【超抵】地道越南河 车仔面食法
越南店名成日有个Phở 字,你又有无谂过呢个字点解,其实Phở 正正就系越南最出名嘅「越南河粉」意思。喺香港食Phở,一系惊唔地道、一系惊唔抵食,佐敦呢间PHO BO 越莱就将越南地道味结合车仔面做法,唔再限你咩汤、咩配料;而系自选汤底、汤粉同配料,想食咩就食咩之余,价钱仲划算好多呀。

汤底.汤粉三选一
越莱汤粉有金边粉、河粉同檬粉拣,胃口细嘅女仔仲可以拣「少粉」𠻹,汤底就有以下3款拣!

招牌牛骨汤
越南人经常用牛骨同肉熬汤,呢个招牌牛骨汤亦系最多人拣嘅地道汤底。仲要用新鲜牛骨熬足至少一日,牛味浓郁之余,亦略带香草独有清新。上枱会跟一碟传统配菜,编辑就觉得一定要落青柠汁,令牛汤味更有层次。

番茄浓汤
茹素者终於可以食越南河粉喇,因为坊间好多越南店都系用肉骨熬汤底,呢个番茄汤底就系用新鲜番茄纯素熬制,微酸开胃,仲可以食到啖啖茄肉,比用茄膏煲嘅汤底实在得多。

清鸡汤
香港嘅越南店主要系牛肉汤底,其实越南街头都唔少鸡汤河粉。呢度嘅清鸡汤系用原只鸡熬,因为越南天气偏热,鸡汤一般都煮得清澈唔厚油,系偏清甜唔腻嘅口味。

唔驶谂即刻嗌 懒人必点火车头
话晒系越南地道味+车仔面食法,配料足足有12款咁多。懒得谂又想食多几款,拣越莱珍宝火车头就得喇。

捞檬同样任拣配料
单拼HK$36嘅捞檬都有7款配料拣,後续加配每款HK$8,最啱心大心细嘅人。
炭烧猪颈肉捞檬

炸虾饼捞檬

多款越式小食
烧带子明虾凉拌茄子
系大厨亲自设计嘅菜式,将带子、虾放喺烧香嘅茄子上,好少喺越南店见到咁大只带子呀,挑战到一啖食晒嘅话仲好,可以食到独特嘅多重口感!

自家制卷物
越南菜当然唔少得米纸卷,呢度嘅卷物全部人手包制,料够新鲜、皮够软,内馅主要有肉、木耳、青瓜﹑萝白丝﹑葱油﹑炸乾蒜﹑檬粉,又软滑又爽口,沾鱼露食好开胃。

鲜虾仁米纸卷

越莱蒸粉卷

香茅烧牛肉卷

越莱炸春卷
锺意食香口啲嘅话,好推荐呢款越莱炸春卷。坊间食嘅越式春卷一般比较腍身,呢道春卷就保持到好脆口,几有惊喜。

蒜香牛油鸡翼
牛油鸡翼上粉均匀,皮唔会过厚油腻,食落香脆有油香,最正系价钱好抵,HK$18就有3只,个人觉得系必点小食。

腌鸡丝牙车快沙律
越南系一个炎热多雨嘅地方,当地人锺意食清爽开胃菜式,就算食面都经常先上一大碟菜㗎!呢道牙车快沙律都系当地经典沙律。

越式特饮
越南好多解渴饮品,解腻清热一流。


越莱
地址: 佐敦庙街306号地下D号舖
电话: 55067056

* 资料由客户提供
餐厅资料