辣飲啖湯，唔知味道又如何，入口湯底香滑又濃郁，再來食件腩肉，腩肉肉質半肥瘦夠軟滑啖啖肉咁食就完美，輪到手打烏冬入口爽滑食到𠽌𠽌聲就知道真材實料，記得連埋湯一齊食咁先最滋味又咁快品嚐一餐豐富午餐。

夏日炎炎，最適合夏水禮~去泳池游個靚水🏊🏻‍♂️🏊🏻‍♂️~游完之後梗係要搵個地方醫下肚仔啦🤤🤤同朋友仔一路行，發現到依間神神祕祕既舖頭仔食烏冬🍲雖然舖仔細細，個5臟俱全，唔只烏冬，串燒，小食，甜品，應有盡有，實在睇得小妹花多眼亂😍講到主角梗係烏冬啦~有7款湯底可以任君選擇，哈哈，我地真係天作之合，朋友仔叫左饅魚烏冬配豬骨湯，而我就叫左豚肉烏冬配魚湯，實行黎個大兜亂🐟🐷😂😂首先講下個饅魚，入口即融，雖然饅魚汁略為偏咸，但正合重口味既我地，真係食到唔停得口，當然我梗係忍唔住要默默偷食偷食啦😆，至於個豬骨湯底亦很濃郁，好飲到我朋友仔成碗湯都要飲晒😂到我嗰碗，豚肉鬆軟，但又有啲咬口，係我鐘意既質感，而且份量都挺多，食極都仲有咁，魚湯雖略為清淡，但也很有魚味，加上店內無限供應既脆脆做調味，很有口感😋👍🏻介紹完主角，係時候介紹下啲小食🍢🥟先黎炸餃子，餃子皮炸到「18歲，卜卜脆」咁款，未食已經流晒口水，食完有滿滿既幸福感覺❤️再黎個蟹肉玉子，玉子質地比想像中堅挺，所以好有口感，感覺似食硬豆腐，再加上蟹子蟹肉同青瓜，多重口感，讚👍🏻之後再黎金菰肥牛串，肥肉牛果濃郁，金菰吸晒啲牛味，好正呀😋最後，作為一個稱

朋友話屋企附近開左間唔錯既烏冬，呢日過開佢屋企玩就順便試下。入到去舖頭地方唔算大，只係得四五張枱，用餐環境略為狹窄左少少，但室內佈置好有置身於日本既感覺。我地去到既時間係兩點鐘，有午市套餐選擇，$46-$50包沙律同餐飲。我嗌左日式醬燒肥牛烏冬，揀左地獄湯底。烏冬係用上稻庭烏冬，食落同平時出面既烏冬唔同，更加柔滑順口，配菜亦相當豐富，有海帶芽、紫菜、魚板。汁煮牛肉入口帶濃厚既醬油香同味醂味，湯底偏向單薄，如果再濃厚啲就更好。小食類有驚喜，厚燒玉子厚而鬆化，而且帶淡淡既甜味。炸一口芝士就咁食偏膩，但係沾上藍苺醬之後大大減輕左肥膩既感覺，兩者好夾。燒安格斯一口牛肉味濃郁，但係燒既時間個人認為可以短返啲，保留更豐富既肉汁。鰻魚串醬汁落得好重手，好香口，而且軟熟冇骨。蕨餅口感煙韌帶嚼勁，黃豆粉稍為多左d，但都難掩黑糖既香氣。以同類日本野黎講價錢平得黎食物質素唔錯，朋友果然無介紹錯，有機會會揀晚市再黎試下👍🏻

