一品軒宴會廳 (已結業)

雞煲食咗咁多年都有啲悶 係時候搞啲新意思 呢間茶樓開咗唔係好耐 夜晚就有任食火鍋食 當中最吸引就梗係芝士雞煲啦 芝士雞煲上枱仲係半生 熟煮多一陣上面嘅芝士已經熔曬 可以做到拉絲嘅效果 而且仲係好誇張 認真足料 不過芝士嘅味道太濃郁 下面個汁似係辣辣地嘅白汁開胃惹味 而且雞肉煮得嫩滑 確係唔錯 食完雞煲就可以加湯打邊爐 依家幫襯仲每位送一份海鮮 包括有生猛海蝦 大蜆 帶子 生蠔同龍躉片 全部都幾新鮮 拍得住散點質素除此之外 仲可以去到自助配料吧拎食物 一般嘅蔬菜丸類 都應有仲有最特別係仲有臘味糯米飯 同埋叉燒 都係任食 同埋甜品係綠豆沙 呢啲服務真係茶樓先有

呢到就係普通酒樓，所以估唔到有芝士雞煲食。148/位加一，都ok。.芝士雞煲望落唔錯。但食落芝士味唔出，我諗因為佢味道太咸了！如果芝士味可以多啲，咸度減低啲，咁就好啦🤭仲有火鍋配料、幾款熟食同飲品任飲。同行朋友略嫌火鍋配料同飲品選擇太少。整體我鐘意打邊爐多啲，因為加咗湯之後芝士雞煲冇咁咸😂牛筋丸好食！其他火鍋配料都係平常食到嗰啲，正正常常，但響鈴唔夠脆😴.值得一提係waitress服務態度好好！我地打打吓邊爐想食番雞煲😂店員好好咁幫我地倒咗啲湯，但之後見到我地嗰煲痴哂底，就好好人咁話直程幫我地換過個煲🙈🙈🙆🏻‍♀️

元朗呢條街多數都係食潮州打冷再加上小肥羊倒閉，我仲以為無得再食得打邊爐架~~~點知原來呢度有間酒樓都有提供任食火鍋放題仲有價錢平到咁，$148喏仲有，新鮮的海鮮拼盤喏~~~抵食到爆啦~~免卻你用紙點黎點去，又會有走單的可能餐廳索性擺曬D材料出黎比你自己慢慢揀慢慢夾起丸類都好夠，仲有基本的炸魚皮、響鈴特別地有就快無貨要停產既廚師腸~~`大愛佢地的甜粟米，南瓜、芋頭條都好吸引我雖然好飽肚，但個芝士鍋煮到好香好軟軟綿綿自己起出邊揀醬汁一起拼湊估唔到都有熟食野起度俾你喎~~~都幾特別，影完就忘記左拎返碗綠豆沙食無得食埋個甜品添~~個海鮮拼盆都好震撼下架~~~因為元貝超大粒，花甲大大隻，所以個肉一點都不細海蝦非常新鮮，一點都不老生蠔好肥美，煲完個肉不縮細芝士雞煲呀~~佢煮得一半熟後，再鋪上厚厚的芝士粒要慢慢咁煮起佢，令到佢可以拉到絲，雞肉也是剛好煮熟非常嫩滑，好好味，又食雞煲又打邊爐牛肉色水同紋多均勻，所以一點都不老，好新鮮個價錢超值，但質素不錯喎~~大大粒的蠔肉架~~海鮮好值得推介也有我愛吃的魚腐架~~大大一隻蝦，好滿足飲品也有我哥哥大愛的涼粉飲料，好正

秋天天氣唔太熱最適宜打邊爐， 所以就約咗朋友去食間抵食嘅芝士火鍋雞煲！ 芝士味嘅雞煲真係未試過所以要試下！個人食芝士雞煲都係150蚊左右，都相當抵食！個芝士雞煲用料相當十足，入面有紫洋蔥， 鹹肉，鮮雞肉 重配上白磨菇。香得嚟又有芝士味，同埋啲雞一啲都唔係好滑， 味道相當唔錯。以配料方面以自助形式，有肥牛，九肚魚，墨魚丸，牛柏葉，五餐肉，唐生菜，白菜仔，金菇，鯪魚話等等，種類繁多， 你食得幾多就攞幾多，抵食丫！飲料方面有汽水，啤酒，自家製涼茶！

