圣诞想Decent啲食法国菜，可以拣呢间法国小餐馆「红馆RaRe Restaurant」，系由蓝带主厨Ryan同太太一齐家庭式主理，早年凭手工意粉打出名堂。因为Ryan一直好钟意外国小餐馆，所以呢度用咗温馨木系装潢，还原外国人Chill住饮酒嘅气氛，算系实现自己嘅小梦想。
Ryan早年远赴法国获取蓝带资格后，开设「红馆RaRe Restaurant」，擅长以法国菜技巧煮制各国食材。
环境好有外国小餐馆感觉。
其实呢种小餐馆气氛，好啱初次约会或朋友庆祝圣诞，有种欧洲浪漫感又唔会拘谨。今年「2025圣诞及除夕晚市套餐」喺12月20日前仲有早鸟优惠$498/位(原价$598/位)。500蚊有找可以食到佢哋最出嘅手工意粉，加埋金箔海虾沙律伴橘子醋、自家制周打鱼汤、澳洲M5和牛肉眼扒配黑松露红酒汁、黄金香橙蛋糕伴柠檬啫喱等等，加埋个靓环境真系好高CP值。
「2025圣诞及除夕晚市套餐」早鸟优惠！
12月20日前惠顾，即享早鸟优惠$498/位(原价$598/位) |
「2025圣诞及除夕晚市套餐」详情
【前菜(2选1)】 香葱吞拿鱼车厘茄沙律 或 金箔海虾沙律伴橘子醋 【热汤】 周打鱼汤 【义大利面(2选1)】 巴马乾酪野菌义大利云吞 或 龙虾手打义大利阔面伴龙虾汁+$168 【主菜(4选1)】 烤西班牙猪柳配焦糖辣椒汁 或 低温慢煮三黄鸡捲配金巴利汁 或 海鲡鱼伴地中海橄榄酱汁 或 澳洲M5和牛肉眼扒配黑松露红酒汁+$188 【甜点(2选1)】 黄金香橙蛋糕伴柠檬啫喱 或 草莓拿破崙 咖啡或茶 2杯红酒/白酒/气泡酒+$128 |
【前菜(2选1)】
香葱吞拿鱼车厘茄沙律
如果钟意食吞拿鱼，好推荐拣呢道前菜!! 吞拿鱼好厚切，外边微炙烧逼出鱼香，加埋车厘茄、沙律菜同浓稠酱油，微甜微咸几开胃。
金箔海虾沙律伴橘子醋
摆盘好奢华嘅海虾沙律，甜甜酸酸橘子醋存在感强，配埋弹牙海虾几丰富。
【热汤】
周打鱼汤
自家用多款海鱼、土豆、洋葱等慢火熬几个钟，汤底奶香浓郁又有淡淡海洋味道，同平时现成来货嘅周打鱼汤好唔同。
【义大利面(2选1)】
巴马乾酪野菌义大利云吞
主厨Ryan擅长将经典菜式煮出另一个层次。好似呢道义大利手工云吞，外皮特别烟韧有咬口，但细味下会觉得味道细腻，咸香巴马乾酪会慢慢渗出野菌香。同坊间嘅义大利有啲唔同，食完唔会腻，仲有啲意犹未尽嘅感觉。
龙虾手打义大利阔面伴龙虾汁+$168
手工意粉Fans一定要嚟试吓「红馆RaRe Restaurant」嘅手工意粉!! 除咗口感弹牙有蛋香外，Ryan提到酱汁都系灵魂：「当然手工意粉会弹牙啲，但酱汁先系最花心机。因为全部酱汁都系自己煮制，无味精、无鸡粉。要用超过100条鱼骨熬底汁，慢火煮4-6小时再隔渣，最后慢慢蒸发至剩低胶质先做到咁浓郁。而呢度最出名嘅龙虾汁意粉，就系用呢个底汁煮制，所以好有层次甜味㗎。」佢讲紧嘅龙虾汁意粉，今次圣诞及除夕套餐都食到啦，真心有惊喜。
【主菜(4选1)】
烤西班牙猪柳配焦糖辣椒汁
食完手工意粉后，就嚟到最有仪式感嘅主菜啦！推荐好有油花嘅西班牙伊比利亚猪柳，肉质好松软，外层又有少少焦香。最特别系主厨自家调制嘅焦糖辣椒汁，系会喺口中一次爆发甜、香、微辣三种风味，甜辣交融真系好上瘾。
Sous Vide Yellow Chicken Roll with Cranberry Sauce
低温慢煮三黄鸡捲配金巴利汁
另一道主菜选择就有低温慢煮三黄鸡捲，几估唔到鸡捲一切开就闻到好浓鸡味，因为主厨用咗熬足3日嘅鸡汁煮，汤料嘅原鸡、杂菜精华都喺晒度!!
