一休料理 (已結業)

蟹籽三文魚鬆飯 $40最想食既芝士三文魚飯賣曬😢三文魚鬆好似呑拿魚😂美中不足係啲飯暖左啲😂但撈埋黎食係幾好味既😋 友人叫了三文魚蟹籽飯 $4X 呢個價錢咁既份量算係咁了 Like fb有雪米滋或者三文魚送👍🏻🤓…查看更多

以前好鍾意搵D 裝修好靚，好有氣氛的餐廳去慶祝唔同的紀念日。但係，近年已經比較鍾意去幫襯一D 私菜房(真係要預訂，無乜裝修，專注食材同烹調的私房菜)又或者一D 好有心的本地小店。因為我同太太都鍾意食日本嘢，所以今次的周年紀念就去咗呢間有心的小店食佢哋的Omakase (廚師發辦)。之前同朋友嚟食過一次，感覺好好，今次就先講好BUDGET 係$600/位，師傅就會問吓我哋有咩要求，然後我哋準時出現就有嘢食啦！今晚的菜式以龍蝦刺身做特別材料，再配埋其他刺身壽司，好味又足料呀！前菜 -- 小食拼盤。因為天氣凍，師傅特別準備咗燒茄子呢個熱的小食，另外仲有飛魚籽粒粒沙律，同埋黑松露醬枝豆。一邊食，一邊等刺身，真係好正。刺身拼盤 -- 龍蝦、北海道帶子、八角、鮮赤貝、三文魚、三文魚腩同埋墨魚海膽卷。刺身新鮮不在話下，最主係有心思的食法。帶子刺身，師傅話用青檸配少少海鹽，帶子的鮮甜味即刻爆出嚟；另外個墨魚海膽卷入面放咗紫蘇葉，又係創新得嚟又好的心思之作，呢個我哋之後再Encore 多一客，因為真係好特別！壽司 -- 漬吞拿魚壽司 + 香蔥吞拿魚茸卷。漬吞拿魚味道剛剛好，風味十足之餘，仍然可以食到吞拿本身的味道，而香蔥吞拿魚茸卷就係我本身都鍾意食的，所以覺得好呀! 呢度要提提大家，其實我太太唔係太鍾意食吞拿魚，所以要食Omakase 嗰陣記得要帶師傅自己/朋友唔食D 乜呀。先食蔬菜類SHABU SHABU -- 用返我哋的龍蝦做湯底，配料有唔同的蔬菜、蜆、三文魚、豆腐、芋絲、牛肉同埋雞肉。湯底味道好夠，基本上唔係點任何醬料都得，雖然唔係D 咩貴價食材，但勝在新鮮同足料。食晒D 配料，就會用個湯底煮粥，足足有4碗的份量，所有湯料的精華煮做粥，真係夠晒和味，而且仲食到飽添！食得開心，最後個粥同D 肉類都無影相。總括嚟講係好滿足的一餐，店內的位置雖然係細D，而且無乜令一嘩一聲的裝修或擺碟，但係食到真材實料的日本菜真已經夠啦！…查看更多

結婚週年晚餐，見到上一次食過o既小店有新嘢試 --- Omakase，我同太太又未試過， 決定試吓 ! 訂檯時，負責人同我講，只要講好價錢同要求，例如唔可以食乜嘢 (我同太太都唔食牛肉)，大廚就會跟 budget 同當日新鮮材料去準備設計菜式！即係去到先知道會食乜，感覺上好似有專人安排好食乜。聽完後，我相信會幾有驚喜 ! 當晚，我哋一共食咗9款菜式 (應該無記錯，因為真係好多款)，每一款都好好味，好新鮮! 每出一款，都會有講解，同埋點食先至最好。我哋仲第一次食到咁大咁厚嘅帶子 呢餐食每人$380 !!!! 同上一次一樣，物超所值!!! 只係講 budget 同要求，就有人同你安排設計菜式! 真係好正!  P.S. 當日, 大廚見到我太太扎花, 問我係咪求婚 XD 我同佢講係慶祝結婚週年, 於是佢特登整o左個心形嘅壽司俾我哋, 好有心思!…查看更多

