はま寿司

营业中

休息中

今日Lunch又去左Hama食🥰可能時間尚早，唔駛點等位，10分鐘就入得🩷壽司🍣都照常好新鮮，份量足特別推薦必食<拖羅系列>🥰特別推薦必食<芝士薯條>薯條即叫即炸，熱辣辣好酥脆配埋濃濃芝士醬😍超好味呀

開咗咁耐終於有機會試下，係openrice book 仲唔使等位tim😁款式真係好多，第一次嚟見到menu 幾有驚喜。今次試咗腐皮烏冬，大量壽司（大概2X 碟）同甜品。兩個人，自問算食得多，勁飽，埋單HKD440大路壽司就唔講啦，講幾款比較有印象嘅。海膽壽司： 一般質素，無腥味但亦無甜味，元氣個海膽好過佢炸蠔壽司： 好食，蠔炸得好靚，炸得岩岩好。大拖羅壽司： 中上，無筋，夠肥但入口香味有d 不足帆立貝： 好食，大粒厚身，仲幾鮮甜蟹肉蟹膏： 正常發揮，個人嚟講鹹咗小小但可接受燒和牛壽司： 唔好食，得個鹹字，又乾又無牛味，完全唔覺係和牛，曬咗舊牛腐皮烏冬： 一般水準，夠熱，湯底幾香唔死鹹，烏冬滑溜，個人覺得腐皮過甜烤蕃薯配雲呢拿雪糕： 賣相有d 差，不過味道幾好，蕃薯香甜，雪糕正常貨色，配埋一齊食都幾唔錯，HKD17 超值見到佢其他小食賣相唔錯，下次會再去試🫢🫢

壽司店的甜品更吸引- Day 34估唔到壽司🍣店入面嘅甜品係咁好食 舊番薯🍠咬落淋淋地，甜度高。一啖番薯一啖雪糕🍦可以話係成餐飯嘅完美結局。最喜歡有好多熟食揀 叫左好多薯條同埋小丸子，仲要通通都係12蚊美中不足只係全香港得一間分店，要食嘅就要專登坐車壽吃喇！🐝—————————我是分隔線—————————🐝總結：食物種類確係多，每次來都有不同嘅野食揀到！🫵🏻店名：はま寿司 香港佐敦店地址：佐敦彌敦道238號1樓1號舖

本來想食壽司郎，但要等太耐，所以決定打一次大佬😛食Hama一年前剛開張嚟試食，好失望。事隔一年，進步左好多。吞拿魚三文魚正常水準。松葉蟹系列，好鮮甜，好好味！呢三款都可以。呢兩樣就麻麻地。海膽都係正常大隻既都好味，不過比壽司朗貴。薯條炸得好左，佢本身幼過壽司郎，上年食係炸都干哂，宜家控制到有薯蓉係入面都可以，而且大碟過壽司朗。甜品都好好味！飲品甜品都選擇多，平過壽司朗。一年後，正體食物質素好左好多，飯無以前咁酸同散，識揀都好多好味既野。最好係，可以openrice訂座，就算walk in 都唔洗排好耐。

佐敦新開咗間壽司店有超多口味任君選擇，真係有好多款價錢好相宜既選擇 香辣京蔥絲長鰭吞拿魚確是不俗的，加有香辣京蔥絲夠香口，魚身帶有油花，吃下也覺肥美甘潤😍北海道大生帆立貝鮮甜無比💯好大粒又厚肉，質地順滑，肉質鮮甜，帶著海洋既鮮味😁 大切三文魚🍣肥美夠鮮味，魚油亦突出，厚度啱啱好👍🏽北海道三文魚籽軍艦，啲三文魚籽俾得好闊綽，好新鮮肥美又鮮甜😋 吞拿魚三味一次過可以試晒三款唔同嘅吞拿魚，每款都肥美又鮮美，超正👍🏽仲有其他好多選擇可以揀。

知道呢間壽司店係佐敦開會分店，好快就網上Book 定檯等食，去到準時入座⭐️北海道三文魚籽軍艦⭐️三文魚籽每粒飽滿，充滿魚油鹹香，加上賣相澎湃，集視覺、味覺、口感於一身！⭐️香辣三文魚沙律手卷⭐️手卷非常足料，每一啖都是三文魚，三文魚的味道很新鮮，魚味很夠，油脂分佈也很平均，醜埋香辣沙律醬一齊食好美味😋⭐️北海道白味噌拉麵⭐️味噌拉麵湯底好味，拉麵食到後期都唔會太腍，配料係半肥瘦厚叉燒，叉燒好腍又入味，仲好大片！⭐️北海道千層蛋糕😋千層蛋糕流心效果一流，蛋糕香甜。

