しば

呢排朋友愛上居酒屋. 今次佢又搵到間高質居酒屋. 喺西環堅尼地城啱曬港島人嘅我.  一間充滿日式氛圍嘅居酒屋—"しば "，店舖不算大, 光綫偏暗氛圍非常Chill , 座位唔算太多,  設有幾張4人枱, 同有吧檯可以隔著玻璃睇住厨師做串燒.  我地兩個人揀左坐吧檯.  ORDER 杯啤酒享受下先. 枝豆 -  新鮮, 爽口酣甜. 山葵八爪魚-  清新,有點刺激辣辣地嘅八爪魚 ! 蒲燒鰻魚  - 燒得香脆爆汁, 必食! 免治紫蘇雞肉棒  -  啖啖雞肉帶紫蘇香味，有驚喜個醬汁混合得宜不會太咸.  仲帶出左雞肉嘅焦香味, 非常好食 !大蔥雞肉  -  雞肉嫩滑多汁, 大蔥超香 ! 黑豚露筍卷 - 用薄切嘅豚肉包住露筍，感覺好輕盈食到露筍的感覺，冇俾豚肉肉味搶走。豆腐 - 香脆可口. 牛舌 - 厚切牛舌, 外焦內嫩, 咬落口感好, 爽口.  好juice濃牛味，熟度剛好爽嫩！雞腎, 雞肝, 雞軟骨  - 燒得剛好. 全部都外焦內嫩多汁.  馬友一夜干 -   餐廳自家醃製 , 鹹香味足, 肉質鮮嫩 , 配酒一流.   啲魚香味真係好香！鰤魚鮫 -   魚鮫肉質飽滿,  滿滿嘅魚油脂, 燒得外皮酥脆, 內裡能鮮嫩多汁,  魚肉的味道濃郁，帶有微微的甜味和豐富的油脂。配檸檬汁落條魚度更開胃. 茶漬飯三文魚 ,  燒飯團味噌、明太子  - 兩個主食都好出色.  特別係個燒飯團 , 每一口都回味可口. 滿滿嘅明太子咸鮮味超香。 特別一提， 店員服務好到位又親切。 跟進加水， 收理吉碟以便我們用餐。 しば Shiba西環堅尼地城士美菲路11號地舖…查看更多