經朋友介紹知道有間隱蔽嘅日本餐廳主打Omakase（廚師發辦），咁啱同未婚妻5週年紀念又諗唔到食乜咁就試吓啦！要預早一日訂位，個Price Range都幾大$180~$1000，我就揀咗$500 per head，如果好食先試最貴因為schedule問題，訂咗5點，去到得我哋一台，同waitress傾傾下計先知原來佢係老闆娘，咁後生就創業，值得嘉許，服務亦都好好，每樣菜都有介紹，等咗一陣就有得食1. 頭盤（龍蝦沙律，芥末八爪魚，明太子沙律，蟹膏配青瓜，燒茄子）樣樣都好好味，特別係蟹膏配青瓜2. 刺身拼盤（三文魚，竹籤魚，燒竹籤魚，帶子，牡丹蝦，海膽墨魚，拖羅）老闆娘話要由淡味食到濃味，三文魚=>竹籤魚=>燒竹籤魚=>帶子=>牡丹蝦=>海膽墨魚卷=>拖羅，全部都好新鮮，海膽墨魚卷同埋拖羅特別好味3. 法國生蠔 Gillardeau真係冇諗過會有生蠔，我哋本身都鍾意食生蠔，味道鮮甜，蠔味不會太重，海水味唔太濃烈4. 炸軟殼蟹沙律我哋最鐘意食炸嘢。炸軟殼蟹同其他配料比例剛剛好，有生菜，青瓜絲牛油果，竟然仲有天婦羅碎，幾特別5. 香蔥吞拿魚腩卷上菜時第一眼就見到吞拿魚腩仲多過啲飯，壽司卷就應該係咁啦！吞拿魚腩冇根，唔錯！6. 特製慢煮澳洲牛肋骨以為食完壽司刺身，應該差唔多食甜品。點知完來重頭戲先嚟！我本人唔係特別好牛肋骨，但係今次有驚喜！老闆話牛肋骨係用慢煮3個鐘嘅方法，加上黑椒調味，入口即溶，加上廚師自製嘅芥茉籽醬同埋秘制醬汁，係一個完美嘅配搭。老闆仲話唔係講笑，其實個薯蓉先係主角，因為又係廚師特別烹調，薯蓉裡面有一粒粒嘅薯仔，感覺唔太漏。7. 日本芝士蛋糕女人話甜品有第二個胃，斬眼間已經食晒個蛋糕。依個芝士蛋糕有雪糕嘅質感，唔會太甜，平時少食甜品嘅我都覺得唔錯。總括而言，店舖就無咩裝修架啦，你想舒舒服服慢慢坐著嚟嘆嘅話呢度就唔啱你喇，不過食物質素由前菜到甜品我哋都十分滿意。最緊要係老闆娘同廚師都好有心思！Fusion嘅Omakase唔係咁容易搵到，$1000埋單有咁既食物質素，下次一定會再試！有待改善嘅係水同茶嘅質素，茶好似太濃，水好似有啲怪味，可能我太挑剔啦哈哈因為本人覺得好嘅Omakase都要有靚嘅茶去配合先完美嘅～～～…查看更多

一直唔敢試omakase, 覺得唔抵,見一休個price range 咁大(i.e. $180 /person up)，一於試下$400，有驚喜，食物新鮮質素高，大大件，好抵食！有生蠔，海膽，帶子，海鮮牛肉火鍋，最後一個congee ，加個cheese cake 甜品，正！所有朋友都好滿意，物超所值，$400真係好難食到咁高質！👍🏻👍🏻…查看更多

