影片
去咗一月冰室食lunch，叫咗个秘汁手撕鸡丝饭加即磨咖啡套餐，六十二蚊咋，真系几抵食！鸡丝饭方面，啲鸡肉手撕得几好，秘汁入味，配埋白饭就啱啱好。不过要提大家，啲鸡肉有连埋小小肥，唔食得鸡肥嘅朋友要留意下。最令我惊喜嘅系佢嘅即磨咖啡，香浓顺滑，完全无苦味，真系超出预期！讲真，六十几蚊食到咁多嘢，喺而家嘅物价嚟讲都真系几抵食。想揾个地方食个抵食午餐，呢度都算系个唔错嘅选择啦！推介指数：价钱：💰💰💰💰味道：😋😋😋😋环境：🏠🏠🏠总结：抵食、够味，值得一试！
继续阅读
专登早起身黎试佢嘅早餐，上次试咗午餐今次试早餐啦，份量真系大又好食，佢连埋冻饮都系$52，有几款野可以拣，我选咗吉列猪扒、黑松露炒蛋、烟肉、汉堡扒、迷你牛角包，（沙律是指定有的），冻饮+$3，净系个餐就$49，呢个价钱真系抵食，佢嘅吉列朱猪系厚肉果啲，仲要咁大块，不过个牛角包就脆过龙了，下次都系选蒜茸牛油多士会好啲，坐得舒服架呢间野，冷气适中，食完埋单佢仲会送张减$3嘅优惠券比你下次使用，值得再黎
继续阅读
呢间早餐真系无得输！吉列鱼柳一只手掌咁长，炸皮好香脆。跟餐重有杂果沙律同可以选配3种配料，烟肉，黑松露炒蛋同汉堡扒都系唔错选择（$49）招牌蕃茄汤通粉好足料，可以选配2种配料，我特别钟意配肥牛同仿鲍丝（$43）粉面方面。我试咗惹酱牛肉公仔面，酱料好香牛肉好稔（$41）每个餐都可选配一种面包，餐包同蒜香多士都好好味饮品我一定选即磨咖啡，佢地用咖啡机即磨咖啡豆。好好饮员工都好有礼貌价钱好公道，食完一次更可以留起单据下次减3蚊。依家每个礼拜都会去食几次
继续阅读
朝头早嚟食早餐，食完成身油烟味，一路食一路以为自己坐喺个抽油烟机排气口人手唔够，出餐好耐，等外卖仲耐，建议赶时间嘅谂一谂食物份量够多，味道唔错埋单留住张单，下次帮衬减$3，但应该好难有下次
继续阅读