身邊朋友成日都話要支持小店，今日就黎到呢家食烏冬既小店支持下。一入到去都嚇左嚇，真係只有十個位左右，比較的骰，不過其實間鋪頭大細並唔重要，最緊要係啲嘢好食！一坐低, 已經見佢將個menu放左係枱面，原本當墊枱紙用，過埋膠夠環保！你樽卜卜平時食冷烏冬嘅時候用但係食湯烏冬嘅時候我又未試過加，到底正宗食法係點架呢？今次叫咗一個金湯烏冬配黑毛豚肉。金湯其實即係喇沙湯，用喇沙湯底食烏冬都係第一次見。平時食喇沙有時會驚佢好辣，食到成身標晒汗，對於我呢啲唔食得辣嘅人真係又愛又恨。好在佢呢個湯底唔算啦而且非常香濃有啲似新加坡一個品牌嘅喇沙味道。烏冬個質地彈牙，而且唔會一pat pat,係用比較高級既貨，既然間鋪頭主打烏冬就梗係用返啲好嘅嘢啦！豚肉片唔太有驚喜，不過分量唔少，足夠配成碗烏冬食到尾。另外個烏冬都有其他配料例如紫菜同埋木耳絲，仲有一舊好清甜嘅蘿蔔非常唔錯！另外叫左個燒牛舌，本身以為一串串咁燒好上，點知佢已經一塊塊放好係碟方便夾黎食。牛舌唔算十分彈牙，但個味道搭夠，燒得好香同埋調味適中唔會做到太咸。而且分量足有六塊，性價比算係幾高。見個肚仲有空間就多嗌一份八爪魚球。唔知點解餐牌上寫嘅係球而唔係

因為朋友住喺呢頭，所以揀左呢間就近佢既日式餐廳食野，一入順寧道就見到呢間門面充滿日式風格既小店，大大張寫住＂烏冬＂同＂燒烤＂既旗幟擺放喺門口兩邊非常吸睛。店面唔算太大，只有廖廖幾張枱，如果滿座時間會坐得有啲擠逼，我地去既時候係兩點半鐘，過左lunch hour既關係人唔算好多。除左包餐飲同沙律既午餐之外，仲有唔少散嗌既小食，包括沙律、炸物、一品料理、串燒等，價錢亦好合理，每份都係二十至三十零蚊不等。沙律跟餐送既，主要材料係青瓜絲、蟹柳同蟹籽，清新開胃。沖繩煮豬軟骨烏冬配鰹魚湯底湯底鮮美清甜，入口滑順，配料豐富，除常見既紫菜、木耳、昆布外，仲有蘿蔔、嗚門卷，烏冬彈牙，食得出係出面舖頭賣需要冷藏、品質佳果隻。豬軟骨份量頗多，軟骨位雖然不至於入口即溶，但軟嫩多汁，非常入味。日式醬燒肥牛烏冬配血池地獄湯湯底顏色好紅，但味道無想像中"地獄"，唔算太辣。肥牛口感唔會太肥膩，煮得唔韌，但連湯上感覺味道有啲沖淡左。一樂厚燒玉子口感濕潤綿密，味道剛好唔會太甜膩，如果製作過程加埋高湯會更味美炸一口芝士配藍莓醬幾特別既一款，本來以為搭配會有啲怪，但酸酸甜甜既藍莓醬中和左炸芝士既鹹膩，食落好夾完全唔覺得漏，值

一個人行完深水埗周圍睇吓有咩食又比我發現咗一間細細間嘅小店係專食烏冬嘅事關我係一個非常鍾意支持小店嘅人😂支持本土特色！一樂烏冬...七點左右可能時間尚早人流就唔太多！坐位數目大概只能容納10個客人左右！好快就選定了蒲燒鰻魚烏冬....湯底選擇都有好多款！我揀了一個傳統啲嘅日本黑蒜油👍🏻已＄88一個鰻魚烏冬來講價錢算係唔貴！鰻魚的魚邊燒到好香脆！鰻魚肉質軟細... 而且還熱騰騰的...燒汁濃郁甜香！另外黑蒜油湯底唔會好鹹！烏冬嘅配料都有好多食得出有菠菜紫菜木耳等等....就咁食一個淨烏冬其實都十分好味！另外還點了一個小食-紫薯甘栗薯餅熱辣辣脆卜卜！淡淡的紫薯和栗子甜味！同平時食開嘅薯仔做嘅薯餅有好大嘅分別！這個薯餅份外清新！其實兩樣野加埋我已經食得好飽！但係發現佢有甜品一款比較特別外邊比較少見嘅一款甜品！沖繩黑糖蕨餅！就咁睇個賣相已經覺得好吸引！ 打開裏邊就係一個好似麻薯的口感再配上很多黃豆粉！凍凍的！真的很不錯！食咗咁多野都係百幾蚊埋單都真係幾抵食！性價比很高！

