影片
以上资料只供参考，请与餐厅确认详情
香港真系唔系好多专门食乌冬既店，对于我呢种劲钟意食乌冬嘅人，每次都要去日本旅行先食到好食嘅手打乌冬。好彩朋友介绍左呢间有诚意既嘅乌冬小店，就唔使次次都要飞日本先食到啦。店入面装修简简单单，但又不失日本风味。一开始梗系叫个日式蟹子沙律先啦，面头好多蟹子，食落好fresh好开胃，非常适合夏天食。之后梗系要食招牌嘅乌冬啦，呢个酱烧肥牛乌冬又抵食又好味。佢个汤底饮落唔会太咸，但又好够味，唔系出面果d味精汤。个乌冬够弹牙同有咬口，唔会咬落太硬或者太粉咁。汤底衬埋个乌冬，真系比得上喺日本食嘅咁呀。我仲叫咗啲小食，呢个饺子一上枱已经闻到香味啦。食落好明显系啱啱整好，个皮好脆而入面又够热。呢个饺子都十分推介呀。估唔到呢度除咗乌冬有诚意之外，其他小食都咁好味。我会不停推介呢间店比其他钟意食乌冬嘅朋友，就算唔系特别钟意食乌冬，都一定唔会失望㗎。
继续阅读
我不嬲都好钟意食乌冬，不过香港比较少有诚意嘅乌冬店，冇理由下下都要飞去日本食架。不过今日竟然喺长沙湾，发现咗一间好吸引嘅小店，一于今日去试吓啦。呢间店嘅乌冬系全部人手制造嘅，人手制作比机制口感会更加好。钟意食乌冬嘅人一定分得出。咁我就叫咗个辣嘅肥牛乌冬， 食落虽然唔系太辣，不过汤底就好香，而且个肥牛都够晒牛味。另外我哋仲叫咗个炸鸡，炸鸡揸得好脆，外脆嫩，火候控制得啱啱好。呢个芝麻鸡翼都好好味，食落够脆又够味，点埋沙律酱味道啱啱好。呢个炸饺子唔会太油，而且个皮唔会够哂薄，非常出色，连本身唔钟意食饺子嘅我都食咗几只。呢间小店虽然细细间，但真系好有诚意，好有心机去制作，下次都会再特登嚟过食乌冬既。
继续阅读
为人熟悉既乌冬店多数主打极浓既汤底，不过我对呢类型既汤底感觉不太好，一黎食完面会有好肥腻既感觉，二黎浓到有点过份，不过朋友介绍左一间你长沙湾叫一乐既乌冬店，食完有一番新体会。一开始就叫左个日式蟹子沙律，青瓜味道清甜唔会苦，蟹子份量极多捞好左放口食不停有卜卜既口感 恰到好处。就后叫左个小食芥末八爪鱼，芥末食落唔会好似平日食芥末果种攻鼻既辛辣，反而有种清爽既香气，同八爪鱼既口感好夹。八爪鱼表面烤到焦糖色，食落感觉唔会油淋淋，每粒size细细粒之余中间八爪鱼大大粒，别致得后又不失口感。之后就到主菜湖麻酱汁冷乌冬，冷乌冬上到面前既时间冻冰冰，有唔同既素食材料配合麻酱汁食落清新既感觉立即一洗你身心既疲惫，清爽既口感同麻酱汁出奇咁夹冇得顶，令你好想一淡接一淡食，唔会停到落黎架！我谂开到成行成市既浓汤乌冬大家都已经食左一段好长时间，不如转下口味试下清新 清爽既新口感一乐乌冬啦。
继续阅读
成日巴士站上落车都会见到有间乌冬店，铺面好细，推门一入去见到得十几个位，夜晚好多时都会满座，难得有一日下午茶时间经过，唔使等位即刻坐低。座位唔多，但感觉就好似去咗新宿横町食乌冬嘅细舖头仔一样，感觉亲切。一坐低首先叫咗乌冬同埋小食，先来盐烧日本猪腩肉$18。好似波板糖咁，圆辘辘好可爱。腩肉烧到香脆而不干，肥瘦味道恰到好处。汁烧鳗鱼串 $18，份量挺多，肉质松软但有咬口，我钟意。至于主角就系乌冬啦！我拣咗一乐杂锦海鲜盛 $88 ，辛汤底。见到汤底颜色已经觉得味道好刺激。乌冬配料好多，有天使虾、北海道帆立贝、日本鱿鱼圈、松叶蟹膏蟹棒~真系丰富到不得了。味道鲜甜，全部属于高质素。手打薄身乌冬煮得软硬适中，口感烟韧有弹性。汤底如血池地狱亦很浓郁，我成碗汤饮晒。最后见到甜品太吸引，决定食埋一乐自家制冲绳黑糖蕨饼 $25，玻璃樽仔吸引 ，好有日本和果子既感觉，冲绳黑糖味道甜美，蕨饼 烟烟韧韧。虽然地方细啲但食得好开心
继续阅读
相约朋友系星期六下昼尼到长沙湾，之前已经食过一次呢间乌冬小店，一直念念不忘。既然朋友都同我一样，钟意乌冬多过拉面，咁我就带佢尼呢度啦。店面不大座位唔多，但系食物选择就非常之多。单单系乌冬既汤底已经有7款之多，可以话系全港乌冬店之冠!乌冬𩠌都覆盖左猪牛鸡海鲜，连素都有，岩返唔同人胃口。除左乌冬之外，仲有沙律、炸物、串烧、甜品等等，可以话麻雀虽小，五脏俱全!!午市免费既沙律，青瓜丝、蟹棒、粟米加埋蟹籽，味道清新唔腻。我拣既黑蒜油墨鱼汁豚骨浓汤底既黑毛豚肉乌冬，好惹味!份量比较多，细食女士有可能食唔晒呀。七味鸡翼。豚骨浓汤乌冬鸡翼好入味，肉嫩滑唔鞋，炸皮唔会好油好厚，恰到好处。另外叫左两串牛吞串烧，呢个真系不得了!我地系冇expect 乌冬店既串烧，尤其是牛舌呢D相对上难处理既食材，但系! 呢个牛舌薄切、咬落去好爽、调味拿捏得岩岩好、唔油腻，个人觉得唔洗加柠檬汁已经好好好好食!同系日本居酒屋既质素别无两样! 系超级有惊喜。之后朋友想食D甜野，师傅就推介左冲绳黑糖蕨饼。蕨饼沾满黄豆粉，咬落有阵阵黑糖味，我地都好钟意。
继续阅读