旺角夜空过圣诞: 墨西哥x西餐食新鲜龙虾/和牛即刨黑松露有仪式感

平时约饭局，最热门选择一定系最方便嘅中心点—旺角!! 嚟紧圣诞饭局，想喺旺角揾间有气氛嘅靓餐厅，一定要Mark实呢间天台酒吧餐厅「REFLECT」呀。佢哋最吸引系有个超大天台(大到可以包场开Party嗰种)，仲有好多梳化位坐得舒服，畀大家喺旺角夜景下Chill住饮酒食饭。

「REFLECT」超大天台有好多梳化位，难得喺旺角可以望住夜景食饭饮嘢。

室内环境都好宽敞舒服。

每晚都有驻场调酒师，调制多款打卡鸡尾酒，圣诞嚟饮嘢几有Feel。

「REFLECT」本身主打墨西哥菜，并由10年经验墨西哥大厨主理，所以料理一向保持高水准。12月圣诞套餐只系$888/2位，足足5道菜!! 由餐汤食到甜品，除开每人500蚊有找，CP值真心高啊。厨师团队亦将大家熟悉嘅西餐加入墨西哥元素，好似烟火鸡凯撒沙律会食到墨西哥烟辣椒嘅微辣烟燻风味；龙虾意粉又会食到墨西哥辣椒(Jalapeño)嘅香辣。而且辣得恰到好处，就算唔嗜辣嘅朋友都可以Enjoy。

「REFLECT」圣诞套餐$888/2位详情

今次圣诞套餐有两项主菜环节，仲要两项主菜都好有诚意～有晒海鲜、烤鸡、牛扒、猪鞍选择，唔食牛嘅朋友都满足到。而第一项主菜选择系龙虾扁意粉 / 风味烤春鸡；第二项主菜选择就系苹果芥末猪鞍 / 墨西哥烤牛扒。

驻场调酒师特别设计咗两款限定鸡尾酒—Helleborus Rose(圣诞玫瑰)、 Gingy Creamy(薑饼人奶油)。Helleborus Rose象征希望同生命力，以伏特加、粉红西柚酒、蜂蜜、金巴利等调制而成，清甜微苦犹如冬日中嘅绽放玫瑰，为圣诞夜添加一种温柔力量。Gingy Creamy就喺寒冷圣诞为你送上一丝温暖，以威士忌、自家制薑饼糖浆、柠檬、新鲜薑汁打造呢种香甜暖胃感觉。

除咗限定鸡尾酒，「REFLECT」亦贴心准备咗Wine Pairing～只要$188/位就可以分别为前菜沙律、两项主菜配搭总共3杯美酒，以独特酒香昇华菜式味道㗎🥂。

【SOUP】

松露磨菇汤(Truffle Mushroom Soup)

大厨将圣诞套餐常见嘅蘑菇汤，特别加入矜贵黑松露熬煮，更会即席喺你面前刨新鲜黑松露，超强菌香揭开圣诞大餐序幕，好有仪式感。

【APPETIZER】

烟火鸡凯撒沙律(Smoked Turkey Caesar Salad)

(Wine Pairing: Menstrello Prosecco D.O.C Spumante, N.V.)

主打墨西哥菜嘅「REFLECT」，将平时食到无咩惊喜嘅凯撒沙律，加入当地人好钟意嘅墨西哥烟辣椒!! 令凯撒沙律有种独特烟燻、微辣风味，几有新鲜感。当然继续有经典嘅脆脆巴马火腿、蒜香包粒、巴马臣乾酪，好有层次口感。

【MAIN COURSE(2选1)】龙虾扁意粉(Lobster Linguine) / 风味烤春鸡(Mexican Roasted Chicken)

(Wine Pairing: Serengeti Varietals Chardonnay, South Africa)

龙虾扁意粉(Lobster Linguine)

骤眼望好似普通西餐意粉，其实细节位加咗好多墨西哥菜元素，如果约朋友嚟食圣诞餐，真系会Surprise到对方！

以呢道意粉为例，烟辣椒番茄汁系自家用墨西哥辣椒(Jalapeño)、墨西哥烟辣椒、水榄、银鱼柳、番茄等熬煮再搅烂，第一啖就食到好多种辣味、鱼味、番茄同香料嘅融合，辣辣哋又酸酸哋同平时嘅西餐好唔同啊。而且厨师团队亦引入新鲜波士顿龙虾，为咗保持原汁原味只系加咗少少盐、黑椒、牛油烧香，钟意海鲜鲜味嘅话一定钟意!!

风味烤春鸡(Mexican Roasted Chicken)

另一选择就系呢道烤春鸡，用墨西哥香料醃制后再风干鸡皮。有人落单先会会即时烧香，所以鸡皮劲脆、鸡肉又Keep到肉汁，馀韵又有墨西哥风味。