今日放假，老婆話要去元朗行街，行到夜了決定食完飯先返屋企！經過西菁街發現應該係新既酒樓,芝士雞煲好似都幾吸引， 老婆喺芝士控，所以即刻同佢去試下先～價錢也算便宜的！每位$158！平絕全香港。有自助配料區，又有自助飲品區～自助食物有丸類，雞件，豚肉，菜類，面類～亦有幾款熟食選擇～首先為我們送上的是芝士雞煲～要用慢火煮，因為芝士好容易燶，但煮既時候有陣陣香濃既芝士味～雞件也多肉大件～雞肉夠滑！另外也有一份海鮮盤，有蝦，蜆，蠔，扇貝，魚～好快芝士雞已經食完，加湯食火鍋配料～我都選擇了一大碟雞件，因為真係好滑！地方大，坐位舒適，價錢便宜，鐘意芝士嘅朋友不防一試！

秋天最岩打邊爐食雞煲，今日我就帶埋少爺出左元朗等老公收工食晚飯，行行下見到芝士雞煲，酒樓都有芝士雞煲？老公勁鐘意雞煲，我又係勁鐘意食芝士，於是就上左去試下！每位$158任食芝士雞煲， 抵過去大家樂打邊爐！芝士雞煲好足料，雞煲加左大量芝士有鹹香， 雞件幾嫩滑，配料有紫洋蔥同白磨菇，味道好夾！食哂雞同配料，再加雞湯打邊爐！ 唔夠食可以再出去拎雞件！仲有海鮮拼盤送， 有元貝，海蝦，生蠔， 海斑。夠新鮮，份量都算大，蜆都好好食。 亦有其他火鍋配料，自助形式，可以自己拎，都多選擇。水餃仲係手包嘅！娃娃菜，粟米配邊爐雞湯一流！令菜同栗米更清甜。平平地黎食下雞煲都唔錯❤

和老公在元朗吃晚飯，剛好把車泊在這家一品軒門口，就試試這家中菜酒家吧。一看餐牌，發覺很多優惠特價菜式，當中最吸睛的，莫過於這味熱石醬烤脆皮乳豬，半隻乳豬只要$188。足半隻乳豬，份量十足；乳豬放在熱燙的石春上，整餐飯都能保持溫熱。火候剛剛好，皮脆肉嫩，美味抵食推介。另一味特價菜式：清蒸沙巴老虎班；原條老虎班約一斤重只賣$68！魚十分新鮮，肉質爽脆鮮甜，蒸得剛剛好，魚肉全熟之餘保持嫩滑，足見廚師功力。一斤重的魚不一會便被我們二人吃得乾乾淨淨。有魚有肉，當然少不了蔬菜；天氣轉涼，點了臘味炒芥蘭（$78）。臘味有臘腸、膶腸與臘肉，臘味份量甚多，味道可口；芥蘭鮮嫩爽脆，配白飯十分開胃。今晚每度菜材料都十分新鮮，烹調得宜，價錢超值，絕對喜出望外。

早幾日約咗朋友呢到嚟食芝士雞煲，店舖位於一樓要喺地下嘅門口行樓梯上去。推開大門就見到已經見到有自助火鍋嘅食物擺咗好多出嚟。因為我地食完呢個芝士雞煲，可以自助加湯用黎食火鍋，一鍋兩食。喺坐低等芝士雞煲黎嘅時候，就去睇下有咩火鍋食物。佢呢到為3個區域，第一個有不同嘅丸類、自製水餃、魚皮餃、鯇魚腩、響玲、牛柏葉等。第二個區域就有d熱食同冷盤，當晚就有糯米飯、雜果沙律，仲有綠豆沙等。而第三個區域就有蔬菜同埋麵食，有出前一丁同烏冬。飲品就擺喺雪櫃自助取，夠凍。行完一個圈再坐翻埋位，今晚嘅主角就到達啦！芝士雞煲！雞本身煮左大約5成熟，店員再喺上面加芝士，要留意唔好較咁大火，要慢火，仲要簡唔中攪下佢，如果唔係就會好容易燶底，但係雞肉就未熟。呢個芝士雞煲除咗芝士同雞肉呢兩個主角之外，仲有切咗細細塊嘅煙肉片做配角，加埋上黎真係好夾。當芝士溶化嘅時候，有拉絲嘅效果。雞件都唔錯，唔會整到碎濕濕。食完個芝士雞煲，就出去拎火鍋食材，無咩特別，係牛栢葉太有咬口，好似咬嘅都唔斷咁。響玲都脆，唔會淋哂。仲有好多大電視📺整體來說都唔錯。