今日係港島呢邊行街，行攰左係附近搵下野食 ，見到呢間居酒屋好靚啲裝修好日式，入去食下先🤓我叫左宮崎a4和牛 🩷🩷🩷🩷🩷佢個牛味比較濃，而且肥瘦都好均勻，肉質唔韌好淋。我中意🤩跟住佢配咗個前菜係蒜蓉汁螺肉個醬汁甜甜地好開胃而且螺肉都好彈牙。再叫左我最愛嘅燒鱈魚乾🩷🩷🩷🩷🩷次次去居酒屋必食，脆到好似食薯片咁😂宮崎黑豚肉腸🩷🩷🩷🩷🩷燒過既黑豚肉腸，肉味更加濃，同埋咬落去爆汁，點埋啲黃芥末醬食辣辣地好過癮。蒜燒同鹽燒牛小排🩷🩷🩷🩷🩷我覺得佢口感偏有嚼口，但係唔韌。同埋佢加咗啲鹽食落啲牛味比較濃。我個人覺得蒜燒好有驚喜，因為平時蒜蓉係加落啲海鮮度好少加落牛排上，佢加係牛小排啲蒜蓉味唔會蓋過啲牛味，而且兩種口味都食得出。好夾。大葱雞肉🩷🩷🩷🩷🩷我最中意啲大葱係燒過，因為燒過先夠甜同埋好juicy，而且啲雞肉都好滑，再加埋啲燒汁，好惹味呀。一口甜蕃薯同粟米🩷🩷🩷🩷🩷 甜蕃薯燒得好淋又甜好味，而且粟米加左燒汁，甜甜咸咸好過癮，咬落流曬啲汁。鹽燒豬頸肉🩷🩷🩷🩷🩷啲豬頸肉燒得好腍，同埋佢落咗啲鹽唔會太鹹食落豬味好濃。櫻花蝦墨魚棒🩷🩷🩷🩷🩷真係食到一粒粒嘅櫻花蝦同墨魚片喺個墨魚棒裏面好正又有咬口，好夠鮮味。羊架🩷🩷🩷🩷🩷師傅好細心驚客人整污糟隻手包得好靚個羊架，而且食落唔係太騷，同埋可以點埋佢個黃芥末醬，加埋羊架度食。好夾又唔會太漏。蒲燒鰻魚🩷🩷🩷🩷🩷佢係用新鮮嘅鰻魚肉燒，啲魚肉燒到啱啱好，唔會太乾食落好彈牙。同埋佢個皮都燒到好脆，加埋啲燒汁一齊食好正。帆立貝串燒🩷🩷🩷🩷🩷唔會燒到太過火，咬落去啱啱好有啲鮮味，而且好大粒，加埋啲Wasabi同原本帆立貝加咗啲燒汁一齊食，甜甜辣辣好過癮。安格斯牛肉烏冬🩷🩷🩷🩷🩷天氣凍冰冰食反一碗熱辣辣嘅烏冬，真係好暖笠笠好加分，同埋佢個烏冬好彈牙，加埋啲昆布同埋牛肉一齊食，好滿足。最後梗係叫咗兩支提子味紅富士汽水🩷🩷🩷🩷🩷提子味好濃，食飽梗係要飲返支汽水啦。最鍾意飲呢個牌子嘅汽水。冇諗過新發現呢間居酒屋啲野食咁有驚喜👍🏻下次可以帶朋友再食吓其他嘢先…查看更多

朋友介紹吓，今晚嚟咗堅尼地城非常地道嘅日式居酒屋😍 餐廳環境氛圍真係簡直好似去咗日本咁🤭 仲要師傅喺你面前即燒串燒 好夠火喉🔥🔥 叫咗勁多串燒嚟食 配埋清酒一齊食真係一流🤤🤤 叫咗杯柚子sake, 非常啱女仔飲‼️酒嘅完全唔重 好似飲緊柚子蜜多啲😆櫻花蝦墨魚棒燒大蝦燒鰻魚｜浦燒、鹽燒黑豚露筍卷梅子紫蘇雞肉大蔥雞肉燒飯團｜味噌、明太子帆立貝串燒宮崎黑豚香腸芝士年糕鹽燒牛小排串鰤魚餃整體嚟講串燒質素非常高質👍🏻火候拿捏得一流 而且食材新鮮 高質素🥹更加出色嘅係燒海鮮 例如燒鰻魚、燒大蝦、帆立貝真係必食‼️ 而且鰤魚鮫簡直係今晚嘅MVP，價錢$138 勁大個魚鮫，而且基本上全部都係肉🤩 魚油脂重，而且飽肚 魚肉多汁鮮美，個皮都燒到好香好脆 一定係必點🥹🥹鍾意食煙韌口嘅朋友首推芝士年糕🤭 口感非常軟糯 同芝士既鹹香非常合襯唔夠飽可以再點燒飯團🍙 大大嚿飯，而且調味合適，唔會過鹹或過淡 燒完之後真係超香超好食非常推薦住得近、附近返工，或者特登嚟堅尼地城拜訪呢間日式居酒屋 都係非常值得🤤🤤…查看更多