而鸡捲就包住冬菇、白菌、巴马臣乾酪、奶油乾酪，抽真空低温煮后，多重香味混合一齐几正。当然，不得不提好有圣诞气氛嘅金巴利汁，加埋呢个汁好似食紧圣诞火鸡嘅变奏版，香甜蔓越莓汁同鸡捲几夹几特别。
海鲡鱼伴地中海橄榄酱汁
鲜甜无刺嘅海鲡鱼，好啱懒食鱼嘅人。洒上海盐后用高温焗至皮脆肉嫩，鲜甜弹牙又有淡淡海洋香。几钟意跟配嘅地中海橄榄酱，先食到酸甜香浓嘅橄榄味，鱼油香味再慢慢扩散出嚟，完全系perfect match。
澳洲M5和牛肉眼扒配黑松露红酒汁+$188
想最有节日气氛，锯扒一定系首选!! 特别今次有澳洲M5和牛肉眼扒，油花分布如大理石纹，肉色仲系好粉红㗎。而且肉质比较又嫩又绵，所以几吸到黑松露红酒汁，入口有种爆出肉汁嘅感觉，仲好食到红酒汁嘅醇厚。
【甜点(2选1)】
黄金香橙蛋糕伴柠檬啫喱
主厨将西班牙血橙打入蛋糕体，再低温慢焗至迷人金黄色。入口有阵阵香橙清香，同解腻嘅柠檬啫喱好夹。
草莓拿破崙
另一选择系将草莓加入经典拿破崙，千层金黄酥皮又脆又有牛油香。好钟意轻盈嘅吉士奶油配搭草莓，系女生一定会钟意嘅组合!!
其他推荐料理&优惠👇
呢度下昼/夜晚都有套餐，同场仲有生蠔优惠、打卡下午茶，CP值几高。就算望落简单嘅菜式，其实Ryan背后都花咗好多心思。好似「六道菜晚市二人套餐菜单」嘅新鲜龙虾手打义大利阔面，单单个龙虾汁已经用咗自家熬鱼汤煮，所以个汁特别浓㗎。
【生蠔优惠】一打生蠔·即送气泡酒1支！
特别引入No.2嘅法国Fine De Claire生蠔，蠔肉紧实滑嫩，并带淡淡甜味同海鲜风味。
凡惠顾12只法国Fine De Claire生蠔，即送气泡酒1支 *优惠全日供应 |
【5折优惠】六道菜晚市二人套餐
想一晚食多几款法国料理，而家5折优惠嘅「六道菜晚市二人套餐」就好抵食。单单野菌奶油汤都系自家用野菌blend成，系真材实料嘅浓厚菌香。主菜亦有最招牌嘅新鲜龙虾手打义大利阔面，同埋中法fusion嘅红馆薑母鸭。
第一道菜｜香草鱼茸土豆沙律 配柠檬酱
如果你平时钟意食马介休，好值得试吓呢道法式传统煮法。将新鲜海鲈鱼混入牛油、新鲜香草、薯蓉、初榨橄榄油，并自家熬鱼汤同白酒煮制，好有风味。
第三道菜｜新鲜龙虾手打义大利阔面(+$168)
底汁系自家熬鱼汤，用咗原条鱼、龙虾壳慢煮6小时，嗰种鲜甜味加埋自家制手工意粉，好有记忆点!!
