たまご園 (北角匯) (已結業)

又一次要多謝肯寫食評的各路好友，多謝介紹，在下又吃到好野~而家搵$難，搵到真心好吃的更難。不過來Tamago En準沒有錯，今天來時正值最抵吃的下午茶時段，一於來兩份tea set 呀唔該。梳乎厘班㦸set 同筷子捲薯仔沙律set。原本以為筷子捲可能hea hea 地，但味道出乎意料的好，然後焦糖味pancake 完全係yummy，蛋味出眾，很久沒有嚐到了。餐飲加$20點了原味奶昔，另一杯係咖啡，兩杯感覺一般，不要太期望。總括來說，吃到了心機蛋，哈哈不知所云。有用心製作，而且出餐先來筷子捲，再來pancake，我地兩個人食完咸再吃甜，合曬河車~

今日嚟到北角睇完薰衣草花園去咗一間專食蛋嘅餐廳，餐廳外表已經好得意好有日本嘅感覺，七點經過去到已經要排隊，八點去到等左陣就入得喇～我哋要咗個宮崎和牛漢堡加15蚊要咗雜菜湯同埋沙律雜菜湯非常之足料有好多菜，而且味道都好清，冇乜油，有蕃茄味沙律係日式麻醬嘅沙律宮崎和牛漢堡幾大塊，配料都好多～上面仲有隻太陽蛋～和牛漢堡牛味好濃沃，漢堡口感好腍，肉有少少散，不過表面煎得好香好，內裡仍然有肉汁，脂味芳香～果然係第一和牛！仲配埋薯菜同沙律，真係唔飽都假。公司三文治公司三文治上枱真係驚喜左！顔色好豐富，配料好多，配搭好靚～三文治的材料有煙肉、雞肉、雞蛋、芝士、生菜、番茄，仲有青瓜～成個感覺好新鮮清新～ 而且麵包有烤過，所以非常之脆，非常易食！仲有啲醬汁，成個三文治非常juicy，好高質！感覺一啲都唔乾唔滯，真係冇揀錯～薯條冇算太炸，都ok仲夏菠蘿梳打夠凍，夠味，好菠蘿，解暑不錯之選～

2020年11月13日 星期五今晚又去咗北角個新商場搵嘢食，每一次行到過去都見到好多餐廳，今次我同老婆就去到2樓見到門口寫住大大嘅tamago，一睇就知係蛋料理專門店，出面仲有好多人排隊，於是我哋都唔執輸排埋一份大約等咗30分鐘先入到去，見到裏面嘅裝修好特別，好多都係用蛋做裝飾，就連窗都係蛋嘅形狀餐牌當然大部份都係以蛋為主菜啦，菜式都幾特別，仲有all day breakfast提供添叫左嘢食之後，首先嚟嘅係餐湯同沙律，沙律上面配上麻醬，酸酸甜甜幾開胃至於餐湯就係羅宋湯，裏面有好多材料，所以調味好足夠，有少少辣然後就有松葉蟹肉玉子燒，咬落去食到一層層嘅蛋，口感好豐富，加埋上面嘅松葉蟹肉，感覺更加矜貴之後就有我叫嘅燉牛肉蛋包飯，見到啲飯俾旋風蛋包住，周圍仲有燉牛肉圍住，淨係賣相已經加晒分，然後蛋係十分嫩滑，去買入口即融嘅牛肉，簡直係一絕，同醬汁都好配合，食到停唔到口最後仲有大阪燒風八爪魚卷，真係有大阪燒風味，因為醬汁好惹味，而且仲真係食到一粒粒八爪魚添餐飯由頭到尾都係蛋，但係一啲都唔覺得厭，仲覺得每一道菜色都好有特色添

之前經過這間以蛋為主的料理店、趁今天友人也放假就來到北角匯一試。全個menu也是蛋、蛋包飯、蛋意粉、玉子燒、滑蛋丼等。試了這個signature五款玉子串燒$68、分別是蕃茄仔、海藻醬、親子三文魚、鱈魚子沙律和蟹肉等、色彩繽紛幾吸睛！ 玉子燒得剛好、有蛋香味、親子三文魚鹹甜份量適中、海藻味都幾特別、各有特色。明太子三文魚忌廉蛋包飯 $98 滿滿的玉子覆蓋著、忌廉幼滑creamy、加上明太子味道不錯。另外加 $15有沙律和餐湯。最特別的是這個特製TKP 海蝦明太子忌廉冷意粉、上面好像雲朵的是特製生雞蛋。凍食的意粉軟硬適中帶點爽滑、海蝦彈牙伴上明太子醬、酸酸甜甜更加滋味。