去完高先睇戲到附近找食，行咗去兩分鐘路程附近嘅呢間居酒屋食嘢，暗暗嘅燈光，擺咗好多日本火車裝飾，牆架上排滿各式各樣嘅清酒，有一份尤如置身日本嘅觀感💛Drinks Menu提供超過20款日本酒選👍🏻座位下有提供置物籃；師傅燒得好認真，出串燒好快；侍應笑容親切，有禮貌又細心，加分！餐牌上基本串燒選項一應俱全🔥我地唔只食咗咁少野，以下呢度只係少部份，當日係食到飽飲到醉嘅💫燒雞泡魚乾入口有燒汁嘅甜度同雞泡魚乾本身嘅香味，有咬口但唔會太實，係飲啤酒最好嘅朋友～💫雞肝醬燒雞肝外層脆嫩，入口軟綿香醇💫燒鰤魚鮫外層魚皮燒到焦黃香脆，肉質嫩滑，油份充足入口甘香，加少少檸檬汁同醬汁好好食💫櫻花蝦墨魚棒口感彈牙，少少甜甜地少少鹹香，總之惹味💫燒大蝦蝦肉夠彈又夠甜，因為新鮮所以囗感相對好，推介⭐️💫宫崎黑豚肉腸外脆內彈牙，入口爆汁的，豚肉味濃！💫燒豆腐豆腐外面嘅腐皮香脆，有少少煙韌口感，入面軟軟滑滑，睇落平凡不過幾好食💫銀杏外皮韌韌地，有口感💫燒飯團可以揀味噌或明太子口味，有少少飯焦感，香口…查看更多

今日去咗堅尼地城一間日本串燒店嗰度食串燒，見到佢嘅設計真係好靚，有好多火車🚞，喺天花板嗰度有個火車🚄喺路軌度行緊。我同朋友今次就要咗一啲特別嘅串燒：-芝士雞肉釀啡菇呢個芝士啡菇令人喜出望外，個啡菇一切開就熱辣辣噴出啲熱氣好靚同埋芝士都燒到好香食落去睇落去好大嚿，但完全都唔會好滯完全冇制嘅感覺，因為廚師揀咗一啲唔肥嘅雞肉去配襯。-北海道帆立貝串燒呢個帆立貝串燒係廚師好有心機咁樣燒俾我哋，我同廚師隔住個玻璃都覺得好熱。串燒師傅真係好辛苦👏👏-炙燒碟魚裙邊-浦燒鰻魚好香脆，必定要食-免治紫蘇雞肉棒 佢嘅醬汁係雞蛋同埋醬油混合食非常Perfect-宮崎A4和牛我個朋友食呢個和牛一句聲都冇出，因為實在太好食。食完成個和牛先至答我，真係好鮮嫩，做出和牛應有水準。-黑豚露筍卷呢個用咗好薄嘅豚肉包住個露筍，感覺好輕盈食到露筍的感覺，冇俾豚肉肉味搶走。-野菜沙律🥗食咁多肉，一定要試沙律中和。-燒明太子用咗蘿蔔蓉去襯托佢嘅鹹味同埋少少🤏辣味。最後食咗兩個朱古力蛋糕，食完一個之後再叫多一個。因為師傅真係整得好好食。…查看更多

