想喺香港食高质生蠔海鲜，就要识揾真正嘅海鲜供应商，因为佢哋直接喺外国拥有养殖场，当然最直接拎到靓海鲜。香港餐厅「Taylor Shellfish Farms」就系美国有120年历史、最大海鲜供应商之一嘅直营餐厅，所以呢度嘅生蠔海鲜出名极级！
今期优惠: OpenRice订座可享以下优惠:
**1）星期一至四 Oyster Night 所有生蠔可享88折;
**2）星期五、六、曰 惠顾，每位顾客人送澳洲白酒及红酒一杯;
**3）Happy Hour时段4pm-7pm所有饮品买一送一;
**4）外卖自取全日88折至2023年7月31日
一入店内就有大蠔吧，一眼睇晒当日有咩新鲜生蠔、海鲜。
同店家一聊，先知佢哋嘅生蠔每星期多天由外国不同国家直送抵港、所以每日可以由自家厂房直送到餐厅、留意返 ~系每日呀! 一般餐厅可能只可每星期入货，所以呢度生蠔特别新鲜之馀，不时仲有冷门生蠔抵港㗎，价钱相对都更划算。
最近引入咗罕有铜蠔极重金属味，唔系度度都食到，因为有自家蠔场先成功入货，等待知音人一试呀。
新推大热作品: Taylor 海鲜炖汤
今次详谈生蠔之前，先睇「Taylor Shellfish Farms」新推嘅Taylor 海鲜炖汤，龙虾汤底中有美国波士顿龙虾、美国青口、法国虾、新鲜带子、翡翠螺、鱿鱼，真心系香港难得食到超鲜味嘅海鲜炖汤。
谂深一层，好少用「鲜味」二字形容龙虾汤，因为一般餐厅都系煮得浓郁偏咸。唔知系咪「Taylor Shellfish Farms」来货够鲜，龙虾汤底系特别将美国波士顿龙虾壳磨成粉，再加香料一齐熬煮先有呢个鲜味，普通货绝对煮唔出呢个效果。
海鲜燩汤嘅海鲜真系每样都出色，当然最吸引系波士顿龙虾，特别多膏多肉，用叉一拮就轻松食到完整龙虾肉。个人私心喜好仲有翡翠螺，平时喺云云海鲜中唔算最突出，但今次超浓螺味加埋爽弹口感，绝对系满分之作。
店家笑言海鲜炖汤食到一半，会即刻奉上即焗蒜蓉包将龙虾汤推上另一高峰。「高峰」一字好似夸张得有趣，但当我将蒜蓉包浸入龙虾汤后一试，先知「高峰」一字恰好，蒜蓉包够热够脆，吸收龙虾汤后轻脆爆汤，蒜蓉牛油嘅微咸香令龙虾汤更惹味，难怪唔少人都要追加蒜蓉包。
120年历史自家蠔场直送 超新鲜多款
讲起「Taylor Shellfish Farms」确实不得不提生蠔，今次就介绍而家Seasonal 嘅6 款生蠔。因为佢哋自家养殖场系健康无污染嘅海洋环境，更保留到生蠔本身天然味道。
(下图 由右上顺时针起)
-法国金箔皇御Regal 系列 系蠔界中最顶级质素，上枱时会洒上金箔，一望就知系矜贵生蠔。蠔味特别纯厚，带子味甜，馀韵带果实味。
-美国熊本生蠔 体积偏细，但入口鲜甜，肉质特别柔滑；
-日本广岛真蠔海水味重带鲜甜，蠔肉厚身Creamy；
-爱尔兰Harty蠔 喺Dungarvan Bay 养殖出最平衡嘅味道，入口清甜又唔过咸。蠔肉厚得嚟Creamy。最特别系后续味道略带青瓜味，味道多层次；
-法国TIA MARAA蠔肉质爽口，亦继承法国蠔常带嘅金属味，中间渗透出果香味；
-法国Utah Beach钻蠔 入口清甜，味道更细腻，所以馀韵比其他生蠔更久，每秒都有层次变化，一定要慢慢品尝；
幸福Moment 生蠔＋鱼子
店家主打生蠔，当然同样为生蠔创造「高峰」～推荐大家先食一Round 生蠔后，可加钱加配鱼子或黑鱼子，为生蠔加入卜卜口感同咸香，味道口感都提升一大层次。
法国渔民出海捕虾: 法国熟虾
之所以叫法国熟虾，因为真系由法国渔民出海捕虾，并即时喺船上煮熟真空包装直送香港，直接上枱就食得，新鲜到好似食到法国海水味咁！
墨鱼汁义大利粉配墨鱼香肠
无论意粉定墨鱼香肠都系高质之上，一向食开嘅墨鱼汁意粉都会偏腍 (可能因为酱汁太多?)，而呢度嘅意粉同样挂汁，但却保持到意粉轻韧带爽嘅口感。
墨鱼香肠则出乎意料地弹牙带咸香，个人觉得一啖意粉、一啖墨鱼肠味道最平衡，夹埋一齐食反而浪费咗两者特色。
Taylor Shellfish Farms
地址: 西环西营盘高街80-86号丽贤阁地下C及D舖
电话: 25493130
地址: 大坑新村街42-43号地舖
电话: 29526477