Tamago-EN特製 5款玉子串燒 $68日文餐廳名難讀 所以我叫佢嘅英文名Tamago用得餐廳命名嘅選擇通常都有返咁上下水平 呢份玉子目測好多枱都有叫 我都唔執輸叫返客實物同menu圖示一樣咁精緻 相當吸睛 5款口味分別係蕃茄仔、海藻醬、親子三文魚、鱈魚子沙律、蟹肉 材料放喺竹籤穿起嘅方形玉子表面嘅正中央玉子最怕煮得老 試左啖覺得處理得唔錯 而且相當有蛋味 沖澠蛋加持似乎真係係唔同啲 你會見menu上嘅推介icon都係隻蛋蛋 可以睇得出餐廳對自己用嘅沖澠蛋相當自信玉子有口感有蛋味 啲料都幾啱我好味 最鍾意鱈魚子沙律 而三文魚就由友人代勞 竹籤記得要慢慢拎起 避免材料跌落 個人鍾意蛋連料一齊食呢份小食唔算小 可以當得上係招牌菜 必食之選Tamago-EN親子丼 $78又一份以餐廳名命名嘅選擇 今次係主食餐牌圖示幾吸引 望落汁多質 用日本米 可以加錢轉set 我就留肚試其他所以無轉到碗飯上枱 賣相無餐牌咁靚 好在味道搭救 望落偏乾其實親子丼嘅汁入哂飯度 好食同易入口 滑蛋同雞肉都咁嫩口 整體嚟講係一碗唔錯嘅親子丼跟飯仲有隻匙羮裝起嘅柚子醬 味道係唔錯 不過份量太小 如果只係想少少地加一

素來喜歡蛋，這夜，與友人去Tamago-EN吃蛋蛋蛋全蛋宴。餐廳裝潢以蛋為主題，色調以橙與白為基調，亮麗富活力。置身其中，可以把煩惱一掃而空。珍珠奶茶與三得利啤酒，各有捧場客。他說，要吃炸雞，豈能少了冰凍啤酒！餐廳特選日本沖繩直送最新鮮的雞蛋，蛋味濃郁。說起日本雞蛋料理，玉子燒必定是其中最為經典的料理！五款玉子串燒，配料分別有蟹肉、鱈魚子沙律、親子三文魚、海藻醬和番茄仔。師傅層層疊疊，把蛋液加至八層之多，最後把玉子燒切開製成串燒，方便客人食用。玉子燒至香甜厚實，咬下去蛋香盈腔，教人好不滿足的！炸至外層酥脆可口，而內裏嫩滑多汁的南蠻炸雞，與啤酒無疑是天生一對！他，幾乎一人獨吃了大半。海蝦明太子醬冷製意粉，最耀目還是如棉花狀入口即融蛋白上那隻金黃生蛋黃。吃前，把蛋白與生蛋黃與明太子醬冷意粉攪拌在一起，意粉入口鮮香無比，既creamy又稠密細滑。甜品，當然少不了大熱的梳乎厘班戟，我們要了士多啤梨味。侍應甫送上，陣陣誘人香味撲鼻而來。鬆軟的梳乎厘班戟充滿蛋香，口感鬆軟綿密，即叫即製熱辣辣，伴上香滑的忌廉，香甜而不膩。

繼上次食過翻尋味, 知道公司附近都開左Tamago-EN, 緊係要放工去幫襯下。主打沖繩雞蛋,  餐牌裡全都是蛋蛋蛋, 由主菜到玉子燒到甜品到飲品, 好多選擇, 間唔中仲有新款式 。親子丼 ($78) – 有別於坊間嘅全熟蛋親子丼, 呢碗飯用左半熟蛋, 加埋珍珠米, 更香更順口, 簡單又美味。黑糖珍珠奶茶 ($38) - 第一次用咖啡杯飲珍奶, 感覺好攪笑奶茶好滑, 有淡淡黑糖味, 唔似連鎖店咁死甜~芝士明太子筷子捲 ($38 一條) - 口感有D似大阪燒, 層次豐富, 入面係麵糊外加一隻太陽蛋, 外面灑上鰹魚乾, 好惹味! 日式拿破崙義大利麵 ($78) - 茄汁醬好酸甜開胃, 另外有一整條司華力腸, 撈埋溫泉蛋食, 真係滑到入喉嚨份量亦不少的!