第四道菜｜红馆薑母鸭
平时食开嘅中式口味都好重药材味。而「红馆RaRe Restaurant」系用法国慢煮做法，抽真空65°C煮4小时，将鸭肉煮到入晒药材味之馀，鸭肉比传统做法更湿润嫩滑㗎。
「六道菜晚市二人套餐」5折优惠详情
供应时间: 5:30pm-9:30pm 优惠价钱: $699/2位(原价$1,398/2位) |
菜单详情
【第一道菜】 香草鱼茸土豆沙律配柠檬酱 或 澳洲M8和牛他他(+$28) 【第二道菜】 野菌奶油汤 【第三道菜】 低温慢煮鸡胸扁意面 配冬阴功酱汁 或 新鲜龙虾手打义大利阔面(+$168) 【第四道菜】 红馆薑母鸭 或 法式香草焗蜗牛配薯茸 或 美国安格斯肉眼牛扒(10oz)(+$188) 【第五道菜】 芒果拿破崙 或 鲜果乾酪挞 【第六道菜】 咖啡或茶 |
【法国午后】午餐餐单Lunch Menu
下昼想食餐法国菜chill吓，呢度嘅午市套餐质素同亲民价钱都好吸引。想食好啲，仲可以优惠价加只生蠔啊。
前菜｜昆布鲷鱼沙律配柠檬酱汁
沙律铺满低温慢煮鲷鱼，分量多到有惊喜。而且慢煮鲷鱼好嫩滑，配埋昆布粉、柠檬清新鲜味，好突出到鱼肉鲜甜。
新推主菜｜青芦笋奶油汁扁意面$128
平时go green可以拣呢道青芦笋奶油汁扁意面，将新鲜芦笋煮到啱啱熟再blend成蓉。望落淡淡嘅靓绿色，全部都系嚟自青芦笋嘅天然绿色。食落有芦笋味，又有牛油、奶油、巴马臣乾酪咸香。
新推主菜｜低温慢煮黄油鸡捲$168
几估唔到鸡捲一切开就好浓鸡味，因为Ryan用咗熬咗3日嘅鸡汁煮，汤料嘅原鸡、杂菜精华都喺晒度!! 而鸡捲包住冬菇、白菌、巴马臣乾酪、奶油乾酪，抽真空低温煮后，多重香味混合一齐几正。
「午餐餐单」详情(11:30am-3:00pm)
【前菜】 昆布鲷鱼沙律配柠檬酱汁 厨师精选餐汤 新鲜生蠔(+$38) 【主菜】 青芦笋奶油汁扁意面$128 低温慢煮黄油鸡捲$168 海鲈鱼配义大利XO酱$178 新鲜黑松露手打义大利阔面$188 低温慢煮西班牙猪扒$238 红酒烩牛脸颊肉$238 新鲜龙虾手打义大利阔面$348 【甜品(+$28)】 芒果拿破仑 鲜果乾酪挞 巧克力布朗尼 【饮料】 咖啡或茶 生啤或红白葡萄酒(+$48) 「午餐餐单」价钱包括: 主菜+前菜/饮料； 主菜+前菜+饮料(+$28) 主菜+前菜+饮料+甜品(+$48) |
【慢活三层下午茶】
钟意嚐茶慢活嘅话，午后时间可以拣双层下午茶，自家制甜品都好IGable。平时唔只朋友、情侣嚟食，更有囡囡带埋妈妈嚟共享优雅氛围㗎。
每日2:30pm-5:30pm供应，价钱为$298/2位、$158/1位。
下午茶餐单详情
咸点小吃 澳洲M8和牛他他 日式照烧鸡三文治 巴马火腿配艾曼塔乾酪 泰式肉碎挞 西班牙黑毛猪辣肉肠埃曼塔乾酪酿白蘑菇 鲜虾鸡尾酒 精选甜点 鲜果乾酪挞 拿破崙 朱古力蛋糕 马卡龙 饮料 柠檬茶/英式奶茶/ 伯爵茶 / 洋甘菊茶/ 薄荷茶/ 美式咖啡/ 拿铁/Cappuccino |
双层下午茶共10款精致小点，好钟意甜品嘅甜度恰好。并有多款热茶、咖啡选择，以茶壶呈上嘅热茶好有英式气息。
下午茶有各款咸点小吃、精选甜品、饮品。
红馆
地址: 中环干诺道中50号地下B号舖
电话: 23330186
