一木燒鵝

营业中

休息中

“煙燻燒鵝髀拼燒肉例牌”($168)“滑蛋自家叉燒飯套餐”($66)“上湯瀨粉”($20)旺角麥花臣對面新開咗間有燒味食嘅冰室裝修十分新派有別於一般茶記冰室最鍾意全卡位設計,私隱度夠哂高😆餐廳叫得做一木燒鵝,咁當然要叫嚟食吓啦😋要咗份煙燻燒鵝髀拼燒腩仔嘅雙拼例牌雙拼份量夠哂多,2個人share就岩哂燒鵝食落帶陣好香嘅煙燻味好特別😚而且肥瘦適中,唔會食到成口油🤣拼嘅燒腩仔睇樣都知好食啦🐷皮香脆肉腍滑,點埋黃芥辣超正☺️叫得燒鵝就點都要配返碗瀨粉$20超級大碗好抵食🤣另外仲叫咗個晚市套餐嘅滑蛋叉燒飯咁就可以試埋個叉燒啦😛叉燒半肥瘦,食落有蜜汁嘅香甜☺️呢個飯又係超大碟食完超飽😂加$16仲有一大碟嘅鵝汁油菜,CP值好高😍

👯雖然這間標榜主打是燒鵝茶餐廳, 但係,都幾多下午茶餐嘅選擇🥰迷你茶餐燒味套餐迷你叉燒飯 $38可轉：湯瀬粉,湯米粉或湯河粉套餐附送：餐飲♨️成碗熱辣辣上枱♨️半肥瘦叉燒, 肉質軟淋有口感煎蛋煮得剛剛熟,冇漏出蛋黃汁😋🥪公司三文治套餐$46奉送餐熱飲☕餡料豐富配烘底多士👍☕奶茶夠茶味,入口濃滑熱鴛鴦,因茶味比較濃厚略嚴啡味不足,但整體,都屬於地道嘅茶記味道😋全店都是以卡坐位為主坐得舒適👯二人份量以這個價錢食個下午茶餐相當抵吃👍🥰

見新開張試一下，叫左個外賣午餐，燒鵝油雞飯。番屋企一打開，見到只有4件薄到透光既燒鵝，只有皮，無肉，賣相仲要好似食剩咁。主打燒鵝既餐廳就連招牌食物都咁既質素。。。幫襯一次就夠。

差唔多＄50嘅茶餐廳早餐係會有D期待，叉燒又真係有啲硬，濃湯其實又真係冇乜味，不過都好過用味精湯。又唔至於難食，但好普通好普通一般水準茶餐廳咁囉，又真係唔會諗住再食多次喎。

未試過一間叉燒可以咁硬，油菜洗唔乾淨有泥，仲話鵝汁油菜，點知係劣質豉油！！！瀨粉湯冇味道，啱啱開業都咁做生意，早啲執笠好過啦！！！累街坊，仲以為有間燒臘係左近，點知伏到阿媽唔認得！！！疫情下請做良心生意啦好心！！