一品雞煲火鍋

麻辣秘製雞煲（半隻）半隻雞份量夠2-3人食用，叫左小辣，冇想像中咁辣，醬汁好惹味，有洋蔥同芫茜，好味。脆肉鯇 有9-10片，肉質脆口，不過同個雞煲味唔係好夾。響鈴卷用嚟索汁，超正。鳯城水餃一般，味道唔係幾好。竹蓆茅根正常，清甜解渴。雞煲味道不錯，其他食物較一般。環境一般，燈光不夠光，令人好眼訓。食食下個冷氣機滴水，員工都有熄咗個冷氣機，改善咗滴水問題，但係又開始覺得熱。整體衞生環境有待改善。一品雞煲火鍋 (荃灣)荃灣眾安街73號地舖#荃灣 #荃灣美食 #一品雞煲 #雞煲…查看更多

今日特登由跑馬地揸架LAMBO同honey 再去呢度食雞煲 因為都有2年未再光顧佢哋 咁大約7:40到達目的地 e……. 冇人在門口等位？役情前呢個時段起碼要等40分鐘左右 但我地有啲肚餓 照入去啦 叫咗個招牌雞煲、餃子雙併、 個雞煲份量可以2人也食5飽 點搞呀？$328 招牌雞煲 份量勉強夠2人食用雙併餃一般 只有8粒‼️‼️ 飲埋杯凍0 7 ，以上消費$520！ 唔怪之得而家咁多人北上吃喝玩樂啦 佢地8:30都冇人再入座⋯⋯⋯不過也好 沒有太嘈吵的聲音⋯⋯⋯⋯佢地收一份洋蔥$42、1份莞荽又$42會唔會太過貴啊？？大家自己分析‼️墨魚滑一份要$98⋯⋯⋯⋯下次我都係北上食飯了⋯⋯⋯⋯…查看更多

今日有屋企人生日，所以嚟到荃灣呢一間一品雞煲同佢慶生。作為荃灣人諗起雞煲一定係諗到佢。雖然我哋唔係食得好辣，淨係可以嗌BB辣，但係個麻辣雞煲嘅湯汁依然好濃郁，唔會話好鹹。啲雞都勁入味，又滑又好食😋食完個雞一定要再加湯繼續打邊爐，今次又叫左脆骨腩，呢個都係必叫之一，佢冇就咁鯇魚片咁多骨，得一條骨所以食落去勁脆口勁爽😝仲有呢個都係必叫既響鈴，，將佢浸落個湯度嗦晒啲雞汁味，雖然有少少邪惡👿，但真係好入味好正。當然唔少得肥牛啦，my favourite ❤️…查看更多

一坐低卡位，已經見到隔離卡位上面有曱甴。本身我唔太怕曱甴,冇尖叫冇投訴，不過食得好唔太安落，諗住唔係自己卡位就由佢。點知，食食下，火煱控制板又見到一隻細種曱甴，我就開始feel到周身痕，好似腳真係有咁。好恐怖。。。。即刻唔想再食。。。。。。。。。。。。。。。。。。。。。。。。。。。。。。 。。。。。。。。。。。；；； ；。；。。…查看更多

一品雞煲：一場叫人回味的雞煲盛宴！🍲🔥我最近去咗喺荃灣眾安街大鴻輝中心地庫B2全層嘅一品雞煲餐廳，真係大開眼界！呢度嘅地方真係好大好闊落，而且坐低嘅位都好舒服，兩個人坐大卡位都冇問題。😍💺重點要介紹嘅就係呢度嘅雞煲，絕對係我食過最好食嘅雞煲！個湯汁簡直係冇得講，每一口食落去都可以感受到濃郁嘅雞汁，撈飯嘅感覺真係世界無敵！呢個湯汁用嚟撈飯真係太正啦！每一口都令人回味無窮！🥢😋加埋個份量，真係一碗飯絕對夠兩個人食！唔使擔心食唔飽嘅問題，呢度嘅份量絕對足夠！🍚👫除咗雞煲，呢度嘅安格斯牛肉都好出色！肉質好嫩滑，脂肪比例都好啱，食落帶埋濃郁嘅牛肉味，真係好好味！🥩😍另外，餐廳裡面嘅響鈴立即即炸，再配埋雞煲汁嘅湯底，真係好想再嚟一次！每一口都令人欲罷不能，真係太正啦！🔔🍜佢地嘅牛柏葉都好好味好爽脆，淥落去只需要約十秒，就可以品嚐到牛柏葉嘅鮮美！真係一道令人驚艷嘅美食！🍃😋餐廳仲有提供韭菜餃，食落去都好新鮮，應該都係餐廳自己包嘅。每一口都帶埋韭菜嘅香氣，真係令人愉悅！🥟🌿最後，佢地嘅飲品全部都係king size！冇論係冷飲定係熱飲，都係令人驚喜！飲住大杯嘅飲品，真係一種享受！🍹🔝總括嚟講，一品雞煲絕對係一場味覺盛宴！唔單止雞煲嘅湯汁好好味，其他嘅菜品都非常出色。不論係安格斯牛肉、牛柏葉定係韭菜餃，每一道菜都帶嚟驚喜同滿足嘅感覺。而且餐廳嘅環境舒適，座位寬敞，令人可以盡情享受美食。呢度真係一個令人愉悅嘅用體驗！🍲😍#一品雞煲 #雞煲 #香港美食 #安格斯牛肉 #美食評論…查看更多