一直都好想試這間餐廳，本身好喜歡食蛋的料理，Tamago的雞蛋都是由沖繩直送的，日本當地寫明可以生食用，最緊要食得安心！ 這天正好要去北角，可以一試了！ 晚上都很多人，蛋料理果然很受歡迎！ 看著menu，款款都好吸引！ 小朋友一定會喜歡！ 我覺得必定要試玉子燒！ 我們選了5款玉子串燒，賣相極之吸引，好睇又好食！ 餡料是放在玉子燒上的，分別有番茄仔、海藻醬、親子三文魚、鱈魚子沙律和蟹肉。 玉子層次豐富，暖暖的，充滿濃郁蛋香，玉子燒香甜軟滑！5款各有特色！ 燉牛肉蛋包飯 充滿濃厚牛肉香氣，燉牛肉好入味，份量不少，蓬鬆滑嫩的旋渦蛋包住珍珠米飯，加上燉牛肉醬汁，每啖都好滿足！ 海蝦明太子忌廉意粉 明太子粉絲一定要點，每條意粉都掛滿creamy的明太子忌廉，意粉質感不錯，彈牙，蝦好爽口！ 今次吃得太飽，下次會留肚試一下Tamago的甜品，梳乎厘班戟都好吸引！ 

========================📍蛋全部都係蛋‼️ -- TamagoEN🍳🥰見過唔少blogger介紹呢間以雞蛋做主題嘅餐廳，身為蛋控嘅小編已經bookmark咗好耐，前幾日就同咗@breadismyboyfriend去試下🤪餐廳用上黃、白、橙色做主調，就連枱同鏡都係用上雞蛋嘅形狀，超級得意😋另外呢到嘅菜式係用上特選嘅沖繩直送嘅雞蛋㗎🙈------------------------------⭐️燉牛肉蛋包飯（$118）賣相好吸引，一上檯香氣就撲鼻而嚟🤪蛋皮食落嫩滑濕潤，蛋香濃郁😋牛肉汁鹹鹹甜甜，用嚟撈飯一流🥰燉牛肉有好多塊，口感軟腍仲好入味🤤整體唔錯值得一試👍------------------------------⭐️生雞蛋拌飯（$39）加牛油果（+$18）生雞蛋黃被打發起嘅蛋白包圍，將蛋黃督穿再加入飯素、豉油同白飯撈埋，啖啖都散發住雞蛋香，簡簡單單嘅配搭已經比人好comfort嘅感覺🤤小編同朋友都好中意👍------------------------------⭐️芝士明太子筷子卷（$28）呢個係用筷子捲成嘅大板燒～內餡有明太子同芝士，鹹香十足，點埋蛋汁一齊食令口

If you are picky with your eggs, this is the place to be for it! Tamngo-en is a chain restaurant where they 3 outlets in HK. One is at Yuen Long, Mongkok and North Point.  They all have egg decorates within the restaurant and as you can guess, every are egg-related. The branch we visited is the North Point branch. It was quite due to the current Covid 19 situation. But the branch is light up and ready to serve you the best sunny side egg to egg benedict. We’ve ordered a Japanese beef burger, sig

因為今年冇得去日本, 好掛住年年去日本玩既時候好多時早餐都用生雞蛋送飯, 真係好好味正以為今年唔可以再有咁既享受既時候朋友就介紹左D間用日本蛋做招來既餐廳,冇得唔黎食啦係北角滙, 一出地鐵站行幾步就到, 夠晒方便,跟餐+$15叫野食+$15就有湯同埋沙律, 湯完全唔係水汪汪既湯, 而且足料濃湯, 好味; 另外沙律菜好新鮮, 好味又健康海蝦明太子忌廉意粉-$88一上到枱就係食下隻生蛋睇下咩料先, 一食就知正野啦, 咁我就留返少少蛋汁撈埋意粉食, 正!!! 而海蝦都幾多下, 而且係好彈牙, 抵食呀D個!燉牛肉蛋包飯-$118蛋包飯又係食蛋人士必點既菜式, 蛋上枱時又滑又香, 廚師功力好呀, 配埋飯食真係一流, 而燉牛肉燉得好入味, 而且完全唔似湯渣, 係完全既一舊牛肉, 堅好味珍珠奶茶-$36D個珍奶係偏重奶味, 我鐘意喎!總結係一間好有特色既食日本蛋餐廳, 想解鄉仇既朋友一定要試下!