西環一帶都係高質美食集中地，今次就係西環搵到間唔多起眼但好高質嘅日本居酒屋しば！成日經過都想食㗎啦，只係湊住小朋友比較難，終於扚起心肝約老友去食！店內環境好有日式氣氛，擺設好多都係日本🇯🇵入手，店員話老闆係日本人，好喜歡收藏一啲JR火車嘅模型，放咗喺店內！有預約，店員可以安排坐喺bar枱，睇下師傅燒串燒嘅手藝，好正！味醂魚乾🐟雞泡魚乾加上醬汁燒製，既入味又煙煙韌韌，沾少少沙律醬味道更提升！櫻花蝦墨魚棒🦐櫻花蝦嘅獨特味度混合墨魚嘅爽口製作成棒，口感豐富好彈牙！豬頸肉🐽豬頸肉本身口感就爽口，但呢間串燒嘅豬頸肉燒得爽彈嚼勁好正！雞皮🐥燒到外脆內綿，加鹽燒特別香味！牛舌🐮牛舌我覺得係燒烤嘅靈魂，每間牛舌都唔同，比較喜歡這家嘅燒牛舌外面燒到少少脆，入面係好juice嘅濃牛味度，熟度剛剛好唔會韌！北海道帆立貝串🍢最值得推介而且係必點，大大粒帆立貝已經夠鮮味，上面點綴咗少少山葵令味道更提鮮，好大滿足感！自家製免治紫蘇雞肉棒🐔免治雞肉棒好多地方都食到，都係會配備生蛋醬油食嘅！有別於其他，呢間還會配上紫蘇葉一拼燒，啖啖雞肉帶帶紫蘇香味，啖啖都有驚喜！馬友一夜干🐠一夜干係日式料理文化上都可以有蛋種唔同嘅魚，今次呢間就採用一夜干之最～馬友，配鹽巴一起燒，啲魚香味真係每一口都美味！汁燒牛腹身🥩之前見到啲人介紹呢個係必食，黎到係意想不到咁美味，除咗濃厚牛味之外，配上汁燒嘅肉更勝一籌！Highball🥃話明居酒屋，又點少得有酒呢！每次去日本居酒屋或香港日式料理，我都會揀Highball，同燒烤好配！🥃しば Shiba…查看更多

🍽️しば Shiba📍西環堅尼地城士美菲路11號地舖香港交通四通八達，其實搭港鐵去度度都好方便，朋友呀話西環呢間居酒屋唔錯👍都唔係好遠啫，搭港鐵係埾尼地城站B出口，大約行約4、5分鐘就到，絕對值得嚟試吓😃今晚試咗好多款食物，樣樣試D，好滿足❤️～馬友一夜干廚師推介的，用獨家秘方親自醃製，果然鹹鹹香香，肉質香口又不會太硬，師傅好有心機燒，淨係賣相已有驚喜啦，全條都燒得非常均勻，係好靚嘅金黃色，水準一流🤗～鰤魚鮫 魚鮫肉質飽滿，燒得外皮酥脆，內裡能保持鮮嫩多汁，魚肉的味道濃郁，帶有微微的甜味和豐富的油脂。師傅有心思，擺盆還有綠葉來增添色彩，仲有檸檬片，我加咗少少檸檬汁落條魚度一齊食好開胃😋～牛舌 厚切嘅牛舌我最鍾意，燒得恰到好處，外焦內嫩，咬落去口感好正，爽口有嚼勁 😄～雞翼 食串燒一定要食雞翼㗎啦，燒到金黃色好靚呀，脹卜卜，皮燒到脆卜卜，非常惹味🥰～蒲燒鰻魚串 皮燒得香脆，調味剛剛好，尖嘴老公都話好味，絕對係一個好選擇🤤～櫻花蝦墨魚棒 食材新鮮，好彈牙呀，墨魚肉加埋櫻花蝦特別香，口感豐富👍～羊架 師傅燒烤的技術實屬爐火純青，上枱賣相好靚仔🤣外面金黃香口，內裡又唔會乾，羊肉既香氣四溢，一試難忘🍖🔥～芝士年糕芝士與年糕嘅組合係我食串燒店嘅指定甜品🤣外層金黃酥脆，內裡軟糯彈牙，芝士嘅香濃與年糕嘅Q彈完美交融，正🧀🍽️😋～紫蘇梅醬雞肉 原來紫蘇梅醬酸酸地又鹹鹹地，同雞肉都幾配搭，非常開胃清新，口感豐富😃～澳洲牛腹身 師傅好手勢，外層香口 ，入面肉質粉嫩多汁 ，牛味濃郁，必試之選😍～羊頸肉豬頸肉就食得多，羊頸肉就第一次試，OK喎，食得出食材係新鮮嘅，羊味濃郁但又不太羶，啱我哋胃口🤗總括嚟講，呢度好有日本居酒屋feel，食物水準高，個個員工都很親切有禮，黎呢度食嘢就好似去咗一趟日本旅行咁，好正😍…查看更多

