东来顺
来自北京嘅东来顺始创於1903年,以涮羊肉闻名,餐厅亦有供应少盐少糖中菜,由总厨施超群师傅主理。甜豆百合炒桂鱼丝
选用两斤重桂鱼,切成丝後连同甜豆及百合翻炒,比以往少落一半盐同糖,主要靠甜豆同百合两者嘅清甜令桂鱼肉味道更鲜味,而且口感会更丰富。
花雕蛋白蒸蟹钳
呢味菜主要食返食材原味,完全无添加任何盐及糖。挑选一级肉蟹,蟹钳啖啖肉,再用农场鸡蛋嘅蛋白烹调。以少量陈年花雕、鸡汤等提味,令食客品嚐到蟹肉原有嘅鲜味。
鲜淮山乌笋炒鸡片
鲜淮山又称山药,带有甜味,更有保护胃部黏膜及帮助体内消化等功效。鲜淮山同爽口嘅乌笋与事先处理好嘅鸡胸片爆炒,再落少量盐,食材鲜味尽显。
东来顺
地址:尖沙咀麽地道69号帝苑酒店B2层
电话:2733 2020
国金轩
国金轩由中菜部行政总厨Edwin Tang主理,每款菜式都选用不同食材取代盐及糖,系诚意之作。爵士花胶蜜瓜炖螺头汤
有无听过用蜜瓜嚟炖汤呢?师傅巧妙使用日本夕张蜜瓜嘅果糖取代普通糖,并使用瑶柱嘅咸鲜味及螺头嘅海水味来取代盐,加入猪肉及鸡脚炖成。饮落味道浓郁清甜,系健康炖汤好选择。
淮阳玉液浸东星斑球
食材包括东星斑、白萝卜、白胡椒及大头菜,利用白胡椒带出白萝卜嘅甜味,及已浸泡嘅大头菜本身嘅咸味取代调味品,所以都完全唔需要落盐。
桂花鲜蟹肉炒瑶柱
使用新鲜嘅花蟹肉甜味取代糖,并使用瑶柱咸鲜味及西班牙风乾火腿嘅咸香味来取代盐,加埋蛋一齐翻炒味道更香之余仲好丰富。
国金轩
全线分店:https://www.openrice.com/zh/hongkong/restaurants?chainId=10001316
十里洋场
十里洋场主打淮扬菜,菜式亦以细致刀工闻名,由陈晓鹤师傅主理。清炒江苏野生河虾仁
餐厅三道少盐少糖菜式都配上醋,可以去除腥味及土味。清炒虾仁选用江苏野生河虾,粒粒都弹牙饱满。只需加少少食盐就可突显虾仁鲜味。
龙须桂鱼
呢味龙须桂鱼够晒考刀功啦!据讲系为皇帝下江南而设,因为以前满族人唔识食鱼,所以就将鱼肉切成一丝丝啦。桂鱼滑溜,比平日减少约三成盐。
瑶柱赛螃蟹
食材简单只有鸡蛋及元贝,选购优质农场鸡产下嘅蛋,具丰富蛋白质,而且蛋味香浓。加入宗谷大元贝提鲜,少盐少糖更食得到大元贝原味。
十里洋场
地址: 铜锣湾恩平道28号利园二期101号舖
电话:2338 5500