同朋友食完呢間日本菜「はま寿司」立即記錄✍🏽，下次要再食。首先，餐廳裝飾行走簡約風、環境好舒服，店員態度仲超好😙🌹香辣三文魚沙律手卷 $17 🌹紫菜新鮮又乾身脆口，三文魚滑溜無比，辣味同沙律相映成趣，勁好味！🌹北海道三文魚籽軍艦$17🌹賣相好靚好喜歡！大大粒三文魚籽，配上軟熟可口既壽司飯，令人不能停啊😚！🌹炙燒鹽味檸檬WAGYU烤牛肉$17🌹呢個價值有呢種多層次口感味覺既壽司真係性價比極高，首先牛味濃又嫩滑，加上帶酸同咸味既口感，令人要讚嘆😌！🌹扇貝茶碗蒸$22🌹又有蝦、三文魚籽同大粒扇貝，呢個價值配呢幾款食材，仲要新鮮又爽口好味，性價比極高☺️！🌹抹茶檸檬梳打 $12🌹非常特別啊！檸檬酸味同抹茶香濃味係口內散發，再加上汽泡，令人感覺清新🤩！

呢間日本過江龍嘅壽司餐廳，喺佐敦都開咗一段時間，聽人講評價一般，所以一直都未去試。呢日夜晚差唔多7點去到，本身都擔心要排長龍，好彩竟然唔洗排隊，仲有卡位坐，座位都坐得舒服。餐點選擇都幾多，好多選擇，係天婦羅方面少啲，但壽司都意外地好食，得呑拿魚係好唔掂，完全扣分。另外，拉麵都意外地好食。叉燒豬骨拉麵湯底濃，但唔會好鹹，或者好油，拉麵麵條都好彈牙好食，平時食豚骨拉麵最怕係勁油或者勁鹹，呢個就唔會。呑拿魚壽司，係全餐最難食，要扣分嘅食物，只有冰鮮味，完全沒有魚味，口感也不好鰻魚壽司，多啲鰻魚汁會更好炸雞都炸得幾香脆，幾好食大帆立貝，真係好大隻，但唔算勁鮮味蠔一般帆立貝壽司三文魚三味炙燒燒牛肉蜆麵豉湯，好鮮甜

星期日下午6:30嚟到已經開始要等位慶幸等咗15分鐘就可以入座第一次點咗鮟鱇魚肝茶碗蒸👍🏻👍🏻之前食過鮟鱇魚肝軍艦覺得麻麻地，但可能今次係熱食，覺得魚肝好香好滑，配埋蒸蛋好好味必食天婦羅細細地一盤分別有蝦、冬菇、南瓜和秋葵每次嚟到必點嘅炸薯條，份量十足第一round叫嘅壽司，今次嘅HAMS牛肉壽司，牛肉擺盤明顯唔靚，三文魚都比較薄種類選擇都算多，帶老人家嚟熟悉都多選擇，白味增拉麵好味👍🏻👍🏻

香港人真係好鐘意食迴轉壽司，今次終於再有一間黎自日本嘅迴轉壽司嚟到香港，急不及待call埋朋友去試吓吞拿魚🛑肉質結實富彈性，入口有淡淡甜味香辣京蔥絲長鰭吞拿魚🛑表面佈滿細緻油花，粉嫩的魚肉入口即化，豐沛的油脂，豐富既口感，極為甘美鮮甜🥰油甘魚🛑油份飽滿味道淡鮮，口感柔軟，整件放入口，鮮味係口腔爆發😄好好味😋HAMA 天婦羅拼盤🛑我最怕就係食到成口油，係呢度可以放心完全唔會呀，薄薄既炸漿食落香脆且不帶油，蝦蝦好大隻🤩真係唔錯

今期想食清淡少少😝所以專程同女友嚟到佐敦食平價壽司，一去到就可以入座了！服務員見我哋一坐低，即刻主動送上熱茶🍵仲好有禮貌和耐心講解落單程序，讚讚🥳🥳落好單後，嘢食好有效率地送上😋一嚟到見到樣樣質素好得喎😍真係冇諗過！壽司店的招牌菜之一💮$17 特盛松葉蟹肉軍艦💮 松葉蟹肉的嫩口與壽司飯的口感相襯，蟹肉上仲淋上一點醬汁，增添咗層次感✨💮$17吞拿魚三味💮完全展現到吞拿魚唔同部位嘅風采，可以一次過食勻哂✨魚肉光澤亮麗，毫無腥味，搭配芥末和醬油一齊食更正🤭🤭💮北海道千層蛋糕💮見到有多層蛋糕片交替堆疊而成，每一層之間都夾有奶油，口感鬆軟濕潤，我好喜愛呢🍮💮$27特盛牛肉烏冬💮原來都好大碗🥹牛肉片煮得好嫩軟，湯汁好重味噌味，味道鮮美濃郁，真材實料！其實係食嘅中途，先生已經讚不絕口！諗定日子要再嚟encore添🤪

