香港成日食嘅Pizza 都系西式，原来韩国一早兴起「Pimaek」喇，即系Pizza + Beer！大家都知韩国人好锺意芝士，所以韩国Pizza 同样铺上满满芝士拉丝㗎。喺韩国已经有600几间分店嘅Pizza Maru，最近荃新天地分店都新开张喇～主打多款手工Pizza同手工啤酒，喺香港都食到「Pimaek」！
韩国人咁锺意饮酒，嚟自韩国嘅Pizza Maru 当然都有多款韩国直送手工啤酒拣啦！
真正韩味！9成食材嚟自韩国
作为韩国过江龙，9成食材都系嚟自韩国㗎。Pizza 面团亦同韩国店一样全手工制，并用绿茶丶小球藻丶黑米同多种天然谷物混合，再低温发酵24小时而成。相比西式Pizza 饼底味道更丰富，因长时间低温发酵亦令口感更烟韧，加埋芝士拉丝确实将Pizza 变出另一个层次呀。
荃湾新店率先推限定Pizza 独特正方切法
韩国店最近推出限定Pizza「经典五行」同「肉食五行」，而家喺荃湾新店都食到喇，之後香港所有分店亦会紧随推出！两款限定Pizza 最特别系用墨鱼汁整的健康面团再以四方切法分隔5款食材，做到一个Pizza 有5种味道。
限定Pizza 铺满食材，独特四方切法可以食齐5种口味！
Pizza 都食到正宗韩式烧肉
如果你系韩烧迷，一定会锺意呢两款Pizza 上嘅韩式烧牛肉。腌法都系韩国地道味，肉味浓得嚟又有水果腌制嘅微甜。
「经典五行」有辣肉肠丶粟米丶烟肉丶韩式烧牛肉丶香辣鸡肉等。
「肉食五行」有牛小排丶法兰克福肠丶熏鸡肉丶香辣鸡肉丶韩式烧牛肉等。
太阳番茄芝加哥薄饼 芝士超浓郁．饼底超松软
芝加哥薄饼系美国当地一种使用深盘焗制，拥有大量芝士嘅Pizza，Pizza Maru 同样用自家发酵面团，并按传统芝加哥薄饼做法，铺上双倍Mozzarella 同芝士条，再将饼边拉起包住侧边芝士，所以饼边同饼底都食到超浓郁芝士味！
「芝加哥薄饼」饼边特别饱满，因为入面都系满满芝士！呢种做法令薄饼特别松软厚身，口感比一般薄脆Pizza 更有惊喜。
一拎起Pizza 就Feel 到饼底嘅松软＋芝士嘅澎湃。
多款人气韩式Pizza
除咗超松软芝加哥薄饼，呢度亦有多款韩式Pizza，。当中最人气就有「韩式海陆」，铺上香辣虾丶韩式烤肉丶香辣薯角等，完全系韩风Style轻甜辣。
韩式海陆薄饼有香辣虾丶韩式烤肉丶香辣薯角等，系韩式Style轻甜辣。
一齐「Chimaek」炸鸡啤酒！
讲完「Pimaek」，当然不得不提「Chimaek」炸鸡啤酒啦！韩国店嘅炸鸡真系会令人上瘾，呢度有7款口味炸鸡，最人气嘅有「蒜香甜辣秘制炸鸡」同「蜂蜜牛油秘制炸鸡」，前者系韩式甜辣同蒜味较重；後者则似蜜糖牛油薯片味，锺意呢种微甜香口就一定要试。
(左)「蜂蜜牛油秘制炸鸡」丶(右)「蒜香甜辣秘制炸鸡」。
渔夫番茄烩海鲜 (配脆包)
呢度亦有多款小食拣，「渔夫番茄烩海鲜 (配脆包)」以韩国直送番茄酱丶香蒜煮制多款海鲜，蓝青口丶虎虾丶带子丶鱿鱼等都有，配上嘅系用黑米面团焗制的脆包。
带子泡菜卡邦尼韩式意大利粉
冬天想暖吓胃，Creamy 嘅「带子泡菜卡邦尼」就好啱，香浓蛋黄浆同巴马臣芝士包住意粉，加埋微酸辣泡菜吊味几醒神。
Pizza Maru (荃湾)
地址: 荃湾杨屋道1号荃新天地1期UG楼28及30号铺
电话: 26370338
Pizza Maru (铜锣湾)
地址: 铜锣湾轩尼诗道500号希慎广场13楼1302铺
电话: 23181012
Pizza Maru (尖沙咀)
地址: 尖沙咀弥敦道132号美丽华广场一期食四方4楼408号铺
电话: 23212238