知道lee間不起眼的小店可以自選心目中的budget去食Omakase, 今日同肥仔黎試下。小店格局，裝修唔太豪華，地鐵站出大約行幾分鐘，以我新界人少黎lee區都搵咗一陣間😅我地今次揀咗每人$500的Omakase去下相先頭盤有明太子，芥辣八爪魚，燒茄子都唔錯不過最好味係青瓜上的蟹膏，好creamy到上刺身，有我最鐘意的帶子同海膽，帶子巨形成半隻手掌大，海膽size就係普通size，不過幾鮮甜Wasabi 老板話係即磨的，但我不嬲唔食得所以唔知有咩分別~Lee個要大特寫，魷魚海膽卷超級正魷魚的軟糯口感同滿滿的海膽好鬼夾~軟殼蟹沙律味道OK, 沙律醬多咗少少，少d應該更加食到軟殼蟹的真味~以為$500都差唔多啦～仲有生蠔食一人兩隻，名唔記得咗，老板話係法國生蠔，冬天法國生蠔當做，比較肥美，一放入口好新鮮👍🏻壽司最後再有驚喜慢煮6小時澳洲牛肉，好鬆軟又有牛肉嘅油香～肥瘦火候剛剛好，齒頰留香(其實係牛香)總結一下如果你要食氣氛同裝修lee道未必係你杯茶，但如果你對食物質素好有要求又想唔好下下過千去食Omakase, Lee間性價比真係極高…查看更多

在西環揾食多時，不少餐廳都已經試過了，今次主力找小店，最終找到了這家一休料理。它位於小街的轉角，人煙稀少，店內只有數張抬，大廚只有一人，連同店員就只有兩個人而已。店子雖小但供應的菜式選擇卻很多，連okamase 都有，小店來說算是少見。我們兩人點了一下： 中華沙律 沒有特別，純碎是我很喜愛吃中華沙律所以點的。 壽司:蟹子+魚子壽司 鰻魚牛油果卷 加州卷彩虹卷牛肉紙米卷這裡的壽司配料算是新鮮，味道不錯，中規中矩。值得一提的是牛肉紙米卷，味道惹味，醬汁出色，紫菜配薄薄的紙米皮出奇的新鮮好吃。芝士三文魚飯 這個飯是我整頓晚飯最滿意的，首先是三文魚煎煮得很香口，然後配上日式燒汁送飯是一流，面層再配上一層濃濃的芝士真是十分邪惡，還有木魚碎，整個飯都充滿著濃濃的香氣。 明太子玉子燒 這個玉子燒做得出色，不遜其他出名餐廳；蛋煮得剛好熟，一切開裡面的明太子立即流出來，帶鹹的海鮮味配上淡淡的蛋香，刺激味蕾。 這裡吃飯頗便宜，人煙稀少吃得舒服！…查看更多

今日一家人嚟試Omakasae,提前同店主講你想要嘅價錢（由200幾到千幾不等）然後由師傅發板。第一次嚟已經好有驚喜，由主菜到最後嘅冷麵全部都好滿意。前菜果個青瓜配蟹膏麵豉演出醬好特別，蟹膏味好籠郁；第二樣係日本番茄，師傅話日本人鍾意蘸鹽食，試過之後都覺得唔錯，不過我個人覺得鹽隔離個汁好食D；第三樣係刺身拼盤，有䲞魚、北極貝、牡丹蝦、鯖魚、帶子、三文魚腩同海膽魷魚，師傅仲專程教我哋應該由邊樣開始食，呢度D刺身比外面好多舖頭好好多，完全無雪味，尤其北極貝、帶子同海膽魷魚好鮮甜，另外鯖魚配姜蓉同蔥一齊食幾鮮味；第四係法國生蠔，海水味勁濃，入口好creamy,啱曬我呢個蠔癡，齋滴兩滴檸檬汁已經足夠；第五係多士配吞拿魚蓉同三文魚籽，第一次咁樣配搭食多士不錯，每一啖都食到魚蓉香同三文魚籽嘅咸味；第六係鰻魚玉子燒，玉子燒好香好滑，鰻魚夾埋玉子燒味道好夾；第七係鱈魚燒同薯蓉，鱈魚燒夠香夠滑，D薯蓉配埋D汁一齊食好味；最後係蕎麥冷麵，冷麵軟硬適中，仲有一個好似沾麵嘅醬汁，蘸嚟食唔錯總括嚟講絕對物有所值，下次一定會再嚟…查看更多

