影片
招牌菜
相关文章
炎炎夏日气温上升到34C，烈日当空下走在街上，极度需要歇一歇，抖抖气。路过店铺门口，见到有卖雪糕及茶饮，即刻行入去。左望右望后，有几款冻茶可选择，最后我拣咗一款有菊花的青萍果冻茶，$18颇大的一樽。试饮了一口，觉得味道很清新而且不甜，十分消暑解渴，正合我意。之后有少少肚饿，再追加小食烧买鱼疍，$15毎款三粒，摆盘颇具心思。坐低悠闲地叹下冷气，都算慢活人生🤭柜枱嘅美少女待客有礼，加分！有机会再去试试他们的雪糕。
继续阅读
🐣 复活节假期嘅香港周围都冇乜人，去咗转太子近深水埗交界行下，见到间本地雪糕暨小食店，就行咗入去试试～ 🍱 「就系文青」飞碟系列 — 秘制酱汁鱼蛋、烧卖、粟米 & 水果 😋😋😋😋All day sets有两款 🤗 小编拣咗「就系文青」～ 秘制酱汁鱼蛋好弹牙；烧卖好有鱼肉味，而且有咬口；粟米🌽同香蕉🍌不过不失～🌮 「就系文青」飞碟系列 — 厚切午餐肉及粟米芝士酥饼 😋😋😋😋👏🏻 飞碟可免费改为酥饼，即叫即整大约10分钟～ 酥饼少少厚身，咬开明显见到午餐肉粒同粟米粒，有微微芝士奶香～ 整体酥饼少少咸、少少酥～ 😊🍧 「就系文青」飞碟系列 — 提拉米苏初雪😋😋😋😋依款似雪葩，有冰感，系纯素嚟嘅～ Tiramisu嘅rum味好出，属于清爽嘅甜味 😉午餐 💵💵 约港币$70/人💁🏻♀️ 店舖位置近太子多少少 🧐 设有好几张堂食枱，空间感十足～ 依日去到发现佢哋都会畀粉丝摆放应援，亦都会同社福机构合作搞下活动～ 几唔错㖞！😎🙆🏻♀️ 最后，喜欢嘅话，欢迎follow @foodirectory.hk ！
继续阅读
嚟到呢间惹味嘅雪糕店，迎面就系一阵宇治抹茶嘅香气扑鼻🍵！店入面气氛轻松，我叫咗杯「迆游宇治配特色椰子雪条」。椰香、抹茶香，彷佛拍档跳舞嘅味道，同时带出彼此嘅精髓，雪糕嘅质感顺滑到不得了。就算唔系椰子控，都难以抗拒！再来𠮶杯「襟捞配特色红豆雪条」，一啖落去，杨枝甘露嘅芒果酸甜正中蜜桃，椰子雪糕嘅香滑恰到好处。红豆嘅甘香又点缀其中，令味道层次更加鲜明。匙尾嘅Cream brûlée 就正喇！薄薄嘅焦糖脆片喺唇边「啪嘭」一声，之后冧入无比滑润嘅焦糖炖蛋，件件水果直接闪亮入场，新鲜得嚟，经典法式滋味齐晒！行过深水埗，记得唔好错过，唔单止系解暑，系一场味蕾嘅旅行！😋🥥🌈
继续阅读
一直对呢间雪糕店好感兴趣，因为都系以本土口味为主。好似有柠茶、话梅、柠七软雪糕等等。而今次嚟到就有杨枝甘露同豆腐，虽然唔算系好惊喜嘅口味，不过都想试吓。杨枝甘露软雪糕（$38）入口系酸酸甜甜嘅芒果味，然后就系好香浓嘅椰奶味，应该呢款就系纯素雪糕。🤔虽然佢有少少酸酸哋嘅芒果肉同薄荷叶解腻，但整体仍然偏甜，食完个口唇好笠黐黐。😲质感方面未算好滑，但亦未至于食到冰粒，尚可接受。🫣店舖用咗个「迆」字做店名，加上用咗好多香港特式元素，例如万寿无疆印花做甜筒纸、雕花铁闸装饰同本地插画家绘画的深水埗地图，充满本土情怀。 店家仲时不时会借场地俾人搞应援，有兴趣不妨支持下。😂味道：🐽🐽🐽价钱：🐽🐽🐽环境：🐽🐽🐽
继续阅读
迆雪糕专门店豆腐红豆冰雪糕（$38）甜筒可以选两个口味，分别选左豆腐同红豆冰味。上面系豆腐味雪糕，食落豆腐味都几香浓，豆腐浓度10分里面有7分。如果同百福同维记既豆腐雪糕比，迆既依款豆味会更加浓。🥰下面系红豆冰味，食落开头系奶味为主，后调先食到红豆味。虽然感觉红豆味唔太浓，但整体味道都似饮紧红豆冰咁，因为真系食到平日冲红豆冰用既黑白淡奶味道😆雪糕筒好脆。整体雪糕口感好滑，豆腐雪糕系纯素雪糕食落都唔会有冰感，真系似平日软雪糕咁滑。红豆冰味含奶，所以食落口感会更滑更厚。雪糕既甜度适中，唔会过甜，食多d都唔会腻。😁😁个人黎讲，我超级钟意佢个豆腐雪糕，大家有机会去都可以试一下😋
继续阅读