影片
以上资料只供参考，请与餐厅确认详情
训醒唔想周围去，落楼下呢间一乐冰室食午餐，屋村茶餐厅黎讲算干净、全部卡位坐得几舒服！都唔使等位就入得！食物方面例牌有每日午餐、常餐及散嗌食物！款式都算多.午餐选左咖喱鸡扒配太阳蛋浓郁咖喱及微辣口感既咖喱淋左系鸡扒上面，鸡扒好大块占左只碟一半咁制食落冇雪味呢点好紧要，太阳蛋吉穿左啲蛋黄混合饭食感觉特别正！蕃茄浓汤带有蕃茄酸甜味、配料有好多薯仔粒.另上鸡翼表皮炸到非常香脆，肉质鲜嫩！丹麦多士外层酥脆中间好松软，食落甜甜地！炒蛋份量足炒到刚好够嫩滑！饮品点左冻咖啡及热鸳鸯、茶香味浓！唔错！
继续阅读
某外卖APP点咗个外卖,杨州炒饭$41 入面材料有叉烧、火腿、翠玉瓜同蛋。仲有三粒虾仁，虾仁份量有点少，另外，整体炒饭的味道有点差，只系将所有材料加白饭求其炒两炒再加啲豉油嘅味道。虽然好平，但系味道真系冇杨州炒饭嘅味道。
继续阅读
夜晚肚饿就去就脚既餐厅吃晚餐，见到最近午餐及晚餐menu翻新了，就来尝鲜一下😋因为肠胃消化比较差，所以叫左味椒盐玉子豆腐。73蚊包白饭一碗，例汤一碗及冻饮一杯，份量非常够饱👍豆腐外脆内软，佐有蒜葱及红椒调味，香辣惹味，水准也良好。稍辣些许，但不太影响整道配搭。点茶及上餐速度也很快，环境舒服也不太吵闹，感觉良好。
继续阅读
📍一乐冰室葵涌安足街7号安荫商场地下2号舖🟠作为一间屋邨嘅茶餐厅，呢间餐厅的确不错呢。佢嘅装修好简约，地方干净，卡位坐得好舒服。由于屋邨商场装修，暂时只得呢间餐厅，所以每到周末周日就会好多人。🟠多次帮衬佢嘅早餐，特别赞赏佢嘅猪扒同鸡扒，大件之余，最紧要煎得非常靓，而且腌制得很入味。☕️奶茶香浓幼滑，做到水准。🍳煎蛋、滑蛋、肠仔同多士等跟一般茶餐厅无乜特别。🐖但佢嘅猪扒就做得很好，其实佢有相当厚度，就系食一个猪扒米线或公仔面已经好满足、好饱肚。🟠以上两个餐成为$93，一日之计在于晨，食个靓早餐，展开新一天。😁
继续阅读
星期日朝早7点去食早餐，屋企人已经一早落咗去叫咗餐，但当我落到去嘅时候佢嘅餐都仲未到，讲紧系已经有15分钟后，一个早餐都要等15分钟,赶住返工返学嘅唔洗食啦！都算！餐厅内客人不多，但叫咗几次都冇人理,好啦终于等到有人过黎落单，一行埋黎个待应好冇礼貌就叫我黎张单比佢加单，唔该都无声，态度十分差！到上嘢食嘅时候又系果个待应，成张枱咁大但偏偏将啲嘢食放系角落，上两次嘢都系放系角落，做待应应该有嘅服务都无十分十分差到食物方面:叫咗个雪菜鸡丝米粉，煎熟蛋同火腿加牛油方包，热华田总共$37 首先个米粉汤底系无味嘅，鸡丝成大阵雪藏味，之后叫熟蛋但就黎咗太阳蛋，件方饱一食就知唔系即日新鲜面包隔咗好多日嘅，啲牛油好平？以为涂多啲牛油就得啲牛油多到用黎涂多2件方饱都得，杯华田仲唔掂，十分淡似饮奶水咁星期日早上咁静嘅时候都做到错漏百出，无招呼无服务，想生意好都难啦！如果唔系楼下得你间餐厅，又贪方便一定唔会帮衬屋邨黎讲呢间餐厅嘅价钱都唔算平，价钱其次 但服务质素同食物质素都唔值呢个价钱！总括黎讲：员工需要大大改善，食物质素都要提升
继续阅读
您可能会有兴趣的...