一樂冰室

营业中

休息中

本人因到安蔭老人院探望親戚。分別在5月4日和7月26日到訪老人院前，先到一樂冰室吃下午茶餐。此餐廳是一家比較整齊而闊大的茶餐廳，由於地方寬敞，所以坐的舒服。兩次光顧均吃相同的食物：茄湯通粉、炸雞髀和熱飲(檸檬茶及華田)。炸雞髀：新鮮熱辣，炸得很香脆，皮脆卜卜的。茄湯通粉：餸的份量多，除了蕃茄也有薯仔。湯的味道偏甜，如果略帶酸味才醒胃，和較有蕃茄的自然味。檸檬茶：有茶味華田：不用落糖也有香濃的可可味。

焗飯等咗20分鐘見一直冇，所以舉手問侍應，先知原來廚房冇入單，本身都覺得唔緊要，但個侍應竟然話返我轉頭，話我唔早講，佢哋做錯嘢仲要我受氣，最後等咗30分鐘先有嘢食，味道仲要麻麻哋

訓醒唔想周圍去，落樓下呢間一樂冰室食午餐，屋村茶餐廳黎講算乾淨、全部卡位坐得幾舒服！都唔使等位就入得！食物方面例牌有每日午餐、常餐及散嗌食物！款式都算多.午餐選左咖喱雞扒配太陽蛋濃郁咖喱及微辣口感既咖喱淋左係雞扒上面，雞扒好大塊佔左隻碟一半咁制食落冇雪味呢點好緊要，太陽蛋吉穿左啲蛋黃混合飯食感覺特別正！蕃茄濃湯帶有蕃茄酸甜味、配料有好多薯仔粒.另上雞翼表皮炸到非常香脆，肉質鮮嫩！丹麥多士外層酥脆中間好鬆軟，食落甜甜地！炒蛋份量足炒到剛好夠嫩滑！飲品點左凍咖啡及熱鴛鴦、茶香味濃！唔錯！

某外賣APP點咗個外賣,楊州炒飯$41 入面材料有叉燒、火腿、翠玉瓜同蛋。仲有三粒蝦仁，蝦仁份量有點少，另外，整體炒飯的味道有點差，只係將所有材料加白飯求其炒兩炒再加啲豉油嘅味道。雖然好平，但係味道真係冇楊州炒飯嘅味道。

夜晚肚餓就去就腳既餐廳吃晚餐，見到最近午餐及晚餐menu翻新了，就來嚐鮮一下😋因為腸胃消化比較差，所以叫左味椒鹽玉子豆腐。73蚊包白飯一碗，例湯一碗及凍飲一杯，份量非常夠飽👍豆腐外脆內軟，佐有蒜蔥及紅椒調味，香辣惹味，水準也良好。稍辣些許，但不太影響整道配搭。點茶及上餐速度也很快，環境舒服也不太吵鬧，感覺良好。

📍一樂冰室葵涌安足街7號安蔭商場地下2號舖🟠作為一間屋邨嘅茶餐廳，呢間餐廳的確不錯呢。佢嘅裝修好簡約，地方乾淨，卡位坐得好舒服。由於屋邨商場裝修，暫時只得呢間餐廳，所以每到週末週日就會好多人。🟠多次幫襯佢嘅早餐，特別讚賞佢嘅豬扒同雞扒，大件之餘，最緊要煎得非常靚，而且醃製得很入味。☕️奶茶香濃幼滑，做到水準。🍳煎蛋、滑蛋、腸仔同多士等跟一般茶餐廳無乜特別。🐖但佢嘅豬扒就做得很好，其實佢有相當厚度，就係食一個豬扒米線或公仔麵已經好滿足、好飽肚。🟠以上兩個餐成為$93，一日之計在於晨，食個靚早餐，展開新一天。😁

星期日朝早7點去食早餐，屋企人已經一早落咗去叫咗餐，但當我落到去嘅時候佢嘅餐都仲未到，講緊係已經有15分鐘後，一個早餐都要等15分鐘,趕住返工返學嘅唔洗食啦！都算！餐廳内客人不多，但叫咗幾次都冇人理,好啦終於等到有人過黎落單，一行埋黎個待應好冇禮貌就叫我黎張單比佢加單，唔該都無聲，態度十分差！到上嘢食嘅時候又係果個待應，成張枱咁大但偏偏將啲嘢食放係角落，上兩次嘢都係放係角落，做待應應該有嘅服務都無十分十分差到食物方面:叫咗個雪菜雞絲米粉，煎熟蛋同火腿加牛油方包，熱華田總共$37 首先個米粉湯底係無味嘅，雞絲成大陣雪藏味，之後叫熟蛋但就黎咗太陽蛋，件方飽一食就知唔係即日新鮮麵包隔咗好多日嘅，啲牛油好平？以為塗多啲牛油就得啲牛油多到用黎塗多2件方飽都得，杯華田仲唔掂，十分淡似飲奶水咁星期日早上咁靜嘅時候都做到錯漏百出，無招呼無服務，想生意好都難啦！如果唔係樓下得你間餐廳，又貪方便一定唔會幫襯屋邨黎講呢間餐廳嘅價錢都唔算平，價錢其次 但服務質素同食物質素都唔值呢個價錢！總括黎講：員工需要大大改善，食物質素都要提升

