影片
食家推介
招牌菜
蟹籽三文鱼松饭 $40最想食既芝士三文鱼饭卖晒😢三文鱼松好似呑拿鱼😂美中不足系啲饭暖左啲😂但捞埋黎食系几好味既😋 友人叫了三文鱼蟹籽饭 $4X 呢个价钱咁既份量算系咁了 Like fb有雪米滋或者三文鱼送👍🏻🤓
继续阅读
以前好钟意揾D 装修好靓，好有气氛的餐厅去庆祝唔同的纪念日。但系，近年已经比较钟意去帮衬一D 私菜房(真系要预订，无乜装修，专注食材同烹调的私房菜)又或者一D 好有心的本地小店。因为我同太太都钟意食日本嘢，所以今次的周年纪念就去咗呢间有心的小店食佢哋的Omakase (厨师发办)。之前同朋友嚟食过一次，感觉好好，今次就先讲好BUDGET 系$600/位，师傅就会问吓我哋有咩要求，然后我哋准时出现就有嘢食啦！今晚的菜式以龙虾刺身做特别材料，再配埋其他刺身寿司，好味又足料呀！前菜 -- 小食拼盘。因为天气冻，师傅特别准备咗烧茄子呢个热的小食，另外仲有飞鱼籽粒粒沙律，同埋黑松露酱枝豆。一边食，一边等刺身，真系好正。刺身拼盘 -- 龙虾、北海道带子、八角、鲜赤贝、三文鱼、三文鱼腩同埋墨鱼海胆卷。刺身新鲜不在话下，最主系有心思的食法。带子刺身，师傅话用青柠配少少海盐，带子的鲜甜味即刻爆出嚟；另外个墨鱼海胆卷入面放咗紫苏叶，又系创新得嚟又好的心思之作，呢个我哋之后再Encore 多一客，因为真系好特别！寿司 -- 渍吞拿鱼寿司 + 香葱吞拿鱼茸卷。渍吞拿鱼味道刚刚好，风味十足之余，仍然可以食到吞拿本身的味道，而香葱吞拿鱼茸卷就系我本身都钟意食的，所以觉得好呀! 呢度要提提大家，其实我太太唔系太钟意食吞拿鱼，所以要食Omakase 𠮶阵记得要带师傅自己/朋友唔食D 乜呀。先食蔬菜类SHABU SHABU -- 用返我哋的龙虾做汤底，配料有唔同的蔬菜、蚬、三文鱼、豆腐、芋丝、牛肉同埋鸡肉。汤底味道好够，基本上唔系点任何酱料都得，虽然唔系D 咩贵价食材，但胜在新鲜同足料。食晒D 配料，就会用个汤底煮粥，足足有4碗的份量，所有汤料的精华煮做粥，真系够晒和味，而且仲食到饱添！食得开心，最后个粥同D 肉类都无影相。总括嚟讲系好满足的一餐，店内的位置虽然系细D，而且无乜令一哗一声的装修或摆碟，但系食到真材实料的日本菜真已经够啦！
继续阅读
结婚周年晚餐，见到上一次食过o既小店有新嘢试 --- Omakase，我同太太又未试过， 决定试吓 ! 订台时，负责人同我讲，只要讲好价钱同要求，例如唔可以食乜嘢 (我同太太都唔食牛肉)，大厨就会跟 budget 同当日新鲜材料去准备设计菜式！即系去到先知道会食乜，感觉上好似有专人安排好食乜。听完后，我相信会几有惊喜 ! 当晚，我哋一共食咗9款菜式 (应该无记错，因为真系好多款)，每一款都好好味，好新鲜! 每出一款，都会有讲解，同埋点食先至最好。我哋仲第一次食到咁大咁厚嘅带子 呢餐食每人$380 !!!! 同上一次一样，物超所值!!! 只系讲 budget 同要求，就有人同你安排设计菜式! 真系好正! P.S. 当日, 大厨见到我太太扎花, 问我系咪求婚 XD 我同佢讲系庆祝结婚周年, 于是佢特登整o左个心形嘅寿司俾我哋, 好有心思!
继续阅读
经朋友介绍知道有间隐蔽嘅日本餐厅主打Omakase（厨师发办），咁啱同未婚妻5周年纪念又谂唔到食乜咁就试吓啦！要预早一日订位，个Price Range都几大$180~$1000，我就拣咗$500 per head，如果好食先试最贵因为schedule问题，订咗5点，去到得我哋一台，同waitress倾倾下计先知原来佢系老板娘，咁后生就创业，值得嘉许，服务亦都好好，每样菜都有介绍，等咗一阵就有得食1. 头盘（龙虾沙律，芥末八爪鱼，明太子沙律，蟹膏配青瓜，烧茄子）样样都好好味，特别系蟹膏配青瓜2. 刺身拼盘（三文鱼，竹签鱼，烧竹签鱼，带子，牡丹虾，海胆墨鱼，拖罗）老板娘话要由淡味食到浓味，三文鱼=>竹签鱼=>烧竹签鱼=>带子=>牡丹虾=>海胆墨鱼卷=>拖罗，全部都好新鲜，海胆墨鱼卷同埋拖罗特别好味3. 法国生蚝 Gillardeau真系冇谂过会有生蚝，我哋本身都钟意食生蚝，味道鲜甜，蚝味不会太重，海水味唔太浓烈4. 炸软壳蟹沙律我哋最钟意食炸嘢。炸软壳蟹同其他配料比例刚刚好，有生菜，青瓜丝牛油果，竟然仲有天妇罗碎，几特别5. 香葱吞拿鱼腩卷上菜时第一眼就见到吞拿鱼腩仲多过啲饭，寿司卷就应该系咁啦！吞拿鱼腩冇根，唔错！6. 特制慢煮澳洲牛肋骨以为食完寿司刺身，应该差唔多食甜品。点知完来重头戏先嚟！我本人唔系特别好牛肋骨，但系今次有惊喜！老板话牛肋骨系用慢煮3个钟嘅方法，加上黑椒调味，入口即溶，加上厨师自制嘅芥茉籽酱同埋秘制酱汁，系一个完美嘅配搭。老板仲话唔系讲笑，其实个薯蓉先系主角，因为又系厨师特别烹调，薯蓉里面有一粒粒嘅薯仔，感觉唔太漏。7. 日本芝士蛋糕女人话甜品有第二个胃，斩眼间已经食晒个蛋糕。依个芝士蛋糕有雪糕嘅质感，唔会太甜，平时少食甜品嘅我都觉得唔错。总括而言，店舖就无咩装修架啦，你想舒舒服服慢慢坐著嚟叹嘅话呢度就唔啱你喇，不过食物质素由前菜到甜品我哋都十分满意。最紧要系老板娘同厨师都好有心思！Fusion嘅Omakase唔系咁容易揾到，$1000埋单有咁既食物质素，下次一定会再试！有待改善嘅系水同茶嘅质素，茶好似太浓，水好似有啲怪味，可能我太挑剔啦哈哈因为本人觉得好嘅Omakase都要有靓嘅茶去配合先完美嘅～～～
继续阅读
一直唔敢试omakase, 觉得唔抵,见一休个price range 咁大(i.e. $180 /person up)，一于试下$400，有惊喜，食物新鲜质素高，大大件，好抵食！有生蚝，海胆，带子，海鲜牛肉火锅，最后一个congee ，加个cheese cake 甜品，正！所有朋友都好满意，物超所值，$400真系好难食到咁高质！👍🏻👍🏻
继续阅读