香港真系卧虎藏龙之地，原来杜拜、阿布扎比皇宫厨师—Balram Yadav，最近喺尖沙咀开设自己嘅印度餐厅“Spice Bazaar”啊。Balram Yadav拥有超过30年印度菜经验，亦曾于印度五大酒店集团；以及香港人气印度餐厅“Leela Restaurant”工作，擅于用多种香料煮制香港人钟意嘅印度菜。
“Spice Bazaar”CP值好高!! 午市套餐只系$98起，提供素食 / 非素食套餐选择，由前菜、主菜、印度烤饼再食到甜品𠻹。为庆祝新开业，3月24日前晚市单点有8折优惠，即睇详情~
“Spice Bazaar”新开业优惠！
即日起至3月24日，晚市单点餐牌8折 (优惠不适用于2月14日) |
Balram Yadav曾任杜拜、阿布扎比皇宫厨师。最近于尖沙咀开设自己嘅印度餐厅“Spice Bazaar”。
一出𨋢就见到法国画家Eric手绘壁画，呈现印度文化。
“Spice Bazaar”环境精致，提供室内及露台座位。
嚟到“Spice Bazaar”，你会发觉印度料理唔会好辣，反而每啖都好有层次，香料味会慢慢渗出嚟。Balram Yada提道menu唔算好多选择，令佢更专注料理嘅质素同新鲜度!! 不过开饭仔细心睇过，其实menu有40几款拣—前菜、烧烤、咖喱、咖喱(素)、印度香饭、印度烤饼都有齐，一定拣到自己心水。
“Spice Bazaar”最吸引系有印度传统烤炉Tandoor!! 高达400°C嘅圆柱形大窑炉，keep住新鲜出炉印度烤饼、海鲜、肉扒、羊架。呢度嘅印度烤饼多达7款口味，好似蒜蓉牛油烤饼、红烤饼(Laal Naan)、印度香脆烤饼、松露乾酪烤饼等都好值得试。
Balram Yada擅于用多种香料煮出层次，唔会死辣。
店内设有印度传统烤炉Tandoor，高达400°C 新鲜出炉印度烤饼、海鲜、肉扒、羊架。
印度烤饼多达7款口味，好似蒜蓉牛油烤饼、红烤饼(Laal Naan)、印度香脆烤饼、松露乾酪烤饼等都好值得试。
印度料理嘅吸引力，唔多唔少嚟自味道层次变化。因此Balram Yadav唔受地域局限，于印度各地引入食材、香料。你可能会食到南印度食材又或北印度香草，总之就系一场充满惊喜嘅印度盛宴。
晚市必食料理
“Spice Bazaar”晚市有40几款单点料理，即刻睇吓有咩食～
【Starter 前菜】
脆饼篮(V) (Papad Basket) $38
呢度全店料理手工制，就算望落普通嘅印度小食脆片(Papadum)，都系自家用豆粉炸到脆卜卜，上枱嗰阵仲好热㗎。
洋葱甜菜沙律(Onion & Beetroot Salad) $58
平时我哋多数用印度烤饼配咖喱食，原来当地人另一食法系配洋葱沙律㗎，嚟到可以试吓地道风味。
人气 印度盐酥鸡65(Chicken65) $108
花多眼乱唔知拣咩好，推荐试吓“Spice Bazaar”招牌—印度盐酥鸡65。呢道南印度料理有好多唔同煮法，主厨Balram Yadav系用海德拉巴(Hyderabadi) 风格，以多种香料醃制鸡肉再高温焗到酥脆。
极好炸鸡(Majestic Chicken) $108
另一款再脆啲嘅炸鸡，系用奶酪将鸡肉条醃到嫩滑，加埋咖喱叶好有风味。
人气 碎羊肉及碎蛋印度面包(Keema Anda Pav) $128
面包控一定会钟意嘅松软牛油面包!! 食嗰阵自己将纽西兰羊肉碎蛋夹入面包，而且面包边又脆脆哋好好味啊。
当我哋食到一半，先发觉伴碟嘅脆条系食得㗎(笑)，侍应仲介绍返系自家制即炸，所以好脆又无味精味。
鹰嘴豆咖喱及炸印度面包(V)(Chole Bhature) $98
素食者喺“Spice Bazaar”都好享受到印度菜风味!! 因为印度本身就有好多素食，当地人会用各种香料将蔬菜、豆类煮得好好食。好似呢道鹰嘴豆咖喱，口感绵密配埋个炸印度包好快清碟。
【Tandoor烧烤】
“Spice Bazaar”有印度传统烤炉Tandoor，高达400°C 新鲜出炉真系好正!!
烧烤椰菜花(Tandoori Gobi) $108
真系无谂过烧烤椰菜花咁好食！椰菜花加咗希腊奶酪、香料烤焗，重点系要蘸埋芒果甜酸酱(Mango Chutney) 啊。个酱用芒果、薑调制，但薑味唔强恰好平衡芒果甜味，好钟意呢种温和嘅甜酸味道。
酸辣酱自家制乾酪(V)(Chutney Paneer Tikka) $148
平时好少见立方体嘅乾酪，其实系自家制印度茅屋奶酪(Cottage Cheese)，加咗啲印度香料入Tandoor烤焗。出面少少焦脆，入面口感好柔软，配埋薄荷酱几有新鲜感。
黑胡椒鸡肉(Murgh Kali Mirch Tikka) $158
平时烤鸡肉就食得多，但好少会加咁多香草、香料同黑胡椒。用香料撞出嘅辣味好微妙，唔会一嚟就好辣冲撃味蕾，反而系慢慢渗出嚟，几特别。
胡椒烤鸡(半只)(1/2 Roasted Pepper Chicken) $158
本地黄鸡嘅鸡髀、鸡胸位，肉质几嫩又重鸡味。用自制香料醃制再烤到金黄酥脆，撕开仲爆紧肉汁，私心推荐必食啊!!
彩椒烤羊肉(Gilafi Seekh Kebab) $168
第一眼有啲估唔到烤羊肉系咁，原来系将纽西兰羊绞肉混入各种香料再烤制。肉捲外形，可以令肉馅于Tandoor入面全面受热，咬落去仲好有肉汁。
香料羊排(Masala Lamb Chop) $218
用印度Masala醃纽西兰羊架长达14个钟，羊肉真系入晒味。加上由Tandoor新鲜出炉，肉味混合炭香好好食!!
【Curry Selection(V) 咖喱精选(素)】
自家制奶酪菠菜青咖喱(Palak Paneer) $108
可能香港人对呢道咖喱有啲陌生，但其实系印度经典素食嚟㗎。咖喱混合满满自家制茅屋奶酪(Cottage Cheese) 同菠菜，单食都几重菜味，建议配印度烤饼食啱啱好。
【Curry Selection(Non-Veg) 咖喱精选(非素食)】
牛油鸡红咖喱(Butter Chicken) $158
旧德里风格嘅牛油鸡，用咗大量牛油、番茄、香料煮制，味道浓郁又唔会太刺激，同印度烤饼好夹㗎，系大人小朋友都会钟意嘅料理。
Spice bazaar