唔知你有无试过约朋友食饭饮嘢直落，但硬系要分开两间餐厅酒吧，食饱又要捧住个肚行去第二间饮酒...都明嘅，唔少酒吧只得佐酒菜，有啲甚至无自家厨房㖭。
难得尖沙咀新开咗间酒吧Poseidon 主打高质菜，食好嘢之馀又多酒类饮足成晚，梗系要公诸同好啦～呢度地方够大，室内有啲靓位仲有烟雾特效，亦有室外位畀大家吹吹风。
烟雾特效座位好有气氛。
同场有卡位丶高凳同户外位拣。
嘢食方面真系拍得住高质西餐，最重要系店家舍得用靓食材，大厨笑言「而家嘅人愈嚟愈识食，一定要用啲好嘢先得」，听完更加放心嚟食好嘢(笑)。
香煎吞拿鱼芝麻菜沙律
Ala-Carte Menu 选择好多，基本上鹅肝丶牛扒丶蟹等高级食材都有，开胃菜就有香煎吞拿鱼芝麻菜沙律。吞拿鱼以味淋腌後再煎至半生熟，呢种意日Fusion 煮法比平时嘅烟熏吞拿鱼味道更柔和，更食得出鱼鲜味。
原只龙虾意粉 配香辣意式番茄酱
大厨将新鲜龙虾生煎锁住鲜味肉汁，食落好鲜甜。意粉方面则加入蒜片丶辣椒丶虾乾快炒，但点解会用上咁浓味嘅虾乾呢？原因系鲜龙虾极香，其他浓味食材都难以减淡佢嘅鲜味，所以意粉都炒得咸香啲至配得上呀。
威化脆纸蟹肉意粉
脆脆威化纸载住Creamy 蟹肉意粉，食时一次过由上而下将蟹肉同蘑菇等配料丶意粉连埋威化纸食，Enjoy几重口感。
酥炸麒麟马头鱼
香口啲嘅仲有呢道酥炸麒麟马头鱼，「麒麟」好贴切形容到马头鱼特徵，系极少数鱼唔使起鱼鳞直接炸香，所以你会见到鱼身竖起一支支鱼鳞，口感特别脆。加埋独家啤酒配方，鱼肉嫩得嚟有些微酒香。
一口酥炸麒麟马头鱼 配莳萝他他酱
仲有一口酥炸麒麟马头鱼，配酸酸哋嘅莳萝他他酱作为佐酒小食。
香辣墨西哥脆片
比一般墨西哥脆片更丰富大堆头～热辣辣脆片铺上芝士酱丶黑水揽丶墨西哥椒丶牛油果酱丶番茄沙沙酱丶酸忌廉等，衬咩酒都好啱。
Poseidon Restaurant & Bar
网上订座享7折优惠兼赚里数
地址: 尖沙咀亚士厘道24-38号天星大厦4楼
电话: 25118299