影片
营业时间
今日营业
07:30 - 22:00
星期一至日
07:30 - 22:00
公众假期
07:30 - 22:00
以上资料只供参考，请与餐厅确认详情
食家推介
作为黄埔街坊，一品蚂蚁绝对系 tea time最佳选择之一！坦白讲，以前水准曾经唔太稳定，但而家味道真系好正，回归yummy！ 下午茶时段，每个套餐只系大约$50，认真，呢个价钱完全无得投诉，抵食到不得了！份量足够，味道又好，CP值极高。 佢哋嘅 *生蛋牛肉意粉* 食落好有家嘅味道，可能仲好食过阿妈煮（对唔住, 阿妈🤣）。 而且食完唔会口干，呢点真系大加分！平时食重咸或者有味精嘅食物成日都会搞到口渴兼头痛，但今次下午茶食完完全无呢种感觉！
继续阅读
咖喱鱼柳饭饭嘅份量都好多，一个女仔食唔晒鱼柳好大条，炸粉唔算厚，称得上系酥脆嘅不过个咖喱就有啲颓，比较普通类似大快活𠮶种啦，有几旧薯仔喺入边我觉得呢度系胜在都多选择有西餐有粉面，座位都算舒服喺黄埔想医吓肚仔，但唔知食咩都可以试吓呢间
继续阅读
20：15分左右落单, 过5分钟补多个单点, 又要学人用系统要客Scan QR code, 搞咗啲单点出嚟又唔畀人系统落单, 人手单丁落单又漏单, 追佢又唔嚟, 同你讲取消突然之间送上枱, 三个餐两个食晒, 都食晒啦仲嚟做乜？蘑菇汤超咸、杂扒削到不得了、肉酱意粉衰过大家乐, 得返个薯蓉比较有诚意. 第一次嚟, 认真后悔！第一次写食评就要投诉, 自问都唔系喜欢投诉嘅人, 但系收得咁嘅价钱, 出咁嘅货式同服务, 真系要留畀其他人参考下.
继续阅读
平日返工前呢间早餐都好多人食，但系又未至于要排队等位，如果想坐得舒服啲，干净企理啲嘅话就可以拣呢一间啦，至于食物方面份量比较偏少，但系味道OK。🌟翠玉瓜粟米芝士奄🍳列配餐包🍞呢个组合嘅奄列喺出面嘅餐厅比较少见，因为多数都系火腿或者肠仔奄列。翠玉瓜，粟米同埋芝士意外地几match咬落几有口感，又有埋芝士唔会太淡味。另外餐包热热地搽埋牛油几好味😋。😋推荐指数：8/10
继续阅读
同个朋友响黄埔附近做完嘢，谂住揾个坐得舒服啲嘅地方食过迟来的午餐，点知去到𠮶间餐厅原来下午休息，所以就行咗去附近揾吓其他嘢食，结果就去咗一品蚂蚁，入到去都唔算太多人，所以即刻有位。因为已经系下午茶时间，所以我哋都叫咗下午茶餐，一个系芝士鲜茄牛肉酱煮长通粉伴鲜黄金蛋，另外就系珍宝餐。长通粉出到嚟，卖相唔错，分量唔错，味道都唔错，性价比唔错。虽然明白系成本问题，但系珍宝餐里面𠮶块所谓嘅牛扒系几失望嘅，因为基本上只系一块大小小嘅牛肉片，同埋仲要有啲干。西多士上面嘅炼奶都系比较少，所以西多士食落有啲淡。整体嚟讲有好有唔好，打和。
继续阅读