不知道有沒有人很喜歡吃雞蛋料理呢？這次去到北角匯二期的 Tamago-EN たまご園 就是日式雞蛋料理專門店喔單看店的裝潢已經看到不少雞蛋的元素嘛～有沒有很可愛!? (笑)順帶一說～這裡是使用日本沖繩直送新鮮雞蛋！由沙律、小食、主食到甜品都是各式的雞蛋料理，都相當吸引的耶主食我們點了兩款 - 大阪燒得八爪魚捲 ($78) & 芝士明太子筷子捲 ($38)前者就是蛋捲內的是章魚燒內餡！滿滿的薑絲還有八爪魚粒後者的芝味濃郁，但不太怎吃到明太子的味道。半熟蛋沙律三文治 配薯片 ($48) - 有點後悔點了這個～主要是因為這三文治的方包偏乾，吃落不像是新鮮麵包。蛋沙律倒是正常有蛋香～另外配的是鹽味薯片海鮮番茄忌廉蛋包飯 ($108) - 酸且帶微甜的番茄吃落幾開胃海鮮有蝦、帶子和魷魚；蛋也很滑嫩。原以為內裡的只是白飯，但原來有菇～不過飯的口感偏硬了點 ... 因為等位時看到別人點的甜品很吸引，所以未選到主食就先決定了甜品菠蘿黑糖珍珠梳乎厘班戟 ($98) - 蛋香十足的梳乎厘班戟。配料真是幾特別，是焦糖菠蘿來～而且酸酸的珍珠亦很有嚼勁，再加上楓糖漿來吃，比想像中有驚喜啲

日本蛋一向深受港人歡迎，是超級市場最受顧客喜愛的三大貨品之一。日本蛋蛋味濃郁，蛋黃色澤鮮明，可以做多款日本料理，如壽喜燒、shabu shabu、蛋包飯、溫泉蛋、梳乎厘班戟等。Tamago-EN以冲繩蛋做出多款料理，整間餐廳從內到外都以蛋作為主題。自家製布丁自家製布丁最先上枱，布丁質感滑溜，蛋味香甜，加上焦糖醬就更加甜美。海蝦明太子忌廉意粉所有意粉及飯加十五蚊可以轉為套餐，有味噌湯及沙律。海蝦明太子忌廉意粉是意想不到的美味，海蝦有五隻之多，質地爽脆帶有蝦味，明太子微辣，份量足以拌勻每條意粉。意粉上面的溫泉蛋，弄破後蛋黃汁濃稠鮮甜，令意粉更為美味。燉牛肉蛋包飯蛋包飯不是一般的奄列蛋包飯，而是旋風蛋包飯。金黃色的旋風蛋，入口嫩滑，生熟程度剛好。燉牛肉肉質軟嫩，肉味濃郁，蘑菇碎爽脆，清甜多汁。

今晚一心去北角匯影相，首要是去填飽個肚先，第一次來這裡覓食，路經此店，被外貌吸引入去，原來此處的主要食材是由沖繩縣直送的鷄蛋，怪不得整間店舖充滿了雞蛋的裝飾!招牌玉子燒($38)叫得做招牌玉子燒，一定有番咁上下，口感軟綿綿，又充滿了蛋香。芝士明太子筷子捲（$38）將明太子、蔬菜、芝士等材料一起燒，然後用🥢捲，再在上面加上木魚碎和沙律醬，最喜歡吃到半溶芝士那種口感，就像是在吃大板燒一樣。宮崎和牛漢堡配太陽蛋($128)和牛漢堡頗厚身，牛味濃郁又夠juicy，還有沙律菜作配搭，減低油膩嘅感覺，賣相也別緻。親子丼（$78）主要是鷄肉和蛋，鷄肉夠滑但味道略為淡一些，幸好有柚子胡椒伴上，喜歡重口味的朋友，筆者建議要沾上柚子胡椒來帶出味道來。

今日嚟到北角匯, 呢度有好多特色餐廳進駐, 我就一直想食呢間 雞蛋料理 Tamago-EN。佢嘅特色係每款菜式都會加入雞蛋烹調, 而雞蛋係由日本沖繩縣產地直送, 優質有保證！海蝦明太子忌廉意粉海蝦爽滑彈牙, 明太子嘅鹹鮮味配上香滑忌廉做意粉, 已經令人流曬口水。加上最重要的溫泉蛋, 一打開蛋黃汁緩緩流出, 幼滑細緻口感creamy, 回味無窮！雞肉親子丼雞肉烹調得非常出色, 軟嫩無骨啖啖肉, 加上特色雞蛋, 蛋味濃沃, 幼滑細緻, 一如其名適合小朋友食！三文魚親子玉子燒識食就一定食玉子燒, 可以食到天然雞蛋嘅原味道！口感軟熟細緻, 加上三文魚肉碎和魚籽, 增加口感提升鮮味！士多啤梨奶昔士多啤梨奶昔混和雞蛋, 沒有想像中的杰身感覺, 反而口感輕盈嫩滑順口, 更加突顯士多啤梨果味鮮甜！