星期日, 一家人到西環行吓, 無意見到呢間日本小店。小店環境不錯, 有一個小小戶外陽台俾食客用餐, 幾特別 :) 我哋點了三文魚生, 生蠔, 日式豕肉飯, 日式烏冬。經店主介紹, 我們仲叫咗一客玉子燒。上菜速度快, 三文魚生係厚切, 生蠔係即開, 都好新鮮! 豚肉飯同日式烏冬都唔錯, 尤其係烏冬甚有口感! 我最鐘意係個蟹子玉子燒, 好滑, 中間嘅蟹子同玉子好配合, 味道適中, 甜中帶滑, 係我第一次食到呢種玉子燒！店主話係師父改良過, 將日本原有味道調教為更適合香港人口味! 呢餐價錢大約二百五, 可以食到呢種質素, 我覺得好抵!整體黎講, 物超所值,下次再會試埋其他玉子燒 XD! 期待 !…查看更多

又同男朋友黎食lunch. 黎食我最鐘意既三文魚腩。今次食我點左海膽三腩飯。佢被點左大蝦三腩飯。有加拿大海膽。兩隻大大隻蝦刺身同大大塊好甜美又香滑既三文魚腩。呢種口感 味覺我很like 😍 海膽同蝦都正正今日check in 左 。有雪米糍送✌🏻️間野唔洗加一。跟飯有埋面豉湯兩個人都係百量蚊。搵日夜晚黎食。啲相好吸引😍…查看更多

朋友介紹黎一休呢間魚生專門店食平民版OMAKASAE即係廚師發辦,預約時同店主講大概BUDGET,就會幫我地準備今次我地一行四人,BUDGET每人$300餐單如下:明太子沙律前菜生蠔每人2隻雜錦刺身 (呢個真係要一讚,刺身新鮮甜美,食得出同出面一般既唔同,另外廚師端盤出黎後會逐一介紹各款刺身,以及配以邊種醬汁)三文魚子及吞拿魚蓉多士牛肉生菜包煎魚配薯蓉 - 薯蓉打得好細滑,入口即溶咁飯卷蕎麥麵多元化,食材品質又高,好滿意既一次omakasae體驗,最緊要係抵!…查看更多

落order 叫壽司等左半個鐘先話師傅忙 唔做壽司住都算啦諗住小店冇所謂支持下 又見佢人手冇乜但叫個魚生飯堅係失望飯太熱又冇醋味食落奇怪大佬 真係好難食完全冇heart 可能其他野食ok但建議唔好試魚生飯…查看更多

一直都想試下omakase, 貪佢有驚喜同可以試下d menu 無既野！但係去日本餐廳一人前omakase 起碼$1000以上，小資女真係負擔唔起。噤啱俾我發現到呢間餐廳有平民版omakase, 就約埋朋友們黎試！呢度omakase由$180-$1000俾你揀，絕對豐儉由人。呢次初嚐我地就要每人$250呢個價。一般要2日前預訂，你鐘意食咩可以特別要求，我就要求有我最愛既帶子唔好而為平民化，其實真係一啲都唔差。用料非常新鮮，而且大部分都係平時menu無既野！每次有野食出黎我都好期待！我地3個人食左:明太子三食(前菜)毛豆左口魚刺身刺身拼盤(三文魚，三文魚腩，海膽魷魚卷，帶子，牡丹蝦)吞拿魚他他多士燒三文魚胶大阪燒牛肉漢堡扒冷蕎麥麵真心好味兼抵食！！呢個experience非常好，下次會考慮試下俾個貴d價錢，試下有咩驚喜！…查看更多

很久也沒有幫襯這類型的小店。小店比大型連鎖店價廉物美，菜色也比較特別。特別推介海膽三文魚他他。要留意他他有一點辣，相當野味。小店的缺點是沒有信用卡付款服務，幸好帶夠足夠現金，否則就麻煩了！…查看更多

工作了一整天，很疲累，與老婆來到了家附近的一間小店吃東西。嘗試了不同的菜式：木魚花凍豆腐，什錦粒粒甜蝦魚生飯，蒲燒原條鰻魚飯，鰻魚燒玉子，洋風三文魚。味道都比連鎖店有人情味。美中不足之處是鰻魚飯的飯有點軟，希望店員留意。…查看更多