一直嘅to eat list 今日終於要嚟食😚😚一入到去 裝修會唔會太得意!!🚂🚂🚂有小火車係頭頂行嚟行去🤣勁cute!!!!💗除咗裝修靚，食物都勁高質！💗大推 燒明太子，瀨尿蝦天嫦羅，蒲燒鰻魚同芝士年糕!!!!!🥹🥹💗好食到癲🥳🥳🥳💗燒明太子燒明太子鹹香味濃😚一路飲酒一路食，勁夾！！💗瀨尿蝦天婦羅外脆內嫩！但完全唔會蓋過鮮味🤤💗 蒲燒鰻魚蒲燒鰻魚一上枱已經知好食🤣色澤同香味正到！鰻魚肉燒得滑嫩之餘係彈牙！諗翻都重係覺得好好食😋mark定下次要再去💗💗-…查看更多

朋友介紹過呢間日式串燒店質素唔錯，今日一試，果然高質！每一道串燒都係即叫即燒，感受到食材新鮮，又熱辣辣送到枱面。餐廳服務仲好貼心，一碟一碟慢慢上。特別推介以下菜式：1. 馬友一夜干: 餐廳親自醃製，鹹香味恰到好處，肉質鮮嫩，適合作為下酒小菜。2. 櫻花蝦墨魚棒: 櫻花蝦的鮮甜與墨魚餅配合很好，絕對唔好錯過。3. 牛油煮蜆：蜆肉鮮嫩，加上牛油的豐富口感，正！如果可以加多啲酒味就更加好！4. 燒牛舌：牛舌外焦內嫩，味道濃郁，肉質彈牙！氣氛方面，小店放咗唔少日式玩具小火車，有舊日本情懷。總括而言，小店好適合同朋友飲酒食飯，慢慢吹水。…查看更多

shiba @ 西環呢間一路係我口袋清單入面好想試既餐廳…因為西環經過幾次都昅到入面好熱鬧…好有氣氛。今晚終於有機會試下。入度黎感覺比門外偷窺…日本氣氛更濃厚…深色木既裝修好似置身日本居酒屋咁。牆上貼滿酒樽貼紙…成個櫃都放滿清酒。感覺好適合幾個朋友食下野飲下酒既一個好地方。老闆一定好鍾意火車…好多火車擺設…吊櫃仲有會行會走既火車…著埋頭燈好靚。被安排坐bar檯燒燒爐附近…仲可以睇到師父手藝🤩🤩。今晚點左好多野食雞皮 呢度燒得好正…皮脆又唔會柴皮…雞胸軟骨 鍾意有雞肉lung住牛舌 厚切 好juicy 紫蘇梅醬雞肉 加左紫蘇葉包住 個梅醬酸帶鹹 …估唔到同紫蘇咁夾…雞肉係好有彈性雞腎 生熟剛剛好雞軟骨 夠大粒 就咁落少少鹽調味就夠豬腩肉 呢個好味…好香脆…油香好正黑松露筍卷 露筍好嫩 好香脆雞翼好大隻 燒外皮脆…裡面仲有肉汁流出燒豆腐 醬汁甜甜地…加薑蓉…豆腐好有豆香…雞肉免治棒 如果入面多d雞軟骨就好了櫻花蝦墨魚棒 好香櫻花蝦味 墨魚味都幾香…如果可以再彈牙d就正獅魚鮫 肉質燒得好滑 油份都幾重鹽燒鰻魚 加少少黑椒調味啱啱好…肉質彈牙燒青椒仔, 明太子飯團就正常發揮除左食物有質素…仲要讚下呢度服務好細心…店員見你飲品飲完…唔再order會另奉上冰水。師父又會因應進食速度調節上菜快慢👍🏻👍🏻#相機先食 #cameraeatfirst #foodporn #foodlover #yum #eating #instagood #foodgram #foods #foodstagram #foodies #foodphotography #fooddiary #food #foodblogger #hkfoodie #香港好去處 #西環美食 #shiba #居酒屋 #日本菜 #串燒 #清酒 …查看更多

