影片
营业时间
今日营业
11:00 - 22:00
星期一至日
11:00 - 22:00
以上资料只供参考，请与餐厅确认详情
食家推介
大前日（18-4-2025 Fri）复活节假期第一日，同老公返到荃湾食晚饭，由于又早又唔太饿，而且我哋少饮汤，不如嚟呢喥食啦，因为都有点心，我哋嚟到坐低，周围望吓menu，决定要：3. $32.00嘅百花酿鱼肚等咗15分钟左右到嚟，热腾腾嘅，虾滑爽弹，鱼肚口感到正常冇问题。5分4. $24.00嘅潮州粉粿同样热腾腾，size正常，食落，个皮太腍，蒸过龙喇，馅料味道正常，不过都系冇沙葛。2.5分1. $78.00嘅猪肺炖罗汉果南北杏菜干打开睇，咁深色嘅？我以为系老公嘅炖肉排，呢个味道同样唔咸，汤甜，猪肺冇问题，但肉排就嚡。4分2. $68.00嘅西洋菜陈肾陈皮蜜枣炖肉排跟白饭白饭竟然系煲仔上，个汤都系正常唔太咸，有好多西洋菜，正。5分一如以往，坐低后会俾壶红枣桂圆杞子茶，个茶系无添加，唔太甜，而每位茶位系$5.00。抵食系2.5分上次食评系2013年5月31日刊登嘅呢篇：https://www.openrice.com/zh/hongkong/review/yeah-%E8%AE%8A%E5%92%97-e4844613
继续阅读
今晚我喺荃湾一间平民街坊小店食晚饭，呢间小店主打点心、蒸饭同炖汤，环境虽然简单，但好有街坊味。今次我叫咗一个豉汁金钱肚煲仔饭，真系好满足！首先，讲下呢间小店嘅环境。虽然唔算华丽，但好有亲切感，感觉就好似返到屋企咁。店内座位唔算多，但佢哋安排得几好，唔会太挤迫。### 豉汁金钱肚煲仔饭而家讲返主角，豉汁金钱肚煲仔饭。当我收到餐嘅时候，𠮶个香味已经扑鼻而来。打开盖，金钱肚嘅香味同豉汁味道融合得非常好，真系叫人食指大动。金钱肚煮得啱啱好，食落去脆口又有嚼劲，完全冇腥味，豉汁嘅味道更令整个煲仔饭增添咗层次感。米饭方面，煮得几好，底部仲有少少焦香，食起来有种特别嘅口感，搭配住金钱肚同豉汁，味道更加丰富。份量真系好多，对于一个人来讲，完全系食到饱！### 配菜店里仲有少量嘅青菜，增添咗一啲清新感，令整碗煲仔饭唔会太腻。其实佢哋嘅青菜都煮得几好，保留住鲜嫩嘅口感，搭配米饭一齐食，真系好正。整体而言，呢间平民街坊小店真系一个好地方。如果你想揾一个平实而好味嘅晚餐，呢个豉汁金钱肚煲仔饭绝对值得一试。环境虽然简单，但味道同份量都好有水准，价钱亦合理，让人感受到真正嘅街坊情怀。下次我一定会再返嚟，试下其他佢哋嘅招牌菜！
继续阅读
西洋菜陈肾陈皮蜜枣炖肉排（$68）跟白饭，而个白饭并不是一碗，系一个砂锅，饭蒸得好好，干身唔过湿、唔烂、软。炖汤系用正常紫砂炖盅，入面起码有一半系汤料，西洋菜尤其多，淋但唔烂，仍有菜味，汤清甜，不错。镇江骨（$88）同样跟一砂锅嘅白饭。镇江骨有五旧，酸酸甜甜，味道比坊间清淡（似屋企feel），有两旧骨嘅肉偏瘦。烧卖（$30）之前食过记得唔错，的确无记错，大粒，肉质实但有咬口，猪肉唔肥，食得出系自家制。鲜竹卷（$26）好似好耐无食，于是叫嚟食吓。腐皮比坊间好似卷多层，厚身少少，入面猪肉唔肥，同烧卖近似，另外食到少有嘅芋粒。凤爪（$26）有六只，味道正常，大量豆卜垫底，索哂啲味。茶钱（$5@）绝对抵俾，杞子红枣圆肉，消热明目，足足饮咗四杯。
继续阅读
近排天气转黎转去，搅到有两声咳同喉咙干，于是谂起今晚不如去一意饮返个炖汤润一润先~由于佢座位有限，我谂最多应该坐唔到20个人，所以谂住今晚去到应该要等位，好好彩去到刚刚有枱客走，所以唔使等就可以直接入去~由于佢啲点心同部分小菜都系即叫即蒸，需要时间等候，所以一坐低就先点咗个咖哩鱿鱼同凤爪先，咖哩鱿鱼真系送饭一流，所以每次都会必点。本来打算食金华火腿蛋饺蒸鸡，但系可惜又系冇晒蛋饺所以食唔到，于是就叫咗金针云耳蒸鸡沙锅饭。之前试过佢豉汁蒸鳝好大碟，今次就试下面豉普宁酱汁配大眼鸡，大眼鸡配普宁酱真系绝配，肉质够实唔散，配上咸咸哋嘅普宁酱，真系两煲饭都食得晒。
继续阅读
🍚腊肠蒸鸡饭💰$48😈今日同🐰妈妈去左荃湾☺️就带左佢食一意💛呢到系系荃锦中心落条电梯🤔有少少隐闭💛呢到就主打食蒸饭同炖汤既小店🥘咁我地就叫左个腊肠蒸鸡饭☺️佢呢到所有蒸饭炖汤都系即叫即蒸👍🏻所以都要预返少少时间💛佢呢到另一个焦点就系佢有壶超养生既红枣杞子桂圆茶🤤佢饮落好健康🤣饮完成个人都暖哂同埋超养生😬好啦佢个蒸饭都几好食个饭粒都好烟Un😜鸡件都算滑再加埋个豉油🤤我地仲叫左份烧卖$28😝烧卖都似自己手工野食落都好有咬口同埋肥肉都好平均🥘准山杞子花胶螺片炖鸡💰$74😈而重头戏就系佢个炖汤💛我地叫左个准山杞子花胶螺片炖鸡汤🥘佢呢到炖汤都系即叫即做大概都要等15mins😝佢个炖汤我同妈妈每人都饮到两细碗少少😜饮落都好清甜完全无加到味精👍🏻佢啲材料都好足料唔会得好少🤤妈妈仲话自己下次再有Take2
继续阅读
您可能会有兴趣的...