锺意食辣嘅话，一定听过好早期就引入重庆麻辣火锅嘅「川婆婆」，独特牛油香丶麻中带辣确 实过瘾。最近呢度唔只食麻辣锅，一入座就免费用晒两个炉，一边系打边炉；一边系韩烧超 正！而家仲有火锅85折优惠㖭*！
*优惠只适用於火锅及配料（不包括小菜丶小食丶酱料及服务费）
香港最早期引入重庆麻辣火锅嘅「川婆婆」。
唔使加钱就可以韩烧ｘ打边炉。必食多款韩牛丶SRF美国和牛。
【Why not both】食齐两大靓牛！韩牛．SRF美国和牛
为咗大家更Enjoy 韩烧ｘ打边炉，老板特别引入多款靓牛！平时睇韩剧主角食烧肉食得咁爽，皆因烤肉比火锅更突显油香，所以新加靓牛就有烤肉必食韩牛，同埋坊间少有SRF美国和牛。
6款韩牛 韩烧&打边炉都好正！
早年大家都争住食和牛，系就系入口即融。但优点亦系缺点，就系油花太多好易腻，仲会盖过牛味……所以後起之秀韩牛就引嚟一班Fans。韩牛以乾草丶济洲橘子汁同粟米为饲料，加上天然牧场令肉质鲜嫩，油花丰富平均突出牛味。入口先化出油香，後续就系特浓牛味，肉味更实在呀！
呢度足足引入6款韩牛之多，啱韩烧嘅有颈脊上肉丶腹胁俩侧肉丶後三角侧肉，油花偏多丶纤维丰富更有咬口；打边炉可拣金钱展丶牛肩胛里肌丶半白肉，肉质嫩软丶牛味更浓。最正系可以两样一齐食，一边韩烧一边打边炉，一次过食匀几种韩牛～
多款韩牛，韩烧同打边炉都好正！
靓牛一放上铁板即渗出油花，唔使特别用牛油起锅。
牛肉味浓唔使奄制，直接食或洒上海盐最正。每张枱都放咗3款海盐免费用。
必试重庆麻辣锅 满满牛油香嘅麻辣
当然不得不提一直大受熟客欢迎嘅重庆麻辣锅。麻辣汤底以麻香为主，麻中带辣，牛油香吊出肉味，用嚟配高级SRF美国和牛劲正！
重庆麻辣锅麻中带辣，仲好重牛油香。
牛控必爱！SRF=日本和牛ｘ美国安格斯
SRF简单嚟讲就系日本和牛ｘ美国安格斯牛混种，系早年日本将和牛引入美国养殖後嘅品种，可以话尽取两种高级牛嘅优点—油花丰富细致丶肉质软嫩多汁。呢度足有4款SRF美国和牛拣—SRF牛板腱丶SRF封门柳丶SRF牛肩脊肉丶SRF三角肥牛。优点平均，烤肉或打边炉都好啱。
接近成本价 满足一众肉控狂食！
老板透露因为成本高，一般火锅店好少有齐SRF美国和牛同韩牛。不过打边炉同韩烧有靓牛食真系爽好多，所以呢度定价都接近成本价，志在食客可以试多几款靓牛，食得开心最紧要。
坊间少有，接近成本价食SRF美国和牛，软嫩又有油香。
台湾淡水名物 必试皮蛋红姜贡丸
除咗牛肉，呢度仲有多款台湾火锅配料—皮蛋红姜贡丸丶鸭血丶台湾阿给(冬粉酿油豆腐)等。当中「皮蛋红姜贡丸」可以话听都未听过呀，原来系台湾阿中出产嘅淡水名物嚟㗎！
最初系日本人托台湾阿中制作，将皮蛋ｘ红姜呢个梦幻组合变成馅料。入口清爽又有皮蛋香，老板都一试爱上，专诚引入召唤一众皮蛋控～
必试麻香贡丸，配麻辣汤底超正！
Q弹台湾鸭血，唔使谂即刻嗌呀。
同场仲有多款火锅配料，新鲜蔬菜清清味蕾又可以再作战！
火锅多选择！可换烤鱼／鸡煲
值得一提嘅系，火锅除咗有重庆麻辣锅外，仲可以换上烤鱼丶鸡煲，食住烤鱼食韩烧都过瘾㗎。烤鱼有4款口味拣—鲜椒丶香辣丶十三香麻辣丶酸菜柠檬。原条鲈鱼厚身多肉好抵食。
火锅可换上烤鱼丶鸡煲。原条鲈鱼厚身多肉好抵食。
一大锅酸菜鱼都有！
必饮大大杯柠檬茶丶水果茶，三十几蚊劲大杯好抵饮！
川婆婆 (宝勒巷)
地址: 尖沙咀宝勒巷26-36号地铺
电话: 23698616