次次去观塘食饭都揾到惊喜!! 今次喺牛头角地铁站附近，就有间泰国主题food court—“Foodhall by Moon Thai”，前身系连续5年获米芝莲推介嘅上环传统泰菜餐厅“Moon Thai”。观塘店继续由前泰皇御厨团队主理，有镬气又有地道风味，价钱仲几抵食𠻹。
观塘新店“Foodhall by Moon Thai”，继续由前泰皇御厨团队主理。
呢度佔地5,525呎，泰国度假风主题装潢，加埋落地大玻璃真系好有空间感。地方咁大好啱me time外，亦好适合畀大家带电脑嚟做嘢/开个meeting，顺便食个lunch兼饮杯咖啡几chill(细心加分位: 部分座位有得叉电㗎)。而家仲有多项优惠，即睇详情～
“Foodhall by Moon Thai”优惠一览！
- 外卖优惠: 全日咖啡$20 - 3月优惠: 凡惠顾即获晚市88折优惠券1张 - Happy Hour 3大优惠(每日3pm-8pm): 1) $198/2小时 无限畅饮 2) 每位送泰式烤鸡肉串(1份) 3) 各式烤物额外8折，包括: 炸薯条、泰式猪肉丸串、沙嗲猪肉串烧、沙嗲鸡肉串烧、烤香茅猪颈肉、泰式鱼饼
(另收加一服务费) |
泰国度假风标配高楼底及落地玻璃，系观塘区少有嘅唞气空间。
座位舒服宽敞，部分座位提供叉电，欢迎大家带电脑嚟做嘢同me time。
“Foodhall by Moon Thai”有4大区域畀你买嘢食:
- Bar(泰茶/咖啡)
- Thai Signature(泰式地道炒粉面/咖喱)
- Boat Noodles & Grill(泰式船面/串烧及甜品)
- Burger Brunch(Fusion汉堡/All Day Breakfast)
星期一至五限定嘅午市套餐只系$68起(包指定冷/热饮品)，CP值好高。留意返，6pm后晚市主打泰菜，所以「Burger Brunch」区夜晚会休息㗎。不过净系睇水吧同泰菜区已经多到唔知点拣～ 水吧有各款咖啡、不同酒类外，仲有独特茶味嘅泰式奶茶、泰国团队设计嘅泰式脏脏奶茶、泰式茶汤力等。
“Foodhall by Moon Thai”特设4大区域。开放式厨房几有feel，今日想食咖喱、船河定串烧? 可以行去唔同区睇吓慢慢拣。
最近泰国团队推出咗几款新料理，包括多款超惹味蛋咖喱、饮酒必食烧原只鱿鱼、清爽开胃泰式猪肉碎生菜包等，几款都好啱同朋友一齐share食。
【全新！晚市泰国料理】
咖喱炒皇帝虎虾$248 / 辣椒膏炒皇帝虎虾$248
嚟自越南嘅顶级皇帝虎虾，每只连头长达16-18cm，重量足足约100g就想像到几大只啦!! 泰厨用滚油将虎虾外层炸到香脆，入面肉质就keep住弹牙鲜甜。
真心2款口味都几吸引，「蛋咖喱炒皇帝虎虾」系用湖北土鸡蛋同泰式咖喱粉精心调制，令咖喱香气有种温和嘅辛香+甜味。
蛋咖喱炒皇帝虎虾。咖喱香气带有温和嘅辛香及甜味。
「辣椒膏炒皇帝虎虾」就用地道泰式辣椒膏炮制，香辣可口又带丝丝甜味。每碟都有4只大虾，一次满足鲜味同香辣双重享受。
辣椒膏炒皇帝虎虾。地道泰式辣椒膏炮制，香辣可口又带丝丝甜味。
每只虎虾都约100g，真系好肥美厚肉。
烧原只鱿鱼$92
新鲜原只鱿鱼大约18cm长，重量有180g㗎。泰厨用慢火烧制，外层烧到少少焦香，而鱿鱼口感依然好爽弹。蘸埋独家秘制嘅泰式海鲜酱汁，有种酸辣交错层次感，好有泰式风味。
烧原只鱿鱼。外层烧到焦香，口感依然好爽弹。
独家秘制嘅泰式海鲜酱汁，有种酸辣交错层次感。
蛋咖喱鸡$158 / 蛋咖喱牛肉$188 / 蛋咖喱猪肉$158
食泰国嘢点少得咖喱，全新泰式蛋咖喱用泰式咖喱粉做基础，加埋湖北土鸡蛋、浓郁椰奶；以及清新柠檬草、香草罗勒等多种香料煮制。
浓郁咖喱带有蛋嘅嫩滑，而且椰奶味好有存在感，后续再渗出香草馀韵，几有层次变化啊。
(左)泰式蛋咖喱牛肉、(中)泰式蛋咖喱鸡、(右)泰式蛋咖喱猪肉
可以按自己口味拣嫩滑鸡肉、鲜嫩牛肉 或 多汁猪肉，试吓独一无二嘅泰式风味。
泰式猪肉碎生菜包$98
泰国料理嘅独特香料+新鲜生菜嘅清爽口感，煮出呢道又香又开胃嘅泰式生菜包!! 泰厨选用新鲜猪肉碎，配合香茅、蒜头、辣椒等多种香料爆炒，逼出浓郁香味。最后加入鱼露、糖调味，令猪肉碎有微微甜味。
食嗰阵，用新鲜脆嫩生菜包住猪肉碎，中和猪肉油腻之馀，又多种清脆口感。每啖都好有香料辛辣味，辣迷一定钟意!!
泰式猪肉碎生菜包。结合泰国料理嘅独特香料，以及新鲜生菜嘅清爽口感。
用新鲜脆嫩生菜包住猪肉碎，每啖都好有香料辛辣味。
Foodhall by Moon Thai
地址: 观塘观塘道348号宏利广场1楼101号舖
电话: 28511288