星期五晚要放鬆下，梗係食我至愛既壽司啦❤️‍🔥今次老公提議去間叫「はま寿司」到食，餐廳位於佐敦，食完仲可以食埋附近出名甜品添🤭🤭我係第一次嚟，入到去感覺用餐環境幾舒適同乾淨😗卡位位置亦十分闊落🥳點了幾款壽司和小食🥹 ～北海道三文魚籽軍艦 $17：賣相色澤鮮豔，魚籽粒粒都口感豐富。有種的鮮味隨魚籽爆發🔥出嚟！令人回味到不得了～～大松葉蟹腳 $12：亦係我至喜歡既🥰松葉蟹🥰超豐富而豪華的蟹腳，肉質鮮嫩帶有濃郁的海水咸味，清新的口感令人驚艷啊～今次係老公必嗌～炙燒鰈魚裙邊$12：鰈魚裙邊經過炙燒後，外皮微焦，內裡仲保持鮮嫩多汁。醬汁的香氣令到整個味道更加誘人！另外，還點了～北海道芝士薯餅$17：北海道薯餅的口感香脆，搭配埋入面超濃郁的芝士，口味好豐富，讓我地樂而忘返🤩總的嚟講，店員十分專業和有禮，迅速地為客人提供所需的幫助，讓顧客能夠放鬆享受美食。每款壽司都十分美味贏得我同老公的歡心呢🥰 是一個值得推薦的餐廳！

茶碗蒸食日本野真係一定要嗌材料十分豐富有蟹肉,扇貝,熟蝦,仲有啲三文魚籽鮮味同蛋香十足 口感又滑捋捋💯🌟大切生三文魚 壽司有兩件 三文魚好大塊 厚薄好適中夠肥美且魚油香滿滿🌟吞拿魚壽司吞拿魚嘅部位係赤身唔會太肥 夠鮮美🌟大拖羅絕對值得一試拖羅油脂豐腴油香十足 食落入口即化🌟大松葉蟹腳 蟹腳好大條且好厚肉肉質好鮮嫩蟹味香濃🌟炙燒鹽味檸檬WAGYU烤牛肉 和牛唔會太薄 厚厚地肉質煙煙韌韌肉味香濃 加上檸檬汁提鮮更好食

🍣 はま寿司 Hama Sushi 🥢はま寿司 Hama Sushi 位置佐敦，日本連鎖迴轉壽司店，設有卡位和吧枱🍗 炸雞胸軟骨 $12金黃酥脆 軟骨爽脆 有嚼勁 🎏 北海道三文魚籽軍艦 $17三文魚籽顆粒飽滿 晶瑩剔透鮮甜帶點鹹香🐟 吞拿魚三味 $17總共三件 柔軟緊實 脂肪適中 豐富魚油🌊 海膽軍艦 $22海膽柔軟細膩 滑嫩入口即化🦀 大松葉蟹腳 $22 松葉蟹仲大過壽司飯 肉質軟滑綿🐚 北海道大生帆立貝 $22帆立貝幾厚身 嫩滑有彈性

同男朋友係佐敦呢間叫はま寿司的餐廳食飯，餐廳非常大，光線充足，裝修時尚簡約非常乾淨，食得好放心。呢度又有好多壽司和日式料理可食，總有一款啱你！大生三文魚🍣，這份壽司的三文魚塊非常大，完全覆蓋在壽司飯上，感覺食得好豪華，三文魚鮮美十足，口感柔軟與飯粒分明又Q彈的珍珠米壽司飯非常融合！扇貝茶碗蒸材料豐富，有扇貝，蝦肉🦐，蟹🦀肉和大魚籽，顏色鮮艷味道又鮮甜，蒸蛋嫩滑充滿蛋味，風味十足好滋味。吞拿魚三味分別有吞拿魚🍣，吞拿魚大拖羅🍣和吞拿魚蓉🍣，三個部位三種口味極正！吞拿魚蓉入口溶化極之正，成口都係魚油香味。吞拿魚魚鮮味滿滿，食落去味道濃厚但又唔太油好好味！炙燒鹽味檸檬🍋WAGYU烤牛肉🐂大大塊包著整件飯，再加上鹽和檸檬汁，甘香濃郁味道中帶有一絲清新檸檬香呢個配搭真心食過番尋味！海膽軍艦鮮甜到不得了，入口即化，味道濃郁，鮮甜甘香的味道一直係口中盤旋，教人一食愛上。