影片
电话号码
54033439
营业时间
今日营业
07:00 - 17:00
星期一至六
07:00 - 17:00
星期日
全日休息
公众假期
全日休息
以上资料只供参考，请与餐厅确认详情
食家推介
大家会唔会有一间会令你念念不忘嘅茶餐厅？ 一冰厅绝对系我top 3。好多选择，样样都好食，次次都要按心情拣比较想食𠮶个。大比数会系沙嗲煎牛肉公仔面，佢沙嗲沟得平衡啲，牛肉唔会太韧，而且每次食都可以好饱。沙嗲汁都几挂喺面度，每次去买，帮衬过好多次，暂时未有一次有好明显嘅唔同，水准绝对可以保持到👍🏻仲有要食嘅系佢哋嘅炒蛋，好滑身，丹麦多士都系每次都必拣😍钟意奶茶嘅我，每次都一定会嗌佢哋热奶茶或者茶走，佢嘅茶底系偏浓啲，奶嘅份量系少啲。去到咁多年，午饭时间都系座无虚席，都系仍然一间要等位嘅茶餐厅。如果唔想等堂食嘅话，可以打电话去叫定外卖自取😁
继续阅读
话说咁啱喺九龙湾做嘢 喺𠮶边住咗晚酒店 辛苦完当然想叹返个丰富早餐 见到外卖app推介 呢道就最出名就系粟米忌廉汤通粉 即刻就嗌咗呢份早餐 再加埋个邪恶嘅奶油猪同葱花炒蛋外卖包得好好 送到嚟仲热辣辣奶油猪嚟到嘅时候仲系好脆！ 炒蛋完全系有级数 炒得劲滑 重点嚟啦 𠮶个粟米忌廉汤通粉非常浓郁 饮落系好滑好香 呢个完全系一份可以当埋lunch极度邪恶嘅早餐 食完又要跑返几个圈了
继续阅读
📍一冰厅 (九龙湾)九龙湾宏冠道6号鸿力工业中心A座地下2号舖🥞邪恶西多士下午茶紧系要整番个西多士啦！外卖送到黎仲热辣辣 外脆内软 入面嘅花生酱亦唔少！食完dinner都可以skip！好满足！
继续阅读
九龙湾番工既朋友都知真系已经食到唔知食咩好，有时又唔想食太多，又要平平地既话都可以试下呢间愈多款式就愈难拣，真系睇到有选择困难症呀最后都系因为唔太肚饿拣左常餐就算，呢个就系食茶餐厅既好处~常餐A-栗米忌廉汤通粉常餐入面都仲有野要拣，真系不得了，我要栗米汤加栗米~汤底睇落唔系极之浓，不过饮落口就好滑好香，加埋通粉好暖胃。本身可以跟丹麦多士/厚多士，都可以加钱转奶油猪/芝腿牛角包常餐B-沙嗲牛面 不过不失既味道下次有机会再试下其他饭类先><
继续阅读
平同好味之间你要点取舍呢？初初我会拣前者，大家都系食一样嘅嘢，但系价钱可能争20% （例子就系一个蛋牛治烘底加一杯奶茶嘅早餐，一间平嘅$24 ，但系佢包含咗嘅系佢外卖嘅包装系我喜欢嘅简单类型，虽然都系用胶袋）随着呢一间我食开嘅餐厅上个月开始到而家都未装修完 ，我转战咗第二平嘅一间响附近，同样系蛋牛治烘底加一杯奶茶嘅早餐呢间要$25，但系佢包含咗一个外卖元素用咗一个胶盒去包一件三文治，我觉得极度浪费）同埋佢嘅质素冇之前𠮶间咁好上个星期突然叮一声谂到呢一间出名滑蛋，咁佢嘅蛋治一定有质素啦 又嚟旦牛治烘底加奶茶早餐，呢一间要$31 （包含嘅外卖元素就系我最满意嘅～佢用纸袋装住） 食物嘅质素就唔使讲啦，亦都系咁多间之中最满意嘅。其实我都有试埋佢整蛋治嘅质素，又真系好似争啲乜嘢咁（可能就系争啲罐头牛肉嘅肉香）所以一分钱一分货，你会点拣？
继续阅读