小弟最愛就係食烏冬，所以成日四出搵好食既烏冬食。咁岩就係長沙灣附近見到呢一間專門食烏冬既餐廳。店舖雖小 但裝修幾靚 仲座無虛席佢有七種湯底我地選擇，真係花多眼亂呀。最後簡左鮮魚湯同喇沙濃湯日本產黑毛豚肉烏冬配新鮮湯底$88新鮮湯底聽店員講就係每日鮮製既魚濃湯，呈奶白色湯底，入口就有好濃郁的魚香味。黑毛豚肉加魚湯估唔到咁夾，豚肉重豚味 又唔會搶到魚湯既鮮鰻魚喇沙湯底 $88鰻魚甜甜地又好味，美中不足就係太少比新加坡 傳統嘅喇沙 多左啲奶味，唔太辣，但通常喇沙係襯米粉 呢次烏冬又幾夾 京葱雞肉串 $18叫左一串試下，點知好好食燒得岩岩好 雞無冷藏味 好有雞味！一樂厚燒玉子$25蛋比較黏，有食蛋糕的軟棉感覺。舖係上面嘅蟹子都好鮮甜總結，每日新鮮制既湯底唔係咁多間餐廳做得到。串燒更是驚喜之作完全冇諗過會咁好食，誠心推介大家！

又一個接男人收工的晚上，又一次準備沿路覓食，途經這間一樂烏冬 ，決定試試。餐廳的店面位置較小，座位不多，部分是高枱，可能會沒那麼舒服。鹽燒日本腩肉 $18賣相圓圓的很可愛，很像棒棒糖，腩肉燒到很香口微脆而不乾，調味恰到好處亦不會大油膩。鹽燒極品牛舌$22同樣燒得剛好，雖然調味重了少許，但本身牛味夠重，口感又爽彈有韌性，整體來說不錯。塩燒鯖花魚 $38沒有燒過火，夠香的同時魚肉保持嫩度，不會太乾太粗糙，亦沒有腥味。日本明太子手羽$36本身超喜歡明太子，這樣的組合完全是我杯茶。雞翼皮層香口肉質嫩滑，明太子肉餡很濃明太子味，味道微辛而不會過鹹。一樂清酒煮蜆 $58聞上去清酒味十足，酒香讓人著迷，蜆肉飽滿鮮甜，有淡淡酒香。沖繩豚.腩肉煮烏冬(每日鮮製鯛魚濃湯底) $78其實我是點沖繩豚.軟骨煮烏冬的，不過也不知是店員聽錯，還是我指的位置不好，故最後來了這個。但也沒要緊，吃了好過被棄掉。除了肥瘦剛好、香口肉嫩的腩肉，配料還有蔥花、赤板魚蛋、碎昆布、大根、木耳絲和什菌。鮮製鯛魚濃湯底魚味香濃，味道很鮮甜，口感不會太稠。還可以隨喜好自行加上這些天婦羅粒粒，真的很讓人高興。薄身的烏冬煮得軟硬適中，口感

行開長沙灣見呢間店幾有格調就入嚟試下。雖然店舖面積比較細，但入到去感覺都坐得舒服，而且唔會覺得大油煙味。餐牌好精美，而烏冬嘅配搭好多元化，可以自由搭擇主菜、湯底，而湯底好有特色。而呢度主打手打烏冬，我地當然要叫黎食下啦。先揀咗主菜沖繩豚·軟骨煮，然後選擇湯底「新鮮」，即係每日鮮製鯛魚濃湯。烏冬好大碗，煮得軟身得嚟唔會爛，好入湯底味。而個湯底魚味夠出，亦很濃郁。日式炸雞，炸得表皮好脆，炸粉唔會厚身，肉質肥厚，食落啖啖肉，再配合沙律醬無咁漏。松葉蟹膏茶碗蒸，蛋蒸得滑溜，唔會過熟，再配合蟹膏嘅香氣帶有咸香，再有松葉嘅草本味好清新，食過返唔到轉頭！最後就係沖繩黑糖蕨餅，蕨餅好軟熟，食到黑糖嘅清香味道，配埋灑面嘅黃豆粉，又係少甜，好清新。