安蔭邨自從翻新工程開始左之後就冇哂野食，成個美食沙漠咁，之前見佢新開張就去試下，叫左個魚香茄子飯諗住都穩陣啦，頂佢食落去無味既，咁既質素仲要五十幾六十蚊，呢個價錢我去石蔭食仲大把選擇兼且好食過佢，而且有日經過佢門口，有兩個待應呀姐企係個扶手電梯側邊食煙，唔係話唔俾你食，但係咪可以去啲冇咁影響人既地方食呢? 個扶手電梯人來人往有老有嫩，呢間野由廚房到員工都係差，真係寧願去遠啲食都唔會再食呢間，冇下次！劣評x100

黎食飯要受氣 老實講 廚房唔係差 但係樓面絕對係垃圾，得收銀女人叫好 ，同班後生有禮貌，其他幾個 唔係食煙就吹水 完全無禮貌可言，一間餐廳 你叫乾炒牛河 冇用架，班樓面 唔會自已記點落單，淨係會叫客人 自己講個號碼比佢地聽，餐廳初期開都體諒下，點知開左一排 員工只會叫你比號碼佢地，試過叫乾炒牛河，佢叫我搵返號碼比佢地😂😂我做埋佢地果份，咁樣既我 不如整返個自助落單啦，咪可以請小幾個樓面 ，反正成班都無乜作用 ，完全可以講係食米田共拉飯餐具污糟

好多人對呢間係負評多個正評但我認為不過不失啦不過員工係有改善空間因為打電話去好似要大叫咁先聽到我講嘢今次仲要大頭蝦落錯食物⋯佢講另一個飯 我以為午餐Menu改咗 結果成件事錯晒但誤打誤撞食咗呢個焗飯又真係幾好食鮮茄焗菠蘿雞扒飯$55飯底係蛋炒飯，飯細細粒 軟硬度適中而醬汁係足夠食晒全個飯，唔會好似出面咁食一半已經乾到變白飯，蕃茄味酸酸甜甜而雞扒係滑嘅。另外佢特濃蕃茄湯系列其實都唔差但係水準就未必好穩定，有時會唔夠濃味不過喜歡蕃茄值得一試！同埋堂食醬包唔吸引，如果有買辣椒油會更理想

給這領展玩殘，一個小屋邨，除了超市和便利店，其它全都給它關了，吃的也一個不留！這兩個星期，終於有點給人吃的地方重新開張了！今天下午回媽家，順便在這新開的茶餐廳吃個午飯。店小二先來個例湯，但例湯上許多肥膏在漂浮，真的要渴嚒？午餐D來了，"蟲草花雲耳蒸雞"，一如所料，雞件絕大部分都係雞翼、雞胸，只有一塊雞髀肉，不過肉還算滑，味道還可以。白飯比較cer，影響整體質素，而且點了少飯沒少到飯，好唄，不要浪費，撈多點汁就不會覺得飯有問題了🤥！奶茶，正常 ... 嗯，正常不是應該的嗎？

自從集團快餐無左之後，安蔭已經無啖好食，今時今日吾駛等到頸都長埋，終於有間似樣既餐廳可以做返堂，不論早餐至晚餐，食物好味之餘，服務亦吾錯。菜牌款式雖然吾多，但起碼出品吾錯，不過有部份小菜比較偏咸，因為始終都係老人家多，晚市套餐吾算太貴，加9蚊有飯有湯飲，一間冰室黎講，食品飲品好味一定要有，但我想講既係佢地服務，真係好貼地，雖然個個都比較生手，但勝在有禮貌，特別係個後生男經理，俾杯水我地又叫我地小心熱，主動介紹我地食咩，食飽又問我地味道如何，好多餐廳都吾會再見度依種服務，如今開左間咁好餐廳，以後落雨打風都吾駛專登坐車落街市食飯，依度可以當飯堂日日去食都得。希望快d可以有外賣送上樓啦。

第一次去食 食物質素ok 出餐時間都快 所以再會第二次去食當晚8點令去食3個人去食 唔駛等位就可以有位坐底 我地叫左3樣野 一個係黃金炒飯 一個係鮑汁海蝦炒伊麵 仲有一個係蕃茄湯常餐 第一個上枱既係鮑汁海蝦炒伊麵 我眼睇d蝦係邊 再搵下 原來有4粒蝦球仔 size好細粒 都唔緊要 心諗都預左 之後到蕃茄湯常餐到 係跟豬扒 但塊豬扒有陣縮味 我就同待應講 佢第一時間冇咩反應 又冇咩禮貌 隔左一陣先話換過塊雞扒比你 之後換到黎 唔駛再講 塊雞扒似重炸由朝擺到晚既野黎 不過都算 最後黎碟黃金炒飯 冇味😅大至整體黎講 真係唔多掂 希望佢地會檢討下 服務同出品既質素😋