每次去日本旅行最鍾意就係捐窿捐罅搵串燒居酒屋🥰 箇中嘅滋味真係喺日本先會感受到😎 估唔到係香港都有一間居酒屋，令我一瞬間以為去咗日本😍 呢間就係位於西環嘅shiba🫶🏻 Shiba無論裝修同埋位置都似足日本窄巷裏面嘅隱世居酒屋🤩 坐吧枱位置更加可以欣賞到師傅即席整串燒👍 除咗串燒之外，呢度嘅清酒選擇非常多😍 我哋叫咗好多款串燒，真係冇誇張，每一款都非常高質，食得出用料靚😍 其中有幾款我哋非常之鍾意😚🌟櫻花蝦墨魚棒出邊比較少見呢個配搭，呢個墨魚棒又爽口又彈牙，香濃墨魚味🫶🏻 🌟牛舌厚切牛舌燒得外香內軟，夠晒Juicy，調味非常好🫶🏻 🌟免治紫蘇雞肉棒我非常鍾意紫蘇葉嘅味道。呢一個紫蘇雞肉棒紫蘇味夠出，非常香🤩 外皮燒到香脆，雞肉棒嘅軟骨爽脆有咬口，沾雞蛋食，真係滋味十足😃🌟鰻魚師傅嘅火候控制得好好，做到皮脆肉嫩，而且肉質仲非常有彈性👍🌟雞翼好耐未食過咁高質嘅燒雞翼啦😎 雞皮好薄脆，非常香口👍🌟自家製雞肝醬呢個自家製雞肝醬配梳打餅食都幾特別，乾淨質地非常順滑細緻，口感綿密🥰 唔知係咪加咗啲香草，有浸甘味，令到雞肝醬冇咁漏👍🌟燒飯團我哋揀咗味噌醬燒飯團，真係搵返喺日本食嘅味道😍 飯團燒到焦香，配合甜味噌嘅味道，真係必食推介✅我哋仲嗌咗好多其他串燒，全部都真係好好味😌 🌟柚子酒非常清新嘅柚子味，甜甜地好易入口😊🌟桃酒又係好適合女仔飲嘅一款酒，桃味香甜😚呢度嘅氣氛非常好，真係好適合同朋友落嚟飲下酒食吓串燒，真心推薦俾大家🫶🏻…查看更多

▫️宮崎A4和牛 ($355）👉🏻 和牛油脂分佈平均🤭肉質軟嫩口，牛味濃郁，食落入口即融🤤⭐️⭐️⭐️⭐️.▫️燒大蝦🦐($62@）👉🏻大蝦肉質飽滿，咬落爽口彈牙⭐️⭐️⭐️⭐️⭐️.▫️櫻花蝦墨魚棒($45@）👉🏻 墨魚棒爽口彈牙，櫻花蝦嘅鹹香味濃郁，整體非常之惹味⭐️⭐️⭐️⭐️⭐️.▫️紫蘇梅醬雞肉($40@）👉🏻紫蘇香味清新，梅醬酸酸甜甜，夾埋雞肉一齊食好開胃⭐️⭐️⭐️⭐️.▫️雞翼($36@）👉🏻雞翼燒到金黃色外皮焦脆，肉質鮮嫩，用鹽燒好香口⭐️⭐️⭐️⭐️⭐️.▫️雞腎($36@）👉🏻雞腎爽脆有咬口，同樣用鹽燒調味⭐️⭐️⭐️⭐️⭐️.▫️粟米🌽($32@）👉🏻粟米香甜軟嫩，粒粒都好飽滿⭐️⭐️⭐️⭐️⭐️.▫️牛舌👅($48）👉🏻 牛舌外層燒到微焦，咬落軟嫩爽口，仲好Juicy☺️⭐️⭐️⭐️⭐️.▫️車厘茄🍅($25）👉🏻 車厘茄鮮甜多汁，好解膩⭐️⭐️⭐️⭐️⭐️.▫️黑豚蘆筍卷($42）👉🏻 黑豚肉油香十足，夾埋蘆筍一齊食冇漏水⭐️⭐️⭐️⭐️⭐️.▫️柚子酒($62）👉🏻 柚子味突出，酒味唔算太濃，飲落好Refresh⭐️⭐️⭐️⭐️⭐️——————環境：餐廳裝修十足十東京小巷內嘅居酒屋，例如用咗好多木材，牆上排滿咗唔同嘅清酒等等，細節滿滿，所以氣氛好唔錯🙆🏻‍♀️.評分：8/10.平圴消費：～$585…查看更多