我鍾意食中國菜，所以出街多數都會做去酒樓食飯。今日就嚟咗依間一品軒食晚飯，見到佢原來做緊好多晚飯嘅優惠喎，包括依款熱石醬烤脆皮乳豬！依個脆皮乳豬上枱嘅時候，夠晒氣勢啊！乳豬上碟時整齊咁鋪左係熱石上邊，令到乳豬均勻受熱，乳豬皮果真無比脆皮，咬落去卜卜聲，非常過癮！而乳豬肉就夠晒鮮嫩，可以算得上係外脆內軟！另外我地亦叫咗片皮鴨，依味片皮鴨，油香肉嫩，食落齒頰留香！而大葱、青瓜、甜麵醬都安排恰當，餅皮厚薄適中，連蒸籠盛載上檯，美觀又保溫。而鴨身我地選擇咗用涼瓜炆，依碟涼瓜炆鴨，份量十足，而涼瓜清爽無苦澀味，鴨身食落仍然係啖啖肉！見到隔離檯食蒸氣火鍋，睇落都幾新鮮，而且價錢亦相宜，有時間會再來試下！

西裕街呢邊一向好多放題韓燒任食火鍋，呢日過黎呢頭搵食，先知原來有間酒樓，除左小菜仲有打邊爐任食。見天氣涼涼地，梗係整返個雞煲試下，一煲兩味都幾抵食。正想寫字落單之際，店員話係自己出去拎雞煲製作需時，好彩出面都有啲熟食醫住肚先。有糯米飯、糯米卷、奶皇包同叉燒，叉燒肉質尚算鬆軟，但口感偏油左少少，蜜糖落唔夠。仲有汽水任拎，另外有自家製夏枯草，無加糖，味道微甘，健康之選花膠早早俾人拎哂，原來係無refill既，先到先得紙上有既配料唔係每樣都有提供，但都有各式丸類、菜、羊肉同豬肉片。因為怕無哂所以拎定啲配料先，肉類偏瘦，色水睇起黎都新鮮，雲吞大隻飽滿。等左一陣主角終於到，好多好多芝士呀～焗多五分鐘等佢heat up返就食得。好香芝士味～雞件鹹香入味，肉質都幾滑，略帶肥膏肥左啲啲。食完啲雞加左湯即刻清哂，本身怕會唔夾，但其實味道同清湯差唔多。值得一讚，牛丸幾爽口彈牙，唔會好韌

咁耐冇黎由小肥羊、齊舖、金港，依家一品軒，好似打麻雀轉位咁……🤣🤣🤣星期日周圍都爆場唯有咁大地方嘅一品軒先剛好有位，見唔洗等位又轉左手再比次機會你啦😝一年四季都鍾意打邊爐嘅我，當然要來打邊爐啦💪💪💪芝士雞煲，濃濃的芝士湯底，芝士雞煲內的雞煲的雞肉都帶骨頭，而且略瘦一點，不過口感不錯，芝士湯底亦很濃郁。覺得仲唔夠芝士同雞可以叫店員加🤤🤤🤤最適合喜歡吃雞的我地加湯的湯水都幾濃郁，不會沖淡芝士雞煲本來的味道。送海鮮盤一人一份，有鮮蝦、蜆、元貝、魚片、生蠔等海鮮都算新鮮肥美醬料是自助的，豉油、芫荽、辣椒、蒜蓉等配料一應俱全。各款汽水可任飲同(啤酒)啤酒竹蔗水自家煲製，清潤下火。資助吧有叉燒包同糯米飯，仲有不定時嘅燒味同冷盤沙律忍唔住口食返個叉燒包先🤤🤤🤤自助式為主可以自己出去選擇打邊爐嘅材料，食幾多拎幾多又幾好👍喜歡拿午餐肉打邊爐，這裡也有供應，更將其厚切，包保有口感。響鈴同炸魚皮，吸了濃濃的芝士湯，真的無得輸👍肥牛，入口很腍好食豚肉片，肉質肥美，味道濃郁豬頸肉 ，成品肥瘦適中、肉質爽口彈牙牛肉都幾腍幾好食。墨魚丸、鯪魚肉丸及爽滑牛丸；除了爽滑牛丸超級美味，墨魚丸及鯪魚肉丸都鮮滑好吃

