影片
港铁佐敦站 D 出口, 步行约9分钟
继续阅读
开饭介绍
店名为ともえ鮨 。由两位九州来的日本师傅主理。鱼类每天新鲜由日本直送来港。店内采用了享负盛名的有田烧瓷器来配合刺身和其他料理。
午市亦有套餐供应。
继续阅读
营业时间
星期一至日
12:00 - 22:30
以上资料只供参考，请与餐厅确认详情
一间劲日本的间本料理，唔洗多讲，试就可以了。日本料理食了很多间，但有真正日本地道感觉的真不多，日本旅游区的日本料理应该都没有这感觉。绝对推介，但由于位少，记住打电话订位啊。
继续阅读
六月下旬·晴约了朋友吃午餐，她在尖沙咀，说难谂去那𥚃吃。还不易？来这里。已是三年前发掘的小店，日本师傅主理。食物不错取价公道，午市日替有多款选择，都是百元上下而已。朋友点寿司定食，我吃的是天妇罗饭，俱有水准。前莱是蔬菜沙律，加入黑醋汁吃起来就更清鲜开胃。吃过渍物及炖蛋，天妇罗饭也送上来。淋上酱油的天妇罗好吃，尤其虾是爽甜美味。不过大家要留意，如果想吃「卜卜脆」的天妇罗，这里的不是你那杯茶。结尾甜点是一件小蛋糕及抹茶わらび饼，满足。朋友的寿司用上赤醋饭，也不俗。点菜时，我说其实在吃日本料理而言，寿司刺身俱非首选。朋友也奇怪，作为一个全职食䍈人也如此？或者很多人也不知道，其实有这个性格，才令我走上这条路。谢谢朋友请客，祝一切顺心安好。
继续阅读
一直冇发现原来自己工作地方附近有间隐世日本料理，呢晚做完野朋友话不如试试，心谂冇乜所谓，试下无妨吖，点知推门一入确实又惊又喜，我以为自己去左日本啊！店内客人9成系日本人，但服务生系识讲广东话的。店仔细细但颇有日本风，店员亦服务很好很贴心。晚饭时段先黎个开胃小食，系麻酱豆腐，umm...味道系可以的，但我本身唔喜欢咁既质地豆腐，un un地黏黏地咁 (￣∇￣)我地叫左个sushi set $350，全部都好新鲜好鲜味，2个人食份量都可以，寿司豉油黄豆味好出，唔系死咸果种，要食好西要有好豉油 （爆）盐胡椒炸鸡 $95，好中意个鸡皮炸到咁脆，而且唔油腻，又唔会炸到啲鸡肉干哂，鸡肉依然keep到 juicy，好味道。野菜天妇罗 $70，超中意茄子天妇罗，粉浆唔厚自然炸起黎冇咁油腻啦！佢系炸到个茄子好多汁，我一边食一边狂赞好味，青椒仔同蕃薯都系我至爱，呢个好味又抵食啊！我平日唔多食鱼，因为少少腥味我都怕怕，不过银鳕鱼就例外，好中意佢少少甜甜既汁去烧，鱼肉永远冇腥而且非常嫩滑。呢间隐世小店我绝要再帮衬，服务好食物质素高，真心推介 (^_-)
继续阅读
ともえ鮨。聚。由8月开始嘅Restaurant Week开始认识ともえ鮨，当时冇试佢嘅推广set，但就响8/23去咗食daily lunch set：所有食物一丝不苟放响便当盒中，内含切工工整嘅鱼生饭、烧得外皮香脆热辣辣嘅白身鱼、软滑鲜嫰嘅蒸蛋、前菜家常味道、小巧别致食具，加上热情店主见我对店内食具仔细玩味逐一抹净影相留念又豪不吝啬主动拎埋自家珍藏予我欣赏，心里对此小店产生莫名好感，心里暗暗决定要嚟试佢嘅寿司。是日相约好耐冇见嘅友人K先生，谂住小店较静方便倾谈。我哋各自点咗个寿司定食同特选寿司定食。由于唔系坐吧枱，寿司并非一件件上。一嚟到嘅时候除咗军舰嘅紫菜已经有啲软，鱼身亦未见光身亮丽，心里已将期望减半。立即争取时间，唔理先淡后浓嘅规则食咗军舰先。海胆细细瓣加上食落清鲜甜美冇怪防腐剂味，应该系来自北海道。三文鱼子咬落未至于卜一声，但调味唔会太甜属正常。牡丹虾还算甘甜爽滑弹牙，但绵密胶质黏稠感略逊。带子冇乜鲜甜味。腌青鱼正常。白身鱼唔知咩嚟，个人钟意肥嘟嘟嘅鱼，呢嚿又干唔鲜甜唔肥美非我杯茶。吞拿鱼是结实的，中拖罗多筋，但两者食落未够鲜度。铁火卷亦只系一般。师傅握饭力度适中不会过松散或太实，每件大小形状亦相约，调味盐糖醋略淡未有特别印象。蒸蛋软滑度够之余又唔会水了了，食落有蛋香味及冬菇香，混和鸡肉、带子鲜甜，水准以上。味噌汤以昆布做底冇加任何鱼、海鲜，纯粹面豉味尚可不过咸，个人虽较喜爱略带酒香嘅面豉汤，但呢度做嘅已够水平。今次个咖啡太淡冇乜甘香。由于呢三个月已经将尖沙咀、铜锣湾稍有名气或食评达4分以上嘅鮨店试过哂，如果比相类价钱，尖沙咀首选鮨真，铜锣湾可选千里禅或鮨森。呢度嘅性价比一般，冇诱因再嚟。反而daily lunch set仍好，似乎店舖嘅熟食比较在行。当然整体服务仍是招呼周到贴心满意的。
继续阅读
餐厅在漆咸道被很多韩式食店包围，而且门面亦十分低调.
拉门一道大木口,便会看到日本师博和寿司吧台.装修都系一贯日式的简约,所有都系木.
午餐丰俭由人,价钱由$90-360都有,不收加一.是日叫了一客亲子丼
配上面豉汤,沙律,酸萝卜和一小碟牛肉萝卜.亲子丼不过大失,鸡肉同滑蛋都几滑,鸡肉好多,有少少咖喱味,衬热食就最好!
另外叫左一客自选午餐.自选午餐可以选三款配菜,拣左扬物,烧鱼同三文鱼生.
仲有其他选择,例如沙律,寿司,三文鱼卷,蒸蛋等.
叫扬物有点后悔,只有一粒炸薯仔球,入面无咩料,个酱系平时食小丸子个只味.烧鱼加左柠檬汁都不错,
三文鱼生唔算肥美,但好软滑,质素比平时食开嘅连锁店高.
鱼生丼睇落几细份,但食完都好饱,鱼生有好多唔同款,份量都好多,几好味.
最后系甜品,分别系绿茶泡夫同草饼.
个泡夫中间系绿茶cream,又够冻,好似雪糕咁.赞呀!个草饼系比较特别嘅哈蜜瓜味,几清甜!个日本侍应全程会主动为你不断加热茶,十分好.虽然唔系话质素好高,但咁嘅价钱同地方,仲要有日本师博同侍应接呼,佢做到要求.餐厅嘅师博,侍应,装修同宁静真系会令人有种置身系日本小店嘅感觉.
继续阅读