一品紅 (已結業)

實在欣賞這間風味大排檔，自十月首訪後近來又去了兩次，一起紀錄算了! 第二次來是某週五練詩後，老公與兩位詩班員都有點餓，臨時來的宵夜；值得留意這裡的生意不錯的，十點鐘的大排檔仍有不少人，是晚四人一共掃了如下菜式：　辣椒皮蛋($28)-最喜歡晶瑩剔透、並呈香軟溏心的皮蛋，點上辣油真的好吃不得了，真是令人一吃傾心，再吃仍然痴心!!　紅油青瓜($28)-個人不太愛吃青瓜，然而香辣的紅油辟去了青瓜的草青味，令人較易接受。最後也有清碟。辣子雞($58)-用的辣椒乾很香，雞粒又爆得香辣又入味，然而以淨食來講會有點偏咸，建議要送飯/送酒才好點。炒窩筍-老闆向我們建議的小菜，價位忘記，總之加了肥豬肉去炒，效果是清爽中見香口滋味，好吃!　水煮活魚($128)-大家戰鬥力強橫，宵夜時段也照樣挑戰巨大的水煮魚；雖然魚片仍然嫩滑、香辣、美味，當晚我只敢撈食沒那麼飽滯的雞脾菇／秀珍菇等，最後也落得超飽的下場...酷愛肥腸的老公，這次又特別要求加進肥腸去煮，變成水煮二食----魚+肥腸!! 我沒吃，但據大家反應味道也不錯的。沒有酒精似乎差了東西，老公要了樂怡新地拌吃；老闆十分好人，見在同鄉份上又送幾罐王老吉給大家，

平時都好小出黎頭食飯，但之前睇過yan既推介。就呢晚過黎試一試啦。慶幸我地早黎到，原來呢度六點半就已經full house咁滯。對於川菜，我地會嚮往於水煮牛肉同口水雞。另外再加多碟椒鹽鮮魷，呢個就已經係我地既晚飯啦。椒鹽鮮魷鮮魷好大件，食落好脆口同好爽口。而且面頭有炸蒜蓉同辣椒碎，更顯惹味。不過，論份量。反而係品味鮮會大碟。但係，呢間就有炸蒜蓉伴碟會惹味。各有各好既。水煮牛肉呢個味道都唔錯，個碗猶如面盆一樣大。個份量真係大得驚人，而且香料味好重。牛肉都算幾淋，食落都唔錯。而佢地仲會有蒟蒻，食落都幾爽口。最正既係，可以將辣汁索哂，食落真係幾過癮架。口水雞呢個汁都算幾好食，味道都算幾辣。不過個汁既味道無品味鮮咁好食，佢個汁用黎送飯都幾好食既。而個雞既肉質唔夠滑，而且半份對我地黎講係小左。可能係我地高估左個份量啦，點都好，呢個口水雞都算不過不失啦。整體上都普通啦，不過個椒鹽鮮魷同水煮牛肉都唔錯既。笑臉都俾到既，不過個口水雞就差小小啦。原來呢度有分大、中、小辣架。食得辣既可以要求加辣。

相對半島酒店浪漫晚餐，其實老公更為期望這一頓川菜生日飯，因這間位於朗屏西鐵站樓下的新店，每次返教會都令口水流個不停，終於上週日一行四人去了大掃餐牌。　大排檔格局的一品紅，到了夜晚餐桌與餐椅都是擺出街，環境方面當然不能有所要求。然而老闆十分健談又風趣，又歡迎我們自帶酒水，又免費送贈小吃，更重要是食物水準實在不錯，介紹如下：　辣椒皮蛋($28-->免費)-皮蛋來貨超靚，晶瑩剔透又軟滑富溏心，吸收辣油後更是既香又辣，十分美味，難怪成為老闆的強力推介，我也要來推一把!　川北涼粉($25)-吃到是十分正宗的川味，冰涼爽滑的粉條入口不久又帶來火辣感受，變化微妙又刺激，也值得一嚐的!　口水雞(~$60)-可選全隻或半隻，該晚要了半隻份量也不少；雖然紅油辣度並無預期中高，然而雞隻極為嫩滑又有鮮味，整體比預期更為出色吸引，我也吃了不少。　　香辣炒大蜆($58)-店內其實也供應粵菜小炒，廣東式風味的豉椒炒蛻也有供應，不過老公就是來吃辣，就選試特色川味吧! 菜式所用蜆隻個子不大，但勝在肉質鮮嫩無沙，以川式麻辣風味炒香後，鮮味惹味兼俱，幾讚的!　　水煮魚($128)-是晚重要目標之一，份量巨大有如面盆