天氣凍凍地最喜歡食雞煲加打邊爐，尋晚同老公去咗荃灣大鴻輝一品雞煲！疫情之後，已有一段時間冇食這家雞煲，味道依然保持水準，係我最喜歡嘅雞煲味道，雞肉嫩滑，獨門秘方濃汁味香，但一點也不會覺得咸！手切肥牛好新鮮，牛味濃，入口即化，油脂分泌十分平均，上等牛肉👍🏻👍🏻😋！其他食物都很新鮮到位，我哋叫咗鮮冬菇、響鈴、枝竹、生菜，配上雞煲汁湯底，絕對冇得輸！而服務員都十分親切，絕對值得推薦😋😋😋…查看更多

一品雞煲喺荃灣真係好多年，有未有分店，到而家好幾間分店，依然有繼續支持，同出邊的雞煲唔同，依度嘅醬汁味道暫時未食到第二間可以媲美，就係因為依隻味道，所以堂食也好 外賣也好定期都會幫襯。…查看更多

做完運動最啱就係打邊爐，今次黎試吓荃灣嘅一品雞煲，呢間係總店，我諗係第一間，之後越開越多分店。假期冇book位3點黎到冇咩人唔洗等，即刻點左麻辣雞煲再加配料打邊爐。呢度係半隻，辣度可以揀，我哋揀左小麻小辣，個湯辣度啱啱好又帶點甜甜酸酸，非常惹味開胃，d洋蔥入曬味好正！雞都唔少，如果肉質再滑啲就perfect啦食完雞個湯打邊爐都好正，打邊爐食物正正常常不過不失，冇咩特別…..響鈴好大條，細食嘅真係唔好叫。有超大杯嘅野飲，$45杯，一杯就夠，係啤酒以外一個唔錯嘅選擇。價錢唔貴，一定夠飽，環境一般，所以食飽就會走唔會坐得太耐…查看更多

今次叫咗外賣雞煲返屋企食 因為冬至唔使出去同人迫 但係外賣雞煲都一樣無損佢嘅好食❤️❤️坊間有好多其他嘅雞煲店同埋雞煲放題 甚至有一啲外賣嘅雞煲醬 但係都唔能夠取代呢一間雞煲店😚😚佢嘅味道真係一流 每次食完都想整多幾個烏冬去撈埋啲汁食…查看更多

黎到荃灣，一定要是一品雞煲！雖然依家啲雞煲店放題係好多，但係一品雞煲依然係最好食嘅，keep得到水準。可能正正佢因為唔係放題，所以每一樣野食都唔會馬虎，價錢咁貴都係有原因！…查看更多

疫情底下，唔敢出街打邊爐，唯有外賣雞煲返屋企自己打。其實唔係第一次食一品雞煲，之前覺得半隻雞都接近$200好似有啲唔抵，但係試過買料自己整，時間精神加上冇咁好味；試過貪平食啲$100嘅雞煲，原來又真係唔係嗰回事。所以都係繼續幫襯返一品雞煲。講返隻雞真係非常之惹味，所有雞件都炆得恰到好處，又唔會太乾身，仲好Juicy! 本身隻雞煲醬真係好好味，我係超鍾意嗰隻辣味，辣得啱啱好！半隻雞我同老公兩個人好快就食晒啦！我諗佢都係我外賣雞煲嘅不二之選！…查看更多

我同friend講咗好耐，今日終於如願食到雞煲啦！😉雞煲料好足，而且非常香，每一件雞肉都好入味，嗦曬醬汁嘅精華，好好味！😝我哋另外叫咗芋頭片、淮山同生菜，食到最後有配菜可以解膩😋今餐非常豐富，下次會再嚟食！😍…查看更多

荃灣的一品雞煲真係好正不僅嫩滑又大塊吃過那麼多雞煲最愛就係一品之前係旺角有經常食荃灣今次第一次不比旺角差響鈴是打邊爐必備我可以食好多個真係好鍾意脆脆香香必須點本身我好少食餃子我朋友話一品雞煲韭菜水餃很好吃所以就試下真係好好食唔會好乾身韭菜味好濃郁又好大塊 正到爆呢個手切肥牛一定要食一落湯就好快可以食而且呢個肥牛好新鮮下次黎都會再點重點就係打邊爐一定要點一品雞煲的葡萄籽好大杯好滿足因為打邊爐好容易熱氣呢杯來降降火幾好…查看更多

令人回味的一品雞煲，偶然經過都會入去食！比較喜歡這間！因為地舖所以比較方便！比較喜歡牛雜配麻辣雞煲的配搭!!個人非常推介金錢肚，好淋，幾好味！肥牛片厚薄適中，食落去肉質很新鮮！推介！不知道這些是否手工丸，味道中規中矩！這杯一品雞煲自創的梳打特飲味道不甜，10分推介！…查看更多

2020年第一餐晚飯，食好一點，行山行到終點站荃灣，一想到就是荃灣食雞煲，我們去到覺得奇怪冇乜人，之後侍應帶我們到另一分店坐下，才得知店舖內有連鋪相連，位置多的是。來到坐低即刻點了雞煲（半隻雞），知道雞煲有分不同辣度，我們今次點了微辣，味道依然好味，微辣帶一點麻辣及甜味🥰 正呀！ 由於我兩個人食完半隻雞，也感到了一點飽肚，所以之後我叫了咗烏冬麵，配合了雞煲的味道簡直係絕配，我們還叫了一碟生菜，由於全部都是雞油及麻辣味，感覺麻麻。溫馨提示：叫啤酒應該平過個叫汽水…查看更多