影片
我呢啲乡下仔，过去几十年都无乜去过港岛区，过去一年已经多过我有生以黎既次数。但系每次都急急脚要走，想正正经经揾食下都无。机缘巧合下，某日有机会去到北角工作，做完野，又系揾野食开饭既时候。初头谂住系北角呢区唔易揾到心仪既餐厅，点知一开 APPS，就已经发现面前有一间拉面铺要惩罚下。店铺偏细，只系有三张细枱，同埋BAR 枱得几个位。无咩特别装修，不过有我最喜欢文宣，已经够哂！几位哥仔都好笑容，完全唔觉得就黎结业。我通常都唔系中午食饭，下午茶时间都有几枱客唔错。啱啱果日过去仲有苹果日报睇，如果唔系赶时间，真系想坐系度睇哂份报纸先走。食拉面最紧要就系汤底，汤50 面25 𩠌25，个汤唔好，其他野点好都无用。豚骨拉面 + 章鱼丸豚骨汤底唔会油淋淋，饮得出系落足料肴出黎。配幼面我觉得唔错，唔使成日搅啲 gimmick 野既，其实有时大路正路野反而仲好。章鱼丸︰好多时都食落成旧粉，食落足料又脆。佢地既章鱼丸唔会淋汁搅到腍哂。辛辣豚骨拉面 + 饺子因为我唔太食得辣，所以刚好，不过钟意辣既就应该觉得唔够过瘾！虽然辣味无盖过豚骨味，但我都系钟意豚骨汤多啲。饺子︰香，薄，脆。好食。虾味噌豚骨拉面 + 炸鸡虾味噌汤味道平衡，虾味/味噌/豚骨无抢大家风头。不过本人对虾味噌汤钟意味重少少，如果虾味重啲就啱我啦！炸鸡︰果日挂住讲电话，冻哂先食，以前试过食炸鸡冻左会出油变腍，估唔到今次仲系香脆软滑，惊喜。黑蒜豚骨拉面 + 薯饼黑蒜味香，不过食落又唔觉得好重蒜味，都唔觉得好油，或者可以加试下加啲炸蒜~ 薯饼︰脆，满足。小小补充原本因为仆柒，差啲唔可以去到食哂 4 款口味既拉面，幸好最后都赶得及去，希望老板可以东山再起！希望可以赶及结业前出到 post.同埋原本写好左，唔小心 DEL 哂，无心机再写 -_-....
继续阅读
大阪黑咖喱猪扒饭 $80卖相吸引，吉列猪扒份量大，炸得可口，日式咖喱不太辣，配饭吃一流。辛辣豚骨拉面 $85拉面选用了较幼的面条，日式叉烧带点肥但不会腻，辛辣汤底颇辣的。 跟餐+$30还可配上小食和饮品喔。 日式饺子一口的大小，煎得香口，十分美味。
继续阅读
🍜 虾味噌豚骨拉面 · HK$85 同朋友都食同款拉面。拉面份量正常，偏幼身。汤面头有樱花虾，汤底几滑身，味道几香，唔会太咸。😝 唔喜欢重味嘅我觉得汤底还可以，所以饮下堂汤底都唔会觉得好口干。😗 不过如果你系偏向喜欢浓味咸啲嘅，就可能无咁喜欢啦。豚骨肥瘦刚好，几软滑。不过整体无乜惊喜。.🍢 套餐加配 · HK$30 (一款小食 + 一款饮品).🥢日式饺子 (五件)就系普通豚肉饺子，饺子少少脆身，但可以再脆少少，相信会更香口。.🧆 忌廉蟹肉薯饼 (两件)薯饼好脆身，忌廉几有，几creamy几香，但可惜蟹味唔系好觉有。--📌 免加一服务费
继续阅读
本身听人讲话几有质素，但我唔知佢系咪唔记得咗调味，食落只系得油冇黑蒜同埋豚骨味🤮我朋友试左个虾味增味一样只系食到淡淡嘅虾味，汤底完全唔够浓郁，面亦都唔够弹牙同即食拉面嘅质素差唔多。收费唔算好贵但系呢个价钱可以食到好多更加有质素嘅拉面，就算系连锁店都好食过佢。😊
继续阅读
几个月前 见到天鹫告急 第日就谂住去惩罚佢点唔知其他手足又高效率又卖力 所以我去到个阵 因为部份材料未有 而未开铺👉🏼👈🏼无谂过事隔几个月 碌碌下面书见到既系天鹫结业既消息😢第日即刻拉埋同事外卖自取碗拉面做lunch🍜豚骨拉面🍜 ($75)外卖既拉面会分汤上👍🏽 幼面条保持至爽口既质感汤头好浓厚😋 叉烧肥美又大块~~仲有大量木耳丝同葱!饮左大半碗汤既男同事食完碗拉面都觉饱啊😌呢度除左有拉面食之外 仲有咖喱饭🍛芝士炸鸡咖喱饭 ($75)觉得热浪薯片辣度系极限既同事觉得呢个咖喱有少少挑战性🤭 试左一啖既我就觉得属于微辣~~咖喱入面都有少少肉粒 唔似系现成汁!炸鸡系炸鸡扒~~厚身又大块 但🧀芝士唔太出!+$30可以配小食一款+饮品一罐!我地试左👇🏽(前) 香蒜炸鸡(后)忌廉蟹肉薯饼炸鸡三旧都大大旧 🧄蒜味重又juicy!薯饼就外脆内creamy! creamy到唔系几食到薯仔🥔既存在~~虽然$100up既lunch 对我黎讲 系几贵但而家唔支持 好怕再无机会帮衬喇😢希望天鹫早日物色到又平又正既铺位 早日重开🤜🏽🤛🏽
继续阅读