Shiba整體裝修頗有日式昭和風，光綫偏暗氛圍非常cozy，我們有幸坐在吧檯，前面隔著玻璃可以看見厨師燒烤料理，我們點了招牌一夜乾，魚用的是馬友，燒烤火候岩岩好，魚皮酥脆，魚肉緊致滑嫩，配上店家的蘿蔔蓉和醬汁，完全佐酒美味！另外我們有點店家招牌墨魚棒，類似免治鷄肉棒，墨魚棒可以吃到完整的墨魚肉，外皮烤到微微焦脆，沾一點檸檬，味道融合超贊。還推薦超juicy的蘆筍豚肉捲，因爲師傅在我們面前現烤，完全可以看到整個烤製過程和師傅功力，完全每一串都是烤到恰到好處！我們還嘗試了各種其他串串，羊架，大葱鷄肉，梅子紫蘇鷄肉等等！全部可以encore！各有風味P.S.推薦桃酒，非常容易入口，果香超濃的！…查看更多

週末去西環碼頭打卡影日落，當然順便打開To Eat List 搵食，就簡左Shiba 日式燒烤居酒屋試一下，地點都非常易搵，堅尼地城站出口行大概5分鐘，餐廳門口已日系原木設計，非常有風格，室內以火車為主題，架空更有玩具火車🚂的穹窿穹窿走動，配已昏暗燈光非常有心思。另外，餐廳燒烤即叫即燒，客人可以透過玻璃看到廚子的燒烤功架。🐙山葵八爪魚非常清新的口感，山葵八爪魚爽脆，🐡燒雞炮魚乾燒雞泡魚乾係居酒屋上客，無失手，甜甜點上沙律醬食，永無失手。🐠炙燒左口魚裙邊絕！估唔到嘅好味，燒過裙邊油未十足。🐟燒明太子明太子控嚟講，呢個一定要，燒過鹹香味更美味，送啤酒絕對一流。🐔燒雞肝燒雞皮燒大腸串燒師傅即叫即燒，每一寸都非常好味尤其是燒雞肝裏面祼著甜甜的串燒汁，入口軟綿綿，無論係口感及味道都非常好食。🍙燒明太子飯團明太子飯團，燒得外脆內軟，而且明太子味亦都唔會太濃喊，贊。…查看更多

港島區一間充滿氛圍感嘅日式居酒屋—しば，餐廳麻雀雖小五臟俱全，店舖環境昏暗，座位唔算太多，但氣氛濃厚又熱鬧，而且擁有形形色色酒精飲品、串燒食物，啱晒同幾位朋友小聚一番🍶 串燒方面，首先推介海鮮類帆立貝串燒，肉質鮮甜美味，配上面層wasabi，辣辣地又juicy! 另外推介自家制免治雞肉串，好特別地有紫蘇葉既味道，配上日本蛋，口感一流！而燒大啡菇口感煙靭，清新柚子香、鰹魚汁味道，配上面層蘿蔔蓉、香蔥碎，令感覺更惹味～ 試咗佢哋嘅梅酒，清新又易入口，整體而言係一間幾唔錯嘅特色居酒屋🏮…查看更多