影片
食家推介
经过餐厅时，见装修旧旧地以为麻麻，所以纯粹谂住填饱就算叫左个鸡汤乌冬锅 试试个汤底好浓白胡椒同埋鸡骨味，浓味得黎又唔会好腻，几好👍🏼鸡肉就正正常常另外个乌冬面同平时食开既日本乌冬唔同，比较厚身同烟靭，问返职员先知原来系自家制，口感都好好整体评分7/10日常饭黎讲，价钱合理又几好食
继续阅读
呢道天妇罗虾炸得金黄香脆，虾肉鲜甜，口感极佳。金针菇更添一丝爽口，扇贝鲜嫩滑口，蚬肉味道鲜美，海味十足。肥牛乌冬煮得刚好，面条滑顺，汤底清甜，令人一口接一口。整体来讲，这道菜式色香味俱全，材料搭配得恰到好处，无论系食材新鲜度还是味道，都令人非常满意。
继续阅读
今日中午去咗大角咀揾朋友食午餐，咁我哋食日本嘢啦决定揾间日本料理食。本身想食拉面专门店𠮶啲但系排晒队咁就算啦，跟住OpenRice见到呢度附近有一间叫做金座嘅日式料理，见到评价都唔错就决定行过去试一下啦。去到门店嘅时候呢发觉都唔系好多人喺度食午餐咁都尚算仲有三份一空位，咁我哋就唔使等位直接入咗去啦。咁一坐低呢？我哋喺度揾紧lunch嘅Menu，但系发觉呢原来冇嘅咁所以呢要食返平时正价𠮶啲嘢食啦，咁我哋就觉得好似有啲贵㖞对午餐嚟讲。Anyway我哋最后呢就嗌咗个牛乳乌冬啦，同埋个海鲜乌冬，但系我个牛乳乌冬呢系都算几好食，因为呢除咗有牛奶嘅香味啦，佢有呢个黑椒嘅味道10分醒神。但系朋友就话佢𠮶个呢就比较咸啦，唔系好多海鲜，咁就一般般啦。简单嚟讲呢佢$75呢个价钱，唔包嘢饮前菜甜品，对于午餐嚟讲，我觉得算系偏贵嘅，但系质素我觉得都算系咁啦，大家如果午餐谂唔到食乜嘢都可以过嚟试吓。
继续阅读
今助系一间日式定食餐厅，喺大角咀已好几年，佢出名嘅食品系乌冬锅。当我哋想食乌冬时都会去今助。今次我哋拣咗豆乳豚肉乌冬锅，牛肉乌冬锅，山海乌冬锅及和风姜汁豚肉饭定食。豆乳豚肉乌冬锅乌冬系自家制，每条乌冬嘅粗幼度都略有不同，不过一样弹牙有嚼头。 豚肉份量十足，鲜嫩无比亦唔肥，配料有金菇， 鲜冬菇，杂菌和青菜，口感丰富。可惜，汤底豆味不够浓味，不过，汤🥣锅上枱时， 奶白嘅豆乳汤热辣辣，口感幼滑，味道都不错，弥补了豆味嘅不足。牛肉乌冬锅牛肉不少兼滑嫰，锅中有一只温泉蛋，混合甜甜地嘅寿喜烧汤底，蛋汁和汤挂上乌冬， 乌冬滑溜无比，味道真不错😌， 加埋配料， 好饱肚。山海乌冬锅山海乌冬材料丰富，有原只帆立贝，几只蚬，肥牛，温泉蛋，杂菜，鲜冬菇，金菇，仲有大大只天妇罗虾。汤底系寿喜烧汤底，帆立贝肉质鲜嫩而且厚身。 大大只嘅天妇罗虾外脆内嫰和鲜甜无。 肥牛滑嫩，加埋温泉蛋，杂菇和青菜， 全个乌冬锅鲜甜无比。和风姜汁豚肉饭定食豚肉鲜嫩多汁， 份量适中嘅洋葱和姜嘅微辛风味，配上日本🇯🇵 酱油和酒，不仅气味让人食欲大开，味道亦非常 好送饭且营养满分😌 此外，定食包了一 小碗配上 天妇罗脆脆嘅乌冬和一碟醒胃酸爽嘅青瓜， 包罗万有，食指大动，正唷😍
继续阅读
今天想享用一个快速午餐，然后下午去行山。平日经过这家店总是看到很多人在用餐，今天就决定试试看。餐牌的选择并不是很多，所以很快就选好了要吃什么。滑蛋猪扒饭定食这个定食包含了三样食物，有青瓜、猪扒饭和一细碗乌冬面。腌制的青瓜味道酸爽，作为前菜非常醒胃。猪扒饭的米饭比较松散，不像一般吃到的日本珍珠米那样黏稠。猪扒炸得很好，外皮金黄酥脆，内里肉质鲜嫩，再配上鸡蛋，不会过于油腻，亦没有油膱味。猪扒上撒上葱花及洋葱，搭配得很好。洋葱可以再煮腍一些，而汁料稍微有点不够甜，可以再多加一点味醂。乌冬属于粗身，有嚼劲，配上一些葱花和天妇罗的脆脆，味道不错，很好吃。豆乳豚肉乌冬锅这乌冬一样属于粗身，烟靭有咬口。汤底非常浓郁呈奶白色，餐牌上声称是用自家豆乳制作的，但并没有太明显的豆味，不过汤还是很香滑、很美味的，不清楚有否加了任何味精。猪肉切得很薄，是半肥瘦的肉，上层瘦肉下层肥肉，还加入了很多葱花、高丽菜、本菇及冬菇，所以吃起来并不油腻。吃饱后来杯绿茶，非常舒服。两个餐的分量都很大，价格也合理，非常划算，难怪这么多人光顾。
继续阅读
您可能会有兴趣的...