影片
食家推介
鸡煲食咗咁多年都有啲闷 系时候搞啲新意思 呢间茶楼开咗唔系好耐 夜晚就有任食火锅食 当中最吸引就梗系芝士鸡煲啦 芝士鸡煲上枱仲系半生 熟煮多一阵上面嘅芝士已经熔晒 可以做到拉丝嘅效果 而且仲系好夸张 认真足料 不过芝士嘅味道太浓郁 下面个汁似系辣辣地嘅白汁开胃惹味 而且鸡肉煮得嫩滑 确系唔错 食完鸡煲就可以加汤打边炉 依家帮衬仲每位送一份海鲜 包括有生猛海虾 大蚬 带子 生蚝同龙趸片 全部都几新鲜 拍得住散点质素除此之外 仲可以去到自助配料吧拎食物 一般嘅蔬菜丸类 都应有仲有最特别系仲有腊味糯米饭 同埋叉烧 都系任食 同埋甜品系绿豆沙 呢啲服务真系茶楼先有
继续阅读
呢到就系普通酒楼，所以估唔到有芝士鸡煲食。148/位加一，都ok。.芝士鸡煲望落唔错。但食落芝士味唔出，我谂因为佢味道太咸了！如果芝士味可以多啲，咸度减低啲，咁就好啦🤭仲有火锅配料、几款熟食同饮品任饮。同行朋友略嫌火锅配料同饮品选择太少。整体我钟意打边炉多啲，因为加咗汤之后芝士鸡煲冇咁咸😂牛筋丸好食！其他火锅配料都系平常食到𠮶啲，正正常常，但响铃唔够脆😴.值得一提系waitress服务态度好好！我地打打吓边炉想食番鸡煲😂店员好好咁帮我地倒咗啲汤，但之后见到我地𠮶煲痴哂底，就好好人咁话直程帮我地换过个煲🙈🙈🙆🏻♀️
继续阅读
元朗呢条街多数都系食潮州打冷再加上小肥羊倒闭，我仲以为无得再食得打边炉架~~~点知原来呢度有间酒楼都有提供任食火锅放题仲有价钱平到咁，$148喏仲有，新鲜的海鲜拼盘喏~~~抵食到爆啦~~免却你用纸点黎点去，又会有走单的可能餐厅索性摆晒D材料出黎比你自己慢慢拣慢慢夹起丸类都好够，仲有基本的炸鱼皮、响铃特别地有就快无货要停产既厨师肠~~`大爱佢地的甜粟米，南瓜、芋头条都好吸引我虽然好饱肚，但个芝士锅煮到好香好软软绵绵自己起出边拣酱汁一起拼凑估唔到都有熟食野起度俾你㖞~~~都几特别，影完就忘记左拎返碗绿豆沙食无得食埋个甜品添~~个海鲜拼盆都好震撼下架~~~因为元贝超大粒，花甲大大只，所以个肉一点都不细海虾非常新鲜，一点都不老生蚝好肥美，煲完个肉不缩细芝士鸡煲呀~~佢煮得一半熟后，再铺上厚厚的芝士粒要慢慢咁煮起佢，令到佢可以拉到丝，鸡肉也是刚好煮熟非常嫩滑，好好味，又食鸡煲又打边炉牛肉色水同纹多均匀，所以一点都不老，好新鲜个价钱超值，但质素不错㖞~~大大粒的蚝肉架~~海鲜好值得推介也有我爱吃的鱼腐架~~大大一只虾，好满足饮品也有我哥哥大爱的凉粉饮料，好正
继续阅读
秋天天气唔太热最适宜打边炉， 所以就约咗朋友去食间抵食嘅芝士火锅鸡煲！ 芝士味嘅鸡煲真系未试过所以要试下！个人食芝士鸡煲都系150蚊左右，都相当抵食！个芝士鸡煲用料相当十足，入面有紫洋葱， 咸肉，鲜鸡肉 重配上白磨菇。香得嚟又有芝士味，同埋啲鸡一啲都唔系好滑， 味道相当唔错。以配料方面以自助形式，有肥牛，九肚鱼，墨鱼丸，牛柏叶，五餐肉，唐生菜，白菜仔，金菇，鲮鱼话等等，种类繁多， 你食得几多就攞几多，抵食丫！饮料方面有汽水，啤酒，自家制凉茶！
继续阅读
今日放假，老婆话要去元朗行街，行到夜了决定食完饭先返屋企！经过西菁街发现应该系新既酒楼,芝士鸡煲好似都几吸引， 老婆喺芝士控，所以即刻同佢去试下先～价钱也算便宜的！每位$158！平绝全香港。有自助配料区，又有自助饮品区～自助食物有丸类，鸡件，豚肉，菜类，面类～亦有几款熟食选择～首先为我们送上的是芝士鸡煲～要用慢火煮，因为芝士好容易㶶，但煮既时候有阵阵香浓既芝士味～鸡件也多肉大件～鸡肉够滑！另外也有一份海鲜盘，有虾，蚬，蚝，扇贝，鱼～好快芝士鸡已经食完，加汤食火锅配料～我都选择了一大碟鸡件，因为真系好滑！地方大，坐位舒适，价钱便宜，钟意芝士嘅朋友不防一试！
继续阅读