「時間關係」小館 (已結業)

今日，我到了藍屋的一間餐廳「時間關係」吃午餐，點選了營養師推介的燒雞薯菜套餐。這個午餐讓人眼前一亮，賣相非常吸引。鄰座的食客看到我這個午餐都跟著點選這個餐。燒雞表面燒得好均勻，雞皮好香口。不過，這隻雞比較瘦，雞胸有點嚡口，但有脂肪的地方，還是很滑的。配上甜甜的醬汁。可惜沙律菜的醋雖然能夠掩蓋蔬菜帶來的澀味，但還是太酸了。至於薯菜，雖然只是用水烚，但我覺得非常好吃，應該是調味料的功勞。薯仔配上五香粉加黑椒碎，而椰菜就是有淡淡的麻油香味。隨餐附送了粟米忌廉餐湯，可惜是差不多在最後一口喝到了一啖粉，破壞我了對這個湯的感覺。

今天來到位於藍屋的時間關係，地點位於藍屋香港故事館旁。店舖內的裝飾很特別，有一些舊式相機及書藉。吃意粉前先享用隨餐配的粟米忌廉湯。我覺得味道跟濃度適中，不會太糊爛或太水汪汪。意粉非常有蕃茄味，要留意是鮮茄味非茄膏味，伴隨意粉的有蕃茄粒、三色椒絲及海鮮。海鮮有蟹柳、魚片及帆立貝。值得一讚的是帆立貝，大粒有鮮味，而且有粒粒的春。但個人認為碟內的沙律菜和紅菜頭連黑醋味道太酸，酸到令人流口水，所以最後都吃不完放棄了。

🏠藍屋下嘆港式小食🏠推介指數 ❤️❤️❤️🤍🤍藍屋樓高2層，1990年代，政府為藍屋塗上外牆時，物料庫只剩下水務署常用嘅藍色油漆，於是整座藍屋便髹成藍色。小店位於藍屋下，好容易就搵到啦！响一級香港歷史建築物下，當然要細味港式小食，份外多一份味道。整體味道平穩，熱辣辣再加分。✨碗仔翅：碗仔翅底顏色略淡、咸度適中，內裡有蛋花、瘦肉絲同冬菇絲！加埋紅醋、麻油同白胡椒粉，就係香港人嘅口味！✨燒賣：典型黃色燒賣，沒有大多粉團嘅感覺，食落有口感，加埋豉油同辣椒油更惹味！總結：-食物 ❤️❤️❤️🤍🤍環境 ❤️❤️❤️🤍🤍服務 ❤️❤️❤️🤍🤍.··餐廳：「時間關係」小館 (灣仔)地址：灣仔石水渠街74號地舖

上次試左藍屋另一家餐廳本地薑之後一直念念不忘， 今天又來到藍屋覓食。呢間餐廳都係入店先點餐比錢，坐低慢慢等店員送餐。餐牌不大，叫lunch set有湯付送，由於今天係星期五仲有糖水送，抵食到暈叫左雞排餐，雞塊好大，醬汁甜甜地又少少鹹，蔥味濃郁，蘿蔔片同青瓜片都好新鮮，飯都超多基本食唔晒今天的湯係冬瓜湯好好飲蕃薯糖水有非常濃的薑味， 在其他地方一定收好貴！ 竟然免費送！！ 真係太抵啦！！

今天又濕又冷，午飯時間只想吃飽飽喝碗熱湯，由聖雅各福群會經營的時間關係，菜單每星期都會轉，這週的照燒三文魚飯更是獲營養師推介，二話不說便點了。當日跟的餐湯是菜乾湯，清甜滋潤，唯一不滿是喝了2/3時發現有隻小昆蟲，向職員反映後另外再舀了半碗湯出來。說回主菜照燒三文魚飯，三文魚煎得恰到好處，魚肉嫩滑沒腥味，與共甜味的照燒汁很夾。要大讚的是配菜用上大量有顏色的時令蔬菜，全都相當可口新鮮，菜肉比例適中，十分健康有營養。另外也加錢要了一碗芝麻糊，質感很濃稠，也沒有放太多糖，但香味略為欠奉。

「時間關係」小館一直支持保留傳統街坊美食文化，最近喺門口就擺放咗一架街頭小食車，更添懷舊色彩。賣嘅都係帶有「香港味道」嘅街坊小食同傳統糖水。大家下次經過藍屋，不妨一試。

這餐廳一直在收藏中（記得在某報導介紹看似不錯），之前午餐時段經過見人龍，所以沒有試。心想有人龍一定好嘢啦。今天去的時候居然沒有什麼人，只得幾枱客，就進去試試。我點的是蒲燒鰻魚飯$78+$6薏米水。賣相也不差。哇 估唔到味道那麼難食！鰻魚不是很差，有點腥，自己加啲胡椒粉都可以。但溫度只是微暖。一吃下面的菜蔬出事了！鹹到呢～ 問侍應攞熱水洗完吃都鹹，特別係茄子根本不能入口。附送一幅完成圖。還有，菜是凍的！ 第一次吃咁難食的嘢！大佬78蚊一個餐，俾啲誠意好嗎？茶餐廳都比它好得多！真係好氣憤吖！唔怪得平日午餐時段都冇乜人！超級中伏了！

