游水烤鱼免费升级 加入鲍鱼.生蚝!
小鱼儿尖沙咀及黄大仙分店推出限定口味「釜山生蚝麻辣鲍鱼海鲜烤鱼」!引入不同配料务求将麻辣做到极致,但同时价钱亦相当吸引照样是海鲜口味的!
风味不变但配料升级,体验不一样的圣诞!

俨如日式居酒屋 饮尽多款酒类
如果你未食过「小鱼儿」,我就讲多少少背景先~虽然呢度主打多款烤鱼,但其实更似一间日式居酒屋,因为呢度可以饮到好多款酒,清酒丶梅酒丶生啤等等数得出都有,仲有好多佐酒串烧小食,所以除咗有一班烤鱼棒场客外,唔少人仲会夜晚嚟饮返杯Hea 吓㗎。
呢度有多款酒类,梅酒丶清酒丶生啤等都有。

QR code落单 用餐更安全
「小鱼儿」有4款鱼同7款汤底拣,人气大热嘅「江团鱼」丶被称为鱼王嘅「三刀」都有~鱼款丶汤底丶辣度都可以用手机Scan QR code 慢慢拣慢慢落单,喺疫情下又可以减少同店员交流,安心好多。

今次自动升级嘅海鲜烤鱼,就系Menu 上嘅「万洲黄金香辣海鲜豆花」喇。海鲜款式同份量都好多,而且呢度嘅海鲜系店家每日亲自去香港街市拎货㗎,所以全部都系新鲜游水!个人觉得中丶小辣都容易接受,辣味嚟得快又够香,唔会遮盖海鲜鲜味之馀仲吊一吊味,好过到辣瘾。
鲍鱼大大只,每日新鲜街市入货。

生蚝Juicy。

生蚝都可以单点追加,Order 其他烤鱼都可以食到。

新出必食配料!
前文都话呢度储落唔少熟客,因为店家经常推新嘢,成日嚟食都唔闷。最近就有「牛黄喉」同「鲜鹅肠」~两款都系口感No.1 嘅配料,但口感又有少少少少唔同。个人觉得「牛黄喉」爽得清脆俐落,味道较淡主力Enjoy口感。
「牛黄喉」爽得清脆俐落。

「鲜鹅肠」就如其名真系新鲜,爽弹得嚟又比雪藏鹅肠多咗种QQ口感,而且挂汤能力强,有齐辣味+口感,又辣又Q弹好过瘾。
「鲜鹅肠」够新鲜,爽口Q弹。

佐酒串烧小食款好多,但估唔到最人气系大路嘅「烧鸡中翼」。鸡翼系我自己最锺意嘅中间开边切法,因为皮肉更薄丶烧得更脆,真系做到皮脆肉嫩,而且拎住竹签食𠴱阵最方便。鸡中翼有几款口味拣,店家话孜然味最多人拣,独特香草味又有少少辛辣,佐酒啱晒。
「烧鸡中翼」烧得皮脆肉嫩,好香口。

「烧羊架」有羊味又唔膻,烧得啱啱好Keep 到嫩滑有肉汁。而且呢度系用环保陶炭烤炉,所以羊肉仲有微微炭香。
环保陶炭烤炉,令烤肉有淡淡炭烧香。

圣诞梗系要同朋友饮多两杯,呢度新推「热情果配Hoegaarden Rosee」同「青柠梳打配Corona Extra」,容易入口又打卡able,好啱女仔嗌。
「热情果配Hoegaarden Rosee」酸酸甜甜又有花香。

「青柠梳打配Corona Extra」用玩味方式呈现Corona Extra 配青柠嘅经典味道。

小鱼儿
地址: 尖沙咀金马伦道16号金马大厦1楼
电话: 23282122

地址: 黄大仙凤凰新村环凤街19号地铺
电话: 23210818
* 资料由客户提供