身為元朗地膽，今次給我試到非常有驚喜的「石頭乳豬」！地點非常好找在就在嘉城廣場旁邊的美食街。熱石醬烤脆皮乳豬特別推薦！大理石鋪在乳豬下面可以保持熱度，並不只是裝飾好看而已，乳豬香脆得不得了，不用點醬都很夠味，點了甜甜的酒家的熱石醬也棒，脆皮下的肉嫩嫩的，必試必試！梅菜扣肉熱騰騰地上菜，醬汁還滾著，特別像盆菜，食起來也有驚喜，底下配有生菜，解膩，非常夾的配搭，送飯一流！因為我們是兩個女生用餐完全不敢多點，怕食不完，誰知道經理超好人的送了飯後甜點，陳皮紅豆沙，食完實在太飽啦，員工見我行動不便還特意告訴我用電梯下樓，很貼心！

美味芝士雞煲依排天氣轉涼，胃口大增，又係時候四圍出去覓食啦！行過經過見到一間一品軒，新出左一個芝士雞煲任食火鍋，價錢都係百幾蚊，一於就試吓佢啦！依個酒樓嘅環境都唔錯，地方好闊堂，而且冷氣又夠，食雞煲就唔怕食到身水身汗啦！依個芝士雞煲，真係鋪滿咗層層芝士，而且芝士同雞都係任加，啱晒鍾意食芝士同雞嘅我！除咗芝士之外，佢個鍋底都放咗好多煙肉同蘑菇架，呢兩樣野都芝士本身好夾，令到鍋底嘅味道有更高嘅層次！芝士雞煲上枱嘅時候大約係五成熟，部長會係你面前將啲雞煮熟，一路煮一路散發芝士香氣，令人食指大動！芝士雞煲煮到啱啱好，食落口非常之香軟嫩滑！除咗雞之外，亦都有多款蔬菜同肉食丸類係任點任食，而且質素亦都相當之新鮮，而且乾淨又整齊，見到都已經食慾大增，而且用嘅係自助形式，見到改樣就攞嗰樣，方便又快趣。尤其是佢嘅炸魚皮同響鈴，非常新鮮鬆脆，亦可以吸收晒個湯底精華！而凍櫃入面亦有好多類飲品任飲，連涼粉爽都有，太好了！

中式小菜永遠都是最合口味今晚我們就來到酒樓晚膳熱石醬烤脆皮乳豬正在做特價我們二人點半隻就可以了奉上枱時我們都被嚇到碟底用熱烘烘的大理石墊底這樣乳豬就能長時間保持溫度乳豬皮超脆口咔滋一聲就咬斷果然像餐牌一樣描述齒頰留香紅燒脆皮燒雞也在做特價二十八元可點燒雞半隻皮燒得脆口肉也相當嫩滑奈何雞味欠奉但已對得住價錢薑蔥焗魚雲煲上枱時滋滋作響熱得冒煙以煲仔菜而言已屬合格水平魚雲走過油香口惹味魚肉肉質仍能保持嫩滑最後還奉上紅豆沙作飯後甜點下次飯聚可試其他家常小菜

天氣開始轉涼，又係打邊爐嘅時候，見到一品軒新出咗個芝士雞煲，就同朋友一齊去食！晚市時段人流唔多，唔需要等位。坐低之後見枱上面有兩份餐牌，一份係揀火鍋湯底，另一份係落單紙，上面列咗好多款火鍋湯底同埋任點任食嘅火鍋配料，仲有啲係另外加錢加配嘅食材。我地當然係揀芝士雞煲啦，呢個芝士雞煲係配合火鍋放題兩小時任食任飲，除咗支裝啤酒其他飲品都係任飲。當我地想落單之際，發現原來配料唔係寫單，而係自己出去攞。繞場一周，見到擺出嚟嘅食材同落單紙所見有啲出入，無火鍋必食嘅肥牛同牛肉片，於是問一問阿姐，原來可以加配手切肥牛每碟$68，於時加咗一碟肥牛。首先當然係食咗主角芝士雞煲先啦，阿姐話啲雞煮到七成熟就加芝士上枱，慢火煲滾咗就食得啦。一打開煲蓋，就聞到陣陣嘅嘅芝士香味，急不及待要食。因為落咗大量芝士，所以成個雞煲芝味濃郁，雞煮得啱啱好，肉質嫩滑，夾埋啲溶左嘅芝士一齊食好夾 ！食完個雞煲就可以加湯打邊爐，加咗湯之後溝淡左啲芝士味。至於手切肥牛切得厚薄適中，肥瘦均勻，牛肉味濃，的確唔錯！另外手打牛肉丸都唔錯，蔬菜都新鮮，粟米好甜。值得一提嘅係飲品任飲，除左汽水，橙汁，罐罐啤酒外，仲有清涼爽，入面有一粒粒嘅涼粉