大家可以去「時間關係」試下佢地嘅傳統糖水。選用「土作坊」推介雲南冰糖及有機蔗糖煮成，味道天然。例如紅豆沙、桃膠雪耳、腐竹白果薏米，全部都是每日新鮮自家製。而家去兩間社企餐廳午餐，1個月內集齊五個印花，就可以品嚐任何糖水一碗啦。

本來想吃的泰國船麵，剛到午餐時段已經全院滿座門外還有等位的人龍，臨時決定轉陣至旁邊的藍屋。餐廳面積不大，只有10數個座位。門口貼有時日午餐的餐牌，決定後到CASHIER 結帳，領取號碼等待送餐。越式甜酸魚露原隻海虎蝦配飯，另加8元加購是日中式糖水。飯的份量意外地少，胃口大開的話，三二兩下就會吃完；甜酸魚露就像泰式酸辣醬。加購的桃膠雪耳杞子糖水，也是小小的一碗，內有少量的桃膠。整體價格偏貴，份量不多，同區會有更多選擇。

講起灣仔石水渠街嘅藍屋，大家都會諗起活化同保育，近年都多左用藝術形式搞活化項目&文化導賞是日黎到灣仔歷史地標藍屋附近參與某機構嘅開放日，完後打算係灣仔食飯，因時間關係所以係附近嘅「時間關係」食個lunch😊時間關係為藍屋社企餐廳，裝修以懷舊風格為主，座位唔多，目測大約可坐12-15人餐廳主打中式糖水但中午亦提供午餐🥣我同朋友都揀左煎三文魚，另外有是日餐湯(羅宋湯)和飲品跟三文魚會煎成半生熟(外脆內嫩)，可向廚房要求全熟。三文魚肉質嫩滑，雖然配嘅汁唔多但食落去唔會好乾。擺盤較摩登，食物份量幾足，價錢合理👍🏻下次會想試試佢地嘅糖水😋

唔知道大家對藍屋嘅認識有幾多呢？住喺灣仔區嘅朋友一定知道藍屋喺邊度，佢擁有差唔多100年嘅歷史文化。藍屋分別有兩間餐廳，而今次去試嘅就係呢間♥時間關係♥嘅甜品店，佢係其中一間做得好好嘅社會企業，好值得大家去支持👏🏻👏🏻適逢今日咁岩經過灣仔，所以都好想親身去支持，雖然我可以做嘅唔係好多，但我都好希望可以出一分力💪🏻薏米腐竹雞蛋糖水可以選擇凍食或者熱食，天氣咁熱，所以今次我就揀咗凍食。佢呢度嘅糖水冇出邊坊間一般咁甜，但係食落就有一種好舒服嘅感覺。糖水一邊落咗好多薏米，係個面度亦都有好多嘅腐竹，當然唔少得就係佢粒雞蛋啦！夏天食呢個糖水，簡直可以幫身體降溫，又唔會太甜，對身體好健康。反而我覺得最驚喜嘅係佢粒雞蛋，因為我覺得佢粒雞蛋好甜好特別，我未試過咁甜嘅雞蛋🥚佢個碗都好有特色，係啲以前公雞碗嗰隻公雞🐔

這幾年看着灣仔區變天，吃午餐也由＄4、50變成$80-＄100，實在有點吃不消⋯⋯今天下雨加上身體抱恙很想吃點甜，小儀便想起藍屋新開的糖水店～店舖不大，但裝修簡約舒服，更驚喜的是有午市套餐，$58滷肉飯配餐湯，不收加一，更可以優惠價加配糖水，在灣仔區實屬吸引！滷肉飯配是日餐湯$58: 8/10甘筍湯和cafe的不同, 沒有忌廉的膩口，反而帶點點薑的辛香，在下雨天暖一暖胃滷肉飯也有驚喜，柔潤帶甜的滷肉，配上生蒜和青瓜絲，為口感和味道帶來層次感，滷蛋顏色不深卻入味，整個飯讓人有一種comfort food的溫暖。桃膠雪耳糖水，午餐加配$20: 7.5/10非常非常適合女士的一道養顏甜品，桃膠加上雪耳軟軟滑滑的，不用咀嚼便滑進喉嚨裏，感到充滿骨膠原。而且甜味非常清淡自然，原來其中一部份甜味來自甜菊葉，感覺更加健康，加上紅棗和杞子，終於覺得外出吃飯也是可以對身體健康而非味精和脂肪！$58一份飯餐，除了用心餐湯，原來更有一杯自家製的金羅漢果茶。可惜今天身體不方便，試飲不了，如果飲品可以多一款選擇，適合不同體質的人士便更佳了！如此用心丶美味又價錢相宜的店舖希望可以繼